ഇസ്രായേൽ ഡ്രോൺ ആക്രമണത്തിൽ ലെബനാനിൽ രണ്ട് പേർ കൊല്ലപ്പെട്ടു

ബെയ്റൂത്ത്: ഹിസ്ബുല്ലക്കെതിരായ ആക്രമണം കൂടുതൽ ശക്തമാക്കി ഇസ്രായേൽ. ശനിയാഴ്ച ലെബനാനിൽ ഇ​സ്രായേൽ നടത്തിയ ഡ്രോണാക്രമണത്തിൽ രണ്ട് പേർ കൊല്ലപ്പെട്ടു. സിറിയൻ, ലെബനീസ് പൗരൻമാരാണ് ആക്രമണത്തിൽ കൊല്ലപ്പെട്ടത്. ഒരു ഫലസ്തീൻ പൗരന് പരിക്കേൽക്കുകയും ചെയ്തു. ആക്രമണത്തിൽ കാറും സ്കൂട്ടറും തകർന്നിട്ടുണ്ട്.

കാറിലുണ്ടായിരുന്ന രണ്ട് പേരിൽ ഒരാളാണ് മരിച്ചത്. ഒരാൾക്ക് പരിക്കേൽക്കുകയും ചെയ്തു. ഇവരെ രക്ഷിക്കാൻ ശ്രമിക്കുന്നതിനിടെ സമീപത്തുണ്ടായിരുന്ന ഒരു പച്ചക്കറി കച്ചവടക്കാരനും കൊല്ലപ്പെടുകയായിരുന്നു. ലെബനാൻ തലസ്ഥാനമായ ബെയ്റൂത്തിൽ 60 കിലോമീറ്റർ അകലെയുള്ള ജാദ്രയിലാണ് ഇസ്രായേൽ ആക്രമണമുണ്ടായത്.

അതേസമയം, അ​ഭ​യാ​ർ​ഥി​ക​ൾ ത​മ്പ​ടി​ച്ച ഗ​സ്സ​യി​ലെ റ​ഫ​യി​ൽ ഇ​സ്രാ​യേ​ൽ സൈ​ന്യം കൂട്ടക്കൊല തുടങ്ങിയിട്ടുണ്ട്. ​ശ​നി​യാ​ഴ്ച 28 പേ​രെയാണ് ഇസ്രായേൽസേന കൊ​ല​പ്പെ​ടു​ത്തി. ഗ​സ്സ​യി​ൽ ജ​ന​ങ്ങ​ളി​ൽ പ​കു​തി​യും താ​മ​സി​ക്കു​ന്ന റ​ഫ​യി​ൽ ആ​ക്ര​മ​ണം ന​ട​ത്തി​യാ​ൽ അ​വ​ർ​ക്ക് പോ​കാ​ൻ മ​റ്റൊ​രു ഇ​ട​മി​ല്ലെ​ന്ന് ഐ​ക്യ​രാ​ഷ്ട്ര സ​ഭ സെ​ക്ര​ട്ട​റി ജ​ന​റ​ൽ അ​ന്റോ​ണി​യോ ഗു​ട്ടെ​റ​സ് പ​റ​ഞ്ഞു. എന്നാൽ, ഇതൊന്നും വകവെക്കാതെയാണ് ഇസ്രായേൽ ആക്രമണം നടത്തുന്നത്.

ഗ​സ്സ​യി​ൽ ഇ​തു​വ​രെ കൊ​ല്ല​പ്പെ​ട്ട ഫ​ല​സ്തീ​നി​ക​ളു​ടെ എ​ണ്ണം 28,064 ആ​യി. 67,611 പേ​ർ​ക്ക് പ​രി​ക്കേ​റ്റു. ക​ഴി​ഞ്ഞ ദി​വ​സം ഇ​സ്രാ​യേ​ൽ വെ​ടി​വെ​പ്പി​നി​ടെ കാ​ണാ​താ​യ ആ​റു​വ​യ​സ്സു​ള്ള ഫ​ല​സ്തീ​നി കു​ട്ടി​യു​ടെ മൃ​ത​ദേ​ഹം ക​ണ്ടെ​ത്തി.