നി​ർ​ത്തു​മോ കൂ​ട്ട​ക്കു​രു​തി

കൈ​റോ: ഹ​മാ​സി​ന്റെ പ​ക്ക​ലു​ള്ള ബ​ന്ദി​ക​ളു​ടെ മോ​ച​ന​ത്തി​ന് ഇ​സ്രാ​യേ​ലി​ൽ സ​മ്മ​ർ​ദം ശ​ക്ത​മാ​യി​രി​ക്കെ വീ​ണ്ടു​മൊ​രു വെ​ടി​നി​ർ​ത്ത​ലി​ന് ക​ള​മൊ​രു​ങ്ങു​ന്ന​താ​യി സൂ​ച​ന. ഖ​ത്ത​റി​ന്റെ​യും ഈ​ജി​പ്തി​ന്റെ​യും മ​ധ്യ​സ്ഥ​ത​യി​ൽ ഹ​മാ​സും ഇ​സ്രാ​യേ​ലും ത​മ്മി​ൽ ച​ർ​ച്ച​ക​ൾ ഊ​ർ​ജി​ത​മാ​യി. ഇ​തി​ന്റെ ഭാ​ഗ​മാ​യി ഹ​മാ​സ് രാ​ഷ്ട്രീ​യ​കാ​ര്യ മേ​ധാ​വി ഇ​സ്മാ​യി​ൽ ഹ​നി​യ്യ ബു​ധ​നാ​ഴ്ച ഈ​ജി​പ്തി​ലെ കൈ​റോ​യി​ലെ​ത്തി. ഇ​സ്രാ​യേ​ൽ പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു ബ​ന്ദി​ക​ളു​ടെ കു​ടും​ബാം​ഗ​ങ്ങ​ളു​മാ​യി ​ചൊ​വ്വാ​ഴ്ച കൂ​ടി​ക്കാ​ഴ്ച ന​ട​ത്തു​ക​യും വെ​ടി​നി​ർ​ത്ത​ലി​ന് സ​ന്ന​ദ്ധ​മാ​ണെ​ന്ന് പ്ര​സി​ഡ​ന്റ് ഐ​സ​ക് ഹെ​ർ​സോ​ഗ് പ്ര​ഖ്യാ​പി​ക്കു​ക​യും ചെ​യ്ത​തി​ന് പി​ന്നാ​ലെ​യാ​ണ് പു​തി​യ നീ​ക്കം.

അ​വ​ശേ​ഷി​ക്കു​ന്ന ബ​ന്ദി​ക​ളി​ൽ സ്ത്രീ​ക​ളെ​യും വ​യോ​ധി​ക​രാ​യ പു​രു​ഷ​ന്മാ​രെ​യും വി​ട്ട​യ​ക്ക​ണ​മെ​ന്നാ​ണ് ഒ​രാ​ഴ്ച നീ​ളു​ന്ന വെ​ടി​നി​ർ​ത്ത​ലി​ന് ഇ​സ്രാ​യേ​ൽ മു​ന്നോ​ട്ടു​വെ​ക്കു​ന്ന നി​ബ​ന്ധ​ന​യെ​ന്ന​റി​യു​ന്നു. ഇ​തി​ന് പ​ക​ര​മാ​യി ഗു​രു​ത​ര കു​റ്റ​കൃ​ത്യം ആരോപിച്ച് ഇ​സ്രാ​യേ​ൽ ത​ട​വി​ലാ​ക്കി​യ ഫ​ല​സ്തീ​നി​ക​ളെ വി​ട്ട​യ​ക്കും. എ​ന്നാ​ൽ, താ​ൽ​ക്കാ​ലി​ക വെ​ടി​നി​ർ​ത്ത​ലി​ന് സ​ന്ന​ദ്ധ​മ​ല്ലെ​ന്നും ഗ​സ്സ​യി​ലെ ആ​ക്ര​മ​ണം പൂ​ർ​ണ​മാ​യി അ​വ​സാ​നി​പ്പി​ക്ക​ണ​മെ​ന്നു​മാ​ണ് ഹ​മാ​സ് നി​ല​പാ​ട്. സി.​ഐ.​എ, മൊ​സാ​ദ് ത​ല​വ​ന്മാ​രു​മാ​യി ഖ​ത്ത​ർ പ്ര​ധാ​ന​മ​ന്ത്രി ​ശൈ​ഖ് മു​ഹ​മ്മ​ദ് ബി​ൻ അ​ബ്ദു​റ​ഹ്മാ​ൻ ആ​ൽ​ഥാ​നി ക​ഴി​ഞ്ഞ​ദി​വ​സം പോ​ള​ണ്ടി​ൽ കൂ​ടി​ക്കാ​ഴ്ച ന​ട​ത്തി​യി​രു​ന്നു. ഇ​തി​ന്റെ തു​ട​ർ​ച്ച​യാ​ണ് കൈ​റോ​യി​ലെ ച​ർ​ച്ച.

