ഉ​പ​രോ​ധം ര​ണ്ടാ​ഴ്ച​യാ​കു​ന്നു; ഗ​സ്സ​യെ പ​ട്ടി​ണി​ക്കി​ട്ട് കൊ​ല്ലാ​ൻ ഇ​സ്രാ​യേ​ൽ, ഫ​ല​സ്തീ​നി​ക​ളെ ആ​ഫ്രി​ക്ക​യി​ലേ​ക്ക് മാ​റ്റി​പ്പാ​ർ​പ്പി​ക്കാ​ൻ ഗൂ​ഢാ​ലോ​ച​ന

ഗ​സ്സ: ഗ​സ്സ​യി​ലേ​ക്ക് സ​ഹാ​യ വ​സ്തു​ക്ക​ളു​മാ​യി വ​രു​ന്ന മു​ഴു​വ​ൻ ട്ര​ക്കു​ക​ളും ഈ​ജി​പ്ത് അ​തി​ർ​ത്തി​യി​ൽ ത​ട​ഞ്ഞു​ള്ള ഇ​​സ്രാ​യേ​ൽ ഉ​പ​രോ​ധം ര​ണ്ടാ​ഴ്ച​യാ​കു​ന്നു. ട്ര​ക്കു​ക​ളു​ടെ നീ​ണ്ട​നി​ര അ​തി​ർ​ത്തി​യി​ൽ കാ​ത്തു​കെ​ട്ടി​ക്കി​ട​ക്കു​ക​യാ​ണ്. റ​ഫ, ക​രീം അ​ബു​സാ​ലിം അ​തി​ർ​ത്തി​ക​ളി​ലൂ​ടെ എ​ത്തി​യി​രു​ന്ന സ​ഹാ​യ​വ​സ്തു​ക്ക​ളാ​ണ് ഗ​സ്സ​ക്കാ​ർ അ​തി​ജീ​വ​ന​ത്തി​ന് ഉ​പ​യോ​ഗി​ച്ചി​രു​ന്ന​ത്. ഇ​ത് അ​ട​ച്ച​തോ​ടെ ഭ​ക്ഷ​ണം, മ​രു​ന്ന്, വെ​ള്ളം എ​ന്നി​വ​ക്ക് ക്ഷാ​മ​മു​ണ്ട്. 80 ശ​ത​മാ​നം പേ​ർ ഭ​ക്ഷ​ണ​ത്തി​നും 90 ശ​ത​മാ​നം പേ​ർ വെ​ള്ള​ത്തി​നും ക്ഷാ​മം നേ​രി​ടു​ന്നു. ക​രു​ത​ൽ ശേ​ഖ​രം ഉ​പ​യോ​ഗി​ച്ച് പ​രി​മി​ത തോ​തി​ൽ പ്ര​വ​ർ​ത്തി​ക്കു​ന്ന പൊ​തു​ഭ​ക്ഷ​ണ വി​ത​ര​ണ കേ​ന്ദ്രം ദി​വ​സ​ങ്ങ​ൾ​ക്ക​കം പൂ​​ട്ടേ​ണ്ടി വ​രും.

ഗ​സ്സ​ക്ക് സ​ഹാ​യം ത​ട​ഞ്ഞാ​ൽ ഇ​സ്രാ​യേ​ൽ ക​പ്പ​ലു​ക​ൾ​ക്ക് നേ​രെ ആ​ക്ര​മ​ണം ന​ട​ത്തു​മെ​ന്ന് യ​മ​നി​ലെ ഹൂ​തി​ക​ൾ മു​ന്ന​റി​യി​പ്പ് ന​ൽ​കി​യി​ട്ടു​ണ്ട്. അ​തേ​സ​മ​യം, ഗ​സ്സ​യി​ലെ ബൈ​ത് ലാ​ഹി​യ​യി​ൽ ര​ണ്ടു കു​ട്ടി​ക​ളെ ആ​ക്ര​മ​ണ​ത്തി​ലൂ​ടെ കൊ​ല​പ്പെ​ടു​ത്തു​ക​യും ചെ​യ്തു. അ​ഭ​യാ​ർ​ഥി​ത്വം, സൈ​നി​ക നീ​ക്കം, മ​റ്റു നി​യ​ന്ത്ര​ണ​ങ്ങ​ൾ എ​ന്നി​വ കാ​ര​ണം അ​ധി​നി​വി​ഷ്ട വെ​സ്റ്റ് ബാ​ങ്കി​ലും പ​ട്ടി​ണി വ​ർ​ധി​ക്കു​ക​യാ​ണ്. ഇ​സ്രാ​യേ​ലി അ​ന​ധി​കൃ​ത കു​ടി​യേ​റ്റ​ക്കാ​ർ ഒ​രു ഫ​ല​സ്തീ​ൻ ഗ്രാ​മ​ത്തി​ൽ കൂ​ടി അ​ക്ര​മം ന​ട​ത്തു​ക​യും വീ​ടു​ക​ൾ ക​ത്തി​ക്കു​ക​യും ചെ​യ്തു. ന​ബ്‍ലു​സിലെ ഖി​ർ​ബ​ത് അ​ൽ മ​റാ​ജിം ഗ്രാ​മ​ത്തി​ലാ​ണ് അ​തി​ക്ര​മം ന​ട​ത്തി​യ​ത്. അതിനിടെ ഇസ്രായേലി അമേരിക്കൻ സൈനികൻ ഇദാൻ അലക്സാണ്ടറിനെ മോചിപ്പിക്കാൻ വെള്ളിയാഴ്ച ഹമാസ് സമ്മതിച്ചു. നാല് ബന്ദികളുടെ മൃതദേഹവും വിട്ടുനൽകും.

