ഒരു ഫലസ്തീനിയെ കൂടി ഇസ്രായേൽ വെടിവെച്ചുകൊന്നു

റാമല്ല: വെടിനിർത്തലിനിടയിലും ഫലസ്തീനികളെ നിഷ്ഠൂരമായി കൊലപ്പെടുത്തുന്നത് തുടർന്ന് ഇസ്രായേൽ. റാമല്ലക്കടുത്ത ഓഫർ ജയിലിന് സമീപം ഇസ്രായേൽ അധിനിവേശ സേന ഫലസ്തീൻ യുവാവിനെ വെടിവെച്ചുകൊന്നു. റാമല്ലയുടെ പടിഞ്ഞാറ് ബെയ്ത് ഊർ അൽ-തഹ്ത ഗ്രാമവാസിയായ ഫാദി മുയ്യദ് ബദ്റാൻ (21) ആണ് കൊല്ലപ്പെട്ടതെന്ന് ഫലസ്തീൻ വാർത്താ ഏജൻസിയായ വഫ റിപ്പോർട്ട് ചെയ്തു.

റാമല്ലയ്ക്ക് സമീപം ബെയ്ത്തൂനിയ പട്ടണത്തിലാണ് കൊലപാതകം നടന്നത്. നേരത്തേ ഇസ്രായേൽ അധിനിവേശ സേന ബെയ്ത്തൂനിയ പട്ടണത്തിന്റെ സമീപപ്രദേശങ്ങളിൽ ഫലസ്തീനി വംശജരുടെ വീടുകളിൽ ഇരച്ചുകയറി തകർക്കുകയും അതിക്രമം അഴിച്ചുവിടുകയും ചെയ്തിരുന്നു. തുടർന്ന് ഓഫർ ജയിലിന് സമീപം ഫലസ്തീനികൾക്കെതിരെ വെടിവെപ്പും ഏറ്റുമുട്ടലും നടന്നിരുന്നു.

ഓഫർ ജയിലിന് പുറത്ത് ഇസ്രായേൽ അധിനിവേശ സേനയും ഫലസ്തീനികളും തമ്മിലുള്ള ഏറ്റുമുട്ടലിനിടെ ബദ്റാന്റെ നെഞ്ചിൽ വെടിയേൽക്കുകയായിരുന്നു. ഉടൻ അധിനിവേശ വെസ്റ്റ് ബാങ്കിലെ ആശുപത്രിയിലേക്ക് കൊണ്ടുപോയെങ്കിലും രക്ഷിക്കാനായില്ല. ബദ്റാനുപുറമേ ആക്രമണത്തിൽ മറ്റ് നാല് പേർക്കും പരിക്കേറ്റു.

⚡️[Graphic, sensitive] The heroic young man, Fadi Muayyad Badran, from the town of Beit Ur, was martyred in the town of Beitunia, west of Ramallah, during the confrontations. pic.twitter.com/j1EpEQy4FV

— Middle East Observer (@ME_Observer_) November 30, 2023

ഇന്നലെ രണ്ട് കുട്ടികൾ ഉൾപ്പെടെ നാല് ഫലസ്തീനികളെ ഇസ്രായേൽ കൊലപ്പെടുത്തിയിരുന്നു. വെ​സ്റ്റ് ബാ​ങ്ക് ന​ഗ​ര​മാ​യ ജെ​നി​നി​ലേ​ക്ക് ഇ​ര​ച്ചു​ക​യ​റി​യാണ് അ​ഭ​യാ​ർ​ഥി ക്യാ​മ്പി​ലെ ര​ണ്ട് ഫലസ്തീൻ കുട്ടികളെ വെ​ടി​വെ​ച്ചു​കൊ​ന്നത്. ആദം സമർ അൽ ഗൗൽ എന്ന എട്ടുവയസ്സുകാരനെ തലയ്ക്ക് വെടിവെച്ചും ബാസിൽ സുലൈമാൻ അബു അൽ വഫ എന്ന 15കാരനെ നെഞ്ചിൽ വെടിവെച്ചുമാണ് കൊലപ്പെടുത്തിയത്.

ചൊ​വ്വാ​ഴ്ച രാ​ത്രി വീ​ടു​ക​ൾ ബു​ൾ​ഡോ​സ​ർ​കൊ​ണ്ട് ന​ശി​പ്പി​ക്കു​ക​യും ഡ്രോ​ൺ ആ​ക്ര​മ​ണം ന​ട​ത്തു​ക​യും ചെ​യ്തു. റോ​ഡു​ക​ൾ​ക്കും നി​ര​വ​ധി വാ​ഹ​ന​ങ്ങ​ൾ​ക്കും ​കേ​ടു​പാ​ട് സം​ഭ​വി​ച്ചതായി ഫ​ല​സ്തീ​ൻ വാ​ർ​ത്ത ഏ​ജ​ൻ​സി​യാ​യ ‘വ​ഫ’ റി​പ്പോ​ർ​ട്ട് ചെ​യ്തു.

ഖ​ലീ​ൽ സു​ലൈ​മാ​ൻ ആ​ശു​പ​ത്രി വ​ള​ഞ്ഞ ഇ​സ്രാ​യേ​ൽ അധിനിവേശ സേന പ​രി​ക്കേ​റ്റ​വ​രെ പ്ര​വേ​ശി​പ്പി​ക്കാ​ൻ അ​നു​വ​ദി​ക്കു​ന്നി​ല്ലെ​ന്ന് മെ​ഡി​സി​ൻ​സ് സാ​ൻ​സ് ഫ്രോ​ണ്ടി​യേ​ഴ്‌​സ് ഇ​ന്റ​ർ​നാ​ഷ​ന​ൽ ഡ​യ​റ​ക്ട​ർ ക്രി​സ്റ്റോ​സ് ക്രി​സ്റ്റോ പ​റ​ഞ്ഞു.

ജെ​നി​ൻ സ​ർ​ക്കാ​ർ ആ​ശു​പ​ത്രി​യു​ടെ പ്ര​വേ​ശ​ന ക​വാ​ടം ഇ​സ്രാ​യേ​ൽ സൈ​ന്യം 40 മി​നി​റ്റോ​ളം ഉ​പ​രോ​ധി​ച്ചു. കാ​ലി​ൽ വെ​ടി​യേ​റ്റ​യാ​ളെ ആ​ശു​പ​ത്രി​യി​ലേ​ക്ക് മാ​റ്റു​ന്ന​ത് ത​ട​ഞ്ഞു. പി​ന്നീ​ട് ഇ​യാ​ളെ അ​റ​സ്റ്റ് ചെ​യ്ത​താ​യി ഫ​ല​സ്തീ​ൻ റെ​ഡ് ക്ര​സ​ന്റ് സൊ​സൈ​റ്റി അ​റി​യി​ച്ചു.