അ​തേ​സ​മ​യം, ഇ​സ്രാ​യേ​ൽ സേ​ന ജ​ബ​ലി​യ​യി​ലും റ​ഫ​യി​ലും ക​ന​ത്ത ആ​ക്ര​മ​ണം തു​ട​രു​ക​യാ​ണ്. റ​ഫ​ക്ക് സ​മീ​പ​ത്തെ ശാ​ബൂ​റ അ​ഭ​യാ​ർ​ഥി ക്യാ​മ്പി​ൽ ന​ട​ത്തി​യ ആ​ക്ര​മ​ണ​ത്തി​ൽ നി​ര​വ​ധി പേ​ർ കൊ​ല്ല​പ്പെ​ട്ടു. ജ​ബ​ലി​യ അ​ഭ​യാ​ർ​ഥി ക്യാ​മ്പി​നു​നേ​രെ ന​ട​ത്തി​യ ബോം​ബി​ങ്ങി​ൽ 46 പേ​ർ കൊ​ല്ല​പ്പെ​ട്ട​താ​യി ഗ​സ്സ ആ​രോ​ഗ്യ​മ​ന്ത്രാ​ല​യം അ​റി​യി​ച്ചു. ഖാ​ൻ യൂ​നു​സ്, ദാ​റു​ൽ ബ​ലാ എ​ന്നി​വി​ട​ങ്ങ​ളി​ലും ആ​ക്ര​മ​ണം ശ​ക്ത​മാ​ണ്. ഹ​മാ​സ് പോ​രാ​ളി​ക​ളു​ടെ ചെ​റു​ത്തു​നി​ൽ​പി​ൽ 24 മ​ണി​ക്കൂ​റി​നി​ടെ 12 ഇ​​സ്രാ​യേ​ൽ സൈ​നി​ക​രും കൊ​ല്ല​പ്പെ​ട്ടു.

വെ​സ്റ്റ്ബാ​ങ്കി​ൽ​നി​ന്ന് 25 ഫ​ല​സ്തീ​നി​ക​ളെ ഇ​സ്രാ​യേ​ൽ സേ​ന അ​റ​സ്റ്റ് ചെ​യ്തു. ഇ​തോ​ടെ ഇ​സ്രാ​യേ​ൽ ത​ട​വ​റ​യി​ലു​ള്ള ഫ​ല​സ്തീ​നി​ക​ളു​ടെ എ​ണ്ണം 7,820 ആ​യി. ല​ബ​നാ​നി​ൽ ഇ​സ്രാ​യേ​ൽ ന​ട​ത്തി​യ വ്യോ​മാ​ക്ര​മ​ണ​ത്തി​ൽ ര​ണ്ട് ഹി​സ്ബു​ല്ല പോ​രാ​ളി​ക​ൾ കൊ​ല്ല​പ്പെ​ട്ടു.