വടക്കൻ ഗസ്സയിൽ ദിവസവും നാലു മണിക്കൂർ വെടിനിർത്തൽ

ഗസ്സ സിറ്റി / വാഷിങ്ടൺ: ഇസ്രായേൽ മനുഷ്യക്കുരുതി തുടരുന്ന ഗസ്സയുടെ വടക്കൻ ഭാഗത്ത് ദിവസവും നാലു മണിക്കൂർ വെടിനിർത്താൻ തീരുമാനം. ഇക്കാര്യം ഇസ്രായേൽ അംഗീകരിച്ചതായി വൈറ്റ് ഹൗസ് ആണ് അറിയിച്ചത്. വടക്കൻ ഗസ്സയിൽ നിന്ന് ഫലസ്തീനികൾക്ക് പലായനം ചെയ്യാൻ അനുവദിക്കുന്നതിനായാണ് വെടിനിർത്തൽ.

വടക്കൻ ഗസ്സയിൽ നിന്ന് ആളുകൾക്ക് പലായനം ചെയ്യാൻ രണ്ട് മാനുഷിക ഇടനാഴികൾ ഉണ്ടാക്കുമെന്നും ഈ പ്രദേശങ്ങളിൽ സൈനിക നടപടികൾ ഉണ്ടാകില്ലെന്നും അമേരിക്കൻ ദേശീയ സുരക്ഷാ കൗൺസിൽ വക്താവ് ജോൺ കിർബി വ്യക്തമാക്കി. ശരിയായ ദിശയിലേക്കുള്ള ചുവടുവെപ്പാണിതെന്നും ജോൺ കിർബി പറഞ്ഞു.

തെ​ക്ക​ൻ മേ​ഖ​ല​യി​ലേ​ക്ക് ഒ​ഴി​ഞ്ഞു​പോ​കാ​ൻ നാ​ലു മ​ണി​ക്കൂ​ർ​കൂ​ടി അ​ധി​ക സ​മ​യം അ​നു​വ​ദി​ച്ച​താ​യി ഇ​സ്രാ​യേ​ൽ അ​റി​യി​പ്പ് ല​ഭി​ച്ച​തി​നു പി​ന്നാ​ലെ വ​ട​ക്ക​ൻ ഗ​സ്സ​യി​ൽ​നി​ന്ന് സ​ലാ​ഹു​ദ്ദീ​ൻ റോ​ഡുവ​ഴി വ​ൻ ജ​ന​പ്ര​വാ​ഹമാണ്. ക​ഴി​ഞ്ഞ ദി​വ​സ​വും ഇ​തു​പോ​ലെ ന​ൽ​കി​യ ചെ​റി​യ ഇ​ട​​വേ​ള​യി​ൽ അ​മ്പ​തി​നാ​യി​ര​ത്തോ​ളം പേ​രാ​ണ് തെ​ക്ക​ൻ ഗ​സ്സ​യി​ലേ​ക്ക് ഒ​ഴു​കി​യ​ത്. അതിനിടെ, തെക്കൻ മേഖലയിൽ അഭയകേന്ദ്രം ലഭിക്കാതെ 30,000 പേർ വടക്കൻ ഗസ്സയിലേക്കു തന്നെ തിരിച്ചുവന്നതായി യു.എൻ ഏജൻസി പറയുന്നു.

ഗ​സ്സ​യി​ൽ ഇ​തു​വ​രെ 10,569 പേ​രാണ് ഇസ്രായേൽ ആക്രമണങ്ങളിൽ കൊ​ല്ല​പ്പെട്ടത്.. ഇ​തി​ൽ 4300 കു​ട്ടി​ക​ളാ​ണ്.

അറബ് നേതാവ് മുഹമ്മദ് ബറാഖെ ഇസ്രായേലിൽ അറസ്റ്റിൽ

അറബ് രാഷ്ട്രീയ നേതാവും മുൻ ഇസ്രായേലി പാർലമെന്‍റ് അംഗവുമായ മുഹമ്മദ് ബറാഖെയെ ഇസ്രായേൽ സൈന്യം അറസ്റ്റ് ചെയ്തു. യുദ്ധത്തിനെതിരെ പ്രതിഷേധം ആസൂത്രണം ചെയ്തെന്ന് ആരോപിച്ച് നസ്റത്തിൽ നിന്നാണ് ബറാഖെയെ അറസ്റ്റ് ചെയ്തത്. യുദ്ധവിരുദ്ധ പ്രതിഷേധ പരിപാടിയിൽ പങ്കെടുക്കാൻ പോകുമ്പോഴാണ് നടപടി. ഇസ്രായേലിലെ അറബ് പൗരന്മാരുടെ ഉന്നത സമതിയുടെ തലവനാണ് മുഹമ്മദ് ബറാഖെ.

ജെ​നി​ൻ അ​ഭ​യാ​ർ​ഥി ക്യാ​മ്പി​ൽ 11 പേർ കൊല്ലപ്പെട്ടു

ജെ​നി​ൻ അ​ഭ​യാ​ർ​ഥി ക്യാ​മ്പി​ലെ വീ​ടു​ക​ളി​ൽ ഇ​സ്രാ​​യേ​ൽ സേ​ന ന​ട​ത്തി​യ ഡ്രോ​ൺ ​ബോം​ബി​ങ്ങി​ലും വെ​ടി​വെ​പ്പി​ലു​മാ​യി 11 ഫ​ല​സ്തീ​നി​കൾ കൊല്ലപ്പെട്ടു. 16 പേ​ർ​ക്ക് പ​രി​ക്കേ​റ്റി​ട്ടു​ണ്ട്. ബോം​ബി​ങ്ങി​നു​ശേ​ഷം വീ​ടു​വീ​ടാ​ന്ത​രം ക​യ​റി​യി​റ​ങ്ങി​യ സേ​ന, യു​വാ​ക്ക​ളെ പി​ടി​ച്ചു​കൊ​ണ്ടു​പോ​കു​ന്ന​താ​യി ഫ​ല​സ്തീ​ൻ മാ​ധ്യ​മ​ങ്ങ​ൾ റി​പ്പോ​ർ​ട്ടു ചെ​യ്യു​ന്നു.

