നാല് മൃതദേഹങ്ങൾ വിട്ടുനൽകി ഹമാസ്; ഫലസ്തീനി തടവുകാരെ ഇസ്രായേലും മോചിപ്പിച്ചു

തെൽ അവീവ്: നാല് ബന്ദികളുടെ മൃതദേഹങ്ങൾ കൂടി ഇസ്രായേലിന് വിട്ടുനിൽകി ഹമാസ്. ഇതിന് പകരമായി ഫലസ്തീനി തടവുകാരെ ഇസ്രായേലും ഹമാസിന് കൈമാറി. അഞ്ചാഴ്ചയായി നിലനിൽക്കുന്ന വെടിനിർത്തൽ കരാറിന്റെ ഭാഗമായാണ് നടപടി. ഇതോടെ ഗസ്സയിൽ വീണ്ടും യുദ്ധം തുടങ്ങുമെന്ന ആശങ്കകൾക്ക് താൽക്കാലികമായെങ്കിലും വിരാമമായി.

ബന്ദികളുടെ മൃതദേഹങ്ങൾ ദക്ഷിണ ഗസ്സയിൽ വെച്ചാണ് റെഡ്ക്രോസിന് കൈമാറി. അർധരാത്രിയോടെ കെരാം ഷാലോമിലാണ് മൃതദേഹങ്ങൾ കൈമാറിയത്. വെസ്റ്റ് ബാങ്ക് നഗരമായ റാമല്ലയിൽ വെച്ചാണ് ഇസ്രായേൽ ബന്ദികളെ കൈമാറിയത്. റെഡ്ക്രോസിനാണ് ഇസ്രായേൽ തടവുകാരെ കൈമാറിയത്. 600 തടവുകാരെയാണ് ഇ​സ്രായേൽ ഇത്തരത്തിൽ വിട്ടുനൽകിയത്.

നേ​ര​​ത്തെ, ത​ട​വു​കാ​രു​ടെ മോ​ച​നം ഇ​സ്രാ​യേ​ൽ വൈ​കി​പ്പി​ച്ച​ത് വെ​ടി​നി​ർ​ത്ത​ൽ ക​രാ​റി​​ന്റെ ഭാ​വി​യെ സം​ബ​ന്ധി​ച്ച് ആ​ശ​ങ്ക​യു​ള​വാ​ക്കി​യി​രു​ന്നു. ആ​ദ്യ​ഘ​ട്ട വെ​ടി​നി​ർ​ത്ത​ൽ ക​രാ​ർ സ​മാ​പി​ക്കാ​ൻ ദി​വ​സ​ങ്ങ​ൾ മാ​ത്രം ശേ​ഷി​ക്കേ​യാ​ണ് ബ​ന്ദി​ക​ളു​ടെ​യും ത​ട​വു​കാ​രു​ടെ​യും കൈ​മാ​റ്റ​ത്തി​ൽ പു​രോ​ഗ​തി​യു​ണ്ടാ​യി​രി​ക്കു​ന്ന​ത്.

ത​ട​വു​കാ​രെ വി​ട്ട​യ​ക്കാ​ൻ ഇ​സ്രാ​യേ​ൽ വി​സ​മ്മ​തി​ക്കു​ന്ന​ത് ക​രാ​റി​ന്റെ ഗു​രു​ത​ര​മാ​യ ലം​ഘ​ന​മാ​ണെ​ന്ന് ഹ​മാ​സ് കു​റ്റ​പ്പെ​ടു​ത്തി​യി​രു​ന്നു. ത​ട​വു​കാ​രെ വി​ട്ട​യ​ക്കാ​തെ ര​ണ്ടാം​ഘ​ട്ട വെ​ടി​നി​ർ​ത്ത​ൽ ച​ർ​ച്ച​ക​ൾ സാ​ധ്യ​മാ​കി​ല്ലെ​ന്നും അ​​വ​ർ വ്യ​ക്ത​മാ​ക്കി. ഇ​തി​നി​ടെ​യാ​ണ്, മ​ധ്യ​സ്ഥ​ർ മു​ൻ​കൈ​യെ​ടു​ത്ത് ഇ​രു കൂ​ട്ട​ർ​ക്കു​മി​ട​യി​ൽ ധാ​ര​ണ​യു​ണ്ടാ​ക്കി​യ​ത്.