ഇസ്രായേൽ സൈന്യം ഫലസ്തീനിയെ വധിച്ചു

വെസ്റ്റ്ബാങ്ക്: ഇസ്രായേൽ സേന ഒരു ഫലസ്തീൻ പൗരനെ കൂടി കൊലപ്പെടുത്തി. ഇസ്രായേൽ സൈന്യം ഫലസ്തീനിയെ വെടിവെച്ച് വീഴ്ത്തുന്ന ദൃശ്യം സമൂഹമാധ്യമങ്ങളിൽ വ്യാപകമായി പ്രചരിച്ചു. 2006ന് ശേഷം ഇസ്രായേൽ-ഫലസ്തീൻ സംഘർഷം കൂടുതലുള്ളത് ഈ വർഷമാണ്. 140ലേറെ ഫലസ്തീനികളും 19 ഇസ്രായേലുകാരും ഈ വർഷം കൊല്ലപ്പെട്ടു. വെസ്റ്റ്ബാങ്കിലെ ഇസ്രായേൽ റെയ്ഡും അറസ്റ്റും ഇതിനോടുള്ള ചെറുത്തുനിൽപുമാണ് സംഘർഷത്തിനിടയാക്കുന്നത്. അതിനിടെ, ഇസ്രായേലി സമാധാന പ്രവർത്തകർ വെള്ളിയാഴ്ച വെസ്റ്റ് ബാങ്കിൽ ഫലസ്തീൻ ഐക്യദാർഢ്യ പ്രകടനം നടത്തി.