അൽ-ഖുദ്‌സ് ആശുപത്രിക്കുനേരെ ഇസ്രായേൽ ആക്രമണം രൂക്ഷം

ഗസ്സ സിറ്റി: അൽ ഖുദ്‌സ് ആശുപത്രിക്കുനേരെ ഇസ്രായേൽ രൂക്ഷമായ ആക്രമണമാണ് നടത്തുന്നതെന്ന് ഫലസ്തീൻ റെഡ് ക്രസന്റ്. ഭക്ഷണമോ വെള്ളമോ വൈദ്യുതിയോ ഇല്ലാത്ത രോഗികളെയും പരിക്കേറ്റവരെയും ദുരിതത്തിലാക്കി ഇസ്രയേലി സൈനിക വാഹനങ്ങൾ കെട്ടിടം വളയുന്നത് തുടരുകയാണെന്ന് ഫലസ്തീൻ റെഡ് ക്രസന്റ് പറയുന്നു.

അൽ ഖു​ദ്സ് ആ​ശു​പ​ത്രി​യി​ൽ ന​ട​ത്തി​യ വെ​ടി​വെ​പ്പി​ൽ 21 പേ​രെ കൊ​ല​പ്പെ​ടു​ത്തി​യ​താ​യി ഇ​സ്രാ​യേ​ൽ സേ​ന പറഞ്ഞു. സേ​ന​ക്കു​നേ​രെ ആ​ശു​പ​ത്രി​യി​ൽ​നി​ന്നു​ണ്ടാ​യ ആ​ക്ര​മ​ണ​ത്തി​ന് തി​രി​ച്ച​ടി​യാ​യാ​ണ് വെ​ടി​വെ​പ്പ് ന​ട​ത്തി​യ​തെ​ന്നാ​ണ് അ​വ​കാ​ശ​വാ​ദം.

ഇസ്രായേലിന്റെ ക​ടു​ത്ത ഉ​പ​രോ​ധ​വും ആ​ക്ര​മ​ണ​വും മൂ​ലം പ്ര​വ​ർ​ത്ത​നം നി​ല​ച്ച ഗ​സ്സ​ അ​ൽ ശി​ഫ ആ​ശു​പ​ത്രി​യി​ൽ അ​വ​സാ​ന ജ​ന​റേ​റ്റ​റും പ്ര​വ​ർ​ത്ത​ന​ര​ഹി​ത​മാ​യ​തോ​ടെ ഇ​ൻ​കു​ബേ​റ്റ​റി​ൽ ക​ഴി​യു​ന്ന ഏ​ഴ് ന​വ​ജാ​ത ശി​ശു​ക്ക​ളും അ​ത്യാ​ഹി​ത വി​ഭാ​ഗ​ത്തി​ലെ 27 പേ​രു​മ​ട​ക്കം 34 ​രോ​ഗി​ക​ൾ മ​ര​ണ​ത്തി​ന് കീ​ഴ​ട​ങ്ങി. ചി​കി​ത്സ​യി​ലു​ള്ള 650ഓ​ളം പേ​ർ മ​ര​ണ​മു​ഖ​ത്താ​ണ്. ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട നൂ​റോ​ളം പേ​രു​ടെ മൃ​ത​ദേ​ഹ​ങ്ങ​ൾ ഖ​ബ​റ​ട​ക്കാ​ൻ പോ​ലു​മാ​കാ​തെ ആ​ശു​പ​ത്രി വ​ള​പ്പി​ൽ ചീ​ഞ്ഞ​ളി​യു​ന്ന നി​ല​യി​ലാ​ണെ​ന്ന് ‘അ​ൽ ജ​സീ​റ’ റി​പ്പോ​ർ​ട്ട് ചെ​യ്തു. മൃ​ത​ദേ​ഹം തെ​രു​വു​നാ​യ്ക്ക​ൾ ക​ടി​ച്ചു​വ​ലി​ക്കു​ക​യാ​ണെ​ന്ന് ആ​രോ​ഗ്യ​മ​ന്ത്രാ​ല​യ വ​ക്താ​വ് ഡോ. ​മു​നീ​ർ അ​ൽ ബു​ർ​ശ് പ​റ​ഞ്ഞു.