ഇസ്രായേൽ സൈനിക വാഹനങ്ങൾ തകർത്തെന്ന് ഹമാസ്

നി​ര​വ​ധി ഇ​സ്രാ​യേ​ലി സൈ​നി​ക സ​ന്നാ​ഹ​ങ്ങ​ൾ ത​ക​ർ​ത്ത​താ​യി ഹ​മാ​സ് സൈ​നി​ക വി​ഭാ​ഗ​മാ​യ അ​ൽ ഖ​സ്സാം അ​വ​കാ​ശ​പ്പെ​ട്ടു. അ​ൽ ഷാ​ത്തി ക്യാ​മ്പി​ൽ ഒ​രു ടാ​ങ്ക്, മൂ​ന്ന് സൈ​നി​ക വാ​ഹ​ന​ങ്ങ​ൾ, ബു​ൾ​ഡോ​സ​ർ എ​ന്നി​വ​യും ഗ​സ്സ സി​റ്റി​യി​ലെ ശൈ​ഖ് റ​ദ്‍വാ​നി​ലും അ​ൽ ത​വാ​മി​ലും ഓ​രോ ടാ​ങ്കു​ക​ളും ത​ക​ർ​ത്തു​വെ​ന്നും ഖ​സ്സാം വി​ഭാ​ഗം കൂ​ട്ടി​ച്ചേ​ർ​ത്തു.

ഇ​സ്രാ​യേ​ൽ യു​ദ്ധ​ക്കു​റ്റം ചെ​യ്ത​താ​യി അ​ന്താ​രാ​ഷ്ട്ര നീ​തി​ന്യാ​യ കോ​ട​തി​യി​ൽ പ​രാ​തി

ഇ​സ്രാ​യേ​ൽ ഗ​സ്സ​യി​ൽ യു​ദ്ധ​ക്കു​റ്റം ചെ​യ്ത​താ​യി ചൂ​ണ്ടി​ക്കാ​ട്ടി മൂ​ന്നു ഫ​ല​സ്തീ​ൻ സം​ഘ​ട​ന​ക​ൾ അ​ന്താ​രാ​ഷ്ട്ര നീ​തി​ന്യാ​യ കോ​ട​തി (ഐ.​സി.​സി)​യി​ൽ പ​രാ​തി ന​ൽ​കി. ഇ​ക്കാ​ര്യ​ത്തി​ൽ വം​ശ​ഹ​ത്യ, വ​ർ​ണ​വി​വേ​ച​നം എ​ന്നീ കു​റ്റ​ങ്ങ​ൾ ഉ​ൾ​പ്പെ​ടു​ത്തി അ​ന്വേ​ഷ​ണം ന​ട​ത്ത​ണ​മെ​ന്നും ഉ​ന്ന​ത ഇ​സ്രാ​യേ​ൽ നേ​തൃ​ത്വ​ത്തി​നെ​തി​രെ കേ​സെ​ടു​ക്ക​ണ​മെ​ന്നും ആ​വ​ശ്യ​പ്പെ​ട്ടു.

ഹമാസ് ആയുധം കരുതി വെച്ചിരിക്കുന്നു -യു.എസ് ഏജൻസി

ഗ​സ്സ സി​റ്റി​യി​ൽ ടാ​ങ്ക് വേ​ധ റോ​ക്ക​റ്റു​ക​ളും മോ​ർ​ട്ടാ​റു​ക​ളും ഉ​പ​യോ​ഗി​ച്ചാ​ണ് ഹ​മാ​സ് ഇ​സ്രാ​യേ​ൽ സേ​ന​യെ നേ​രി​ടു​ന്ന​തെ​ന്നും കൂ​ടു​ത​ൽ ആ​ധു​നി​ക ആ​യു​ധ​ങ്ങ​ൾ അ​വ​ർ ക​രു​തി​വെ​ച്ചി​രി​ക്കു​ക​യാ​ണെ​ന്നും നി​രീ​ക്ഷ​ക​ർ. ‘‘മി​ന്ന​ലാ​ക്ര​മ​ണം ന​ട​ത്തി ര​ക്ഷ​പ്പെ​ടു​ക​യെ​ന്ന ത​ന്ത്ര​മാ​ണ് ഇ​പ്പോ​ൾ ഹ​മാ​സ് സ്വീ​ക​രി​ച്ചി​രി​ക്കു​ന്ന​ത്. ആ​ധു​നി​ക ആ​യു​ധ​ങ്ങ​ളും ത​ന്ത്ര​ങ്ങ​ളും ദീ​ർ​ഘ​കാ​ല യു​ദ്ധ​ത്തി​നാ​യി അ​വ​ർ ക​രു​തി​വെ​ച്ചി​രി​ക്കു​ക​യാ​ണ്’’ -വാ​ഷി​ങ്ട​ണി​ലെ ഇ​ൻ​സ്റ്റി​റ്റ്യൂ​ട്ട് ഫോ​ർ ദ ​സ്റ്റ​ഡി ഓ​ഫ് വാ​ർ (ഐ.​എ​സ്.​ഡ​ബ്ല്യു) പ​റ​യു​ന്നു.