ഫ​ല​സ്തീ​നി​ക​ളെ ആ​ഫ്രി​ക്ക​യി​ലേ​ക്ക് മാ​റ്റി​പ്പാ​ർ​പ്പി​ക്കാ​ൻ ഗൂ​ഢാ​ലോ​ച​ന

ന്യൂ​യോ​ർ​ക്: ഫ​ല​സ്തീ​നി​ക​ളെ ആ​ഫ്രി​ക്ക​യി​ലേ​ക്ക് മാ​റ്റി​പ്പാ​ർ​പ്പി​ക്കാ​ൻ യു.​എ​സ്, ഇ​സ്രാ​യേ​ൽ ഗൂ​ഢാ​ലോ​ച​ന​യെ​ന്ന് സൂ​ച​ന. ഫ​ല​സ്തീ​നി​ക​ളെ മാ​റ്റി​പ്പാ​ർ​പ്പി​ക്കാ​ൻ യു.​എ​സ്, ഇ​സ്രാ​യേ​ൽ അ​ധി​കൃ​ത​ർ സോ​മാ​ലി​യ, സു​ഡാ​ൻ അ​ധി​കൃ​ത​രെ ബ​ന്ധ​പ്പെ​ട്ട​താ​യി അ​സോ​സി​യേ​റ്റ​ഡ് പ്ര​സ് വാ​ർ​ത്ത ഏ​ജ​ൻ​സി റി​പ്പോ​ർ​ട്ട് ചെ​യ്തു. സു​ഡാ​ൻ നി​​ർ​ദേ​ശം ത​ള്ളി​യ​താ​യും റി​പ്പോ​ർ​ട്ടി​ൽ പ​റ​യു​ന്നു. സോ​മാ​ലി​യ, സോ​മാ​ലി ലാ​ൻ​ഡ് അ​ധി​കൃ​ത​രു​ടെ വി​ശ​ദീ​ക​ര​ണം ല​ഭ്യ​മാ​യി​ട്ടി​ല്ല.

ഫ​ല​സ്തീ​നി​ക​ളെ പു​റ​ന്ത​ള്ളി ഗ​സ്സ ഏ​റ്റെ​ടു​ത്ത് വി​നോ​ദ​സ​ഞ്ചാ​ര കേ​ന്ദ്ര​മാ​ക്കു​മെ​ന്ന് യു.​എ​സ് പ്ര​സി​ഡ​ന്റ് ഡോ​ണ​ൾ​ഡ് ട്രം​പ് പ്ര​ഖ്യാ​പി​ച്ച് ഒ​രു​മാ​സ​മാ​കു​മ്പോ​ഴാ​ണ് പു​തി​യ സം​ഭ​വ​വി​കാ​സം. സ്വ​ന്തം മ​ണ്ണ് വി​ട്ട് എ​ങ്ങോ​ട്ടും പോ​കി​ല്ലെ​ന്ന് ഫ​ല​സ്തീ​നി സം​ഘ​ട​ന​ക​ൾ വ്യ​ക്ത​മാ​ക്കി​യി​ട്ടു​ണ്ട്. അ​റ​ബ് രാ​ഷ്ട്ര​ങ്ങ​ളും ട്രം​പി​ന്റെ നി​ർ​ദേ​ശം ത​ള്ളി രം​ഗ​ത്തെ​ത്തി​യി​രു​ന്നു. നേ​ര​ത്തേ ഫ​ല​സ്തീ​നി​ക​ളെ ജോ​ർ​ഡ​നി​ലേ​ക്കും ഈ​ജി​പ്തി​ലേ​ക്കും മാ​റ്റി​പ്പാ​ർ​പ്പി​ക്കാ​ൻ യു.​എ​സും ഇ​സ്രാ​യേ​ലും ചേ​ർ​ന്ന് പ​ദ്ധ​തി ത​യാ​റാ​ക്കി​യ​താ​യി റി​പ്പോ​ർ​ട്ടു​ണ്ടാ​യി​രു​ന്നു.