ആ​ശു​പ​ത്രി​ക​ളു​മാ​യു​ള്ള വാ​ർ​ത്താ​വി​നി​മ​യ ബ​ന്ധം നി​ല​ച്ച​തി​നാ​ൽ ഗ​സ്സ​യി​ലെ കൃ​ത്യം മ​ര​ണ​ക്ക​ണ​ക്ക് പു​റ​ത്തു​വി​ടാ​ൻ ആ​രോ​ഗ്യ​മ​​ന്ത്രാ​ല​യ​ത്തി​ന് ക​ഴി​യു​ന്നി​ല്ല. 8000 കു​ട്ടി​ക​ളും സ്ത്രീ​ക​ളു​മ​ട​ക്കം മൊ​ത്തം മ​ര​ണം 11,100 ക​ട​ന്നു​വെ​ന്നാ​ണ് അ​വ​സാ​ന വി​വ​രം.

ഗസ്സയിലേക്ക് ‘കപ്പൽ ആശുപത്രി’യെത്തി

യു​ദ്ധ​ത്തി​ൽ പ​രി​ക്കേ​റ്റ​വ​രെ ചി​കി​ത്സി​ക്കാ​ൻ തു​ർ​ക്കി​യ​യു​ടെ ക​പ്പ​ൽ ആ​ശു​പ​ത്രി റ​ഫ അ​തി​ർ​ത്തി​ക്കു സ​മീ​പ​ത്തെ അ​ൽ ആ​രി​ഷ് തു​റ​മു​ഖ​ത്തെ​ത്തി. എ​ട്ട് ഫീ​ൽ​ഡ് ആ​​ശു​പ​ത്രി​ക​ൾ സ​ജ്ജ​മാ​ക്കാ​നു​ള്ള മ​രു​ന്നു​ക​ളും ഉ​പ​ക​ര​ണ​ങ്ങ​ളും ക​പ്പ​ലി​ലു​ണ്ടെ​ന്ന് അ​ധി​കൃ​ത​ർ അ​റി​യി​ച്ചു.

അതേസമയം, യു​ദ്ധം രൂ​ക്ഷ​മാ​യ ഗ​സ്സ​യി​ൽ​നി​ന്ന് കൂ​ടു​ത​ൽ വി​ദേ​ശ​പൗ​ര​ന്മാ​രെ ഒ​ഴി​പ്പി​ച്ച​താ​യി അ​ധി​കൃ​ത​ർ അ​റി​യി​ച്ചു. 86 റു​മേ​നി​യ​ൻ പൗ​ര​ന്മാ​ർ റ​ഫ അ​തി​ർ​ത്തി വ​ഴി ഈ​ജി​പ്തി​ലെ കൈ​റോ​യി​ലെ​ത്തി. ഇ​തോ​ടെ ഗ​സ്സ​യി​ൽ​നി​ന്ന് ഒ​ഴി​പ്പി​ച്ച മൊ​ത്തം റു​മേ​നി​യ​ക്കാ​രു​ടെ എ​ണ്ണം 134 ആ​യി. അ​ഞ്ച് അ​ൽ​ബേ​നി​യ​ൻ പൗ​ര​ന്മാ​രും 32 ബ്ര​സീ​ൽ പൗ​ര​ന്മാ​രും ര​ണ്ട് ചെ​ക്ക് പൗ​ര​ന്മാ​രും റ​ഫ അ​തി​ർ​ത്തി ക​ട​ന്നു. പ​രി​ക്കേ​റ്റ​വ​ര​ട​ക്കം ഞാ​യ​റാ​ഴ്ച 846 പേ​ർ ഈ​ജി​പ്തി​​ലെ​ത്തി​യ​താ​യാ​ണ് ക​ണ​ക്ക്.