മൂ​ന്ന് ദി​വ​സ​ത്തി​നി​ടെ ഗ​സ്സ​യി​ൽ ഇ​സ്രാ​യേ​ൽ നടത്തിയത് 158 ആക്രമണം

ഗസ്സ സിറ്റി: മൂ​ന്ന് ദി​വ​സ​ത്തി​നി​ടെ ഗ​സ്സ​യി​ലെ 158 ല​ക്ഷ്യ​കേ​ന്ദ്ര​ങ്ങ​ളി​ൽ ആ​ക്ര​മ​ണം ന​ട​ത്തി​യ​താ​യി ഇ​സ്രാ​യേ​ൽ സൈ​ന്യം അ​റി​യി​ച്ചു. ഗ​സ്സ​യി​ൽ​നി​ന്ന് ഇ​സ്രാ​യേ​ലി​ലേ​ക്ക് 523 റോ​ക്ക​റ്റു​ക​ളാ​ണ് തൊ​ടു​ത്ത​ത്. ഇ​തി​ൽ 380 എ​ണ്ണം അ​തി​ർ​ത്തി ക​ട​ന്ന് ഇ​സ്രാ​യേ​ൽ പ​രി​ധി​യി​ലെ​ത്തി. എ​ന്നാ​ൽ, ഇ​തി​ൽ 96 ശ​ത​മാ​ന​ത്തെ​യും വ്യോ​മ പ്ര​തി​രോ​ധ​സം​വി​ധാ​നം ത​ക​ർ​ത്ത​താ​യും സൈ​ന്യം പ​റ​ഞ്ഞു.

നൂ​റി​ല​ധി​കം റോ​ക്ക​റ്റു​ക​ൾ ല​ക്ഷ്യം​തെ​റ്റി ഫ​ല​സ്തീ​ൻ മേ​ഖ​ല​യി​ൽ ത​ന്നെ പ​തി​ച്ച് 10 വ​യ​സ്സു​ള്ള പെ​ൺ​കു​ട്ടി ഉ​ൾ​പ്പെ​ടെ നാ​ല് ഫ​ല​സ്തീ​നി​ക​ൾ കൊ​ല്ല​പ്പെ​ട്ട​താ​യും സൈ​ന്യം പ​റ​ഞ്ഞു. അ​തേ​സ​മ​യം, ഈ ​വാ​ദം തെ​റ്റാ​ണെ​ന്ന് ഫ​ല​സ്തീ​നി​യ​ൻ ഇ​സ്‍ലാ​മി​ക് ജി​ഹാ​ദ് പ്ര​തി​ക​രി​ച്ചു. ത​ങ്ങ​ളു​ടെ ചെ​യ്തി​യു​ടെ ഉ​ത്ത​ര​വാ​ദി​ത്ത​ത്തി​ൽ​നി​ന്ന് ഇ​സ്രാ​യേ​ൽ ഒ​ളി​​ച്ചോ​ടു​ക​യാ​ണെ​ന്നും സം​ഘ​ട​ന കു​റ്റ​പ്പെ​ടു​ത്തി.

ഓപറഷേൻ ഷീ​ൽ​ഡ് ആ​ൻ​ഡ് ആ​രോ

ഓ​പ​റേ​ഷ​ൻ ഷീ​ൽ​ഡ് ആ​ൻ​ഡ് ആ​രോ എ​ന്ന പേ​രി​ൽ ന​ട​ത്തു​ന്ന വ്യോ​മാ​ക്ര​മ​ണ​ത്തി​ൽ വ​ട​ക്ക​ൻ ഗ​സ്സ മു​ന​മ്പി​ലെ ബെ​യ്ത് ല​ഹി​യ​ക്ക് സ​മീ​പ​മു​ള്ള റോ​ക്ക​റ്റ് വി​ക്ഷേ​പ​ണ കേ​ന്ദ്ര​വും ത​ക​ർ​ത്ത​താ​യി ഇ​​സ്രാ​യേ​ൽ അ​വ​കാ​ശ​പ്പെ​ട്ടു. പു​ല​ർ​ച്ചെ ന​ട​ന്ന വ്യോ​മാ​ക്ര​മ​ണ​ത്തി​ന് പി​ന്നാ​ലെ തെ​ക്ക​ൻ ഇ​സ്രാ​യേ​ലി​ൽ മു​ന്ന​റി​യി​പ്പ് സൈ​റ​ൺ മു​ഴ​ങ്ങി. ഗ​സ്സ​യി​ൽ​നി​ന്ന് നി​ര​വ​ധി റോ​ക്ക​റ്റു​ക​ൾ ഇ​സ്രാ​യേ​ലി​ലേ​ക്ക് തൊ​ടു​ത്തെ​ങ്കി​ലും ആ​ർ​ക്കും പ​രി​ക്കേ​റ്റ​താ​യി റി​പ്പോ​ർ​ട്ടി​ല്ല.

ഹ​മാ​സ് ക​ഴി​ഞ്ഞാ​ൽ ഗ​സ്സ​യി​ലെ ഏ​റ്റ​വും പ്ര​ബ​ല സം​ഘ​ട​ന​യാ​ണ് ഫ​ല​സ്തീ​നി​യ​ൻ ഇ​സ്‍ലാ​മി​ക് ജി​ഹാ​ദ്. സ​മീ​പ​കാ​ല​ത്ത് ഇ​സ്രാ​യേ​ലി​​ലേ​ക്ക് ന​ട​ന്ന മി​ക്ക റോ​ക്ക​റ്റ് ആ​ക്ര​മ​ണ​ങ്ങ​ളു​ടെ​യും പി​ന്നി​ൽ ഇ​സ്‍ലാ​മി​ക് ജി​ഹാ​ദാ​ണെ​ന്നാ​ണ് ആ​രോ​പി​ക്ക​പ്പെ​ടു​ന്ന​ത്. വ്യാ​ഴാ​ഴ്ച പു​ല​ർ​ച്ചെ വ​രെ 32 പേ​ർ​ക്ക് ചി​കി​ത്സ ന​ൽ​കി​യ​താ​യി ഇ​സ്രാ​യേ​ലി​ലെ മാ​ഗെ​ൻ ഡേ​വി​ഡ് ആ​ദം ആം​ബു​ല​ൻ​സ് സ​ർ​വി​സ് അ​റി​യി​ച്ചു. ഇ​തി​ൽ 15 പേ​ർ​ക്ക് ബോം​ബ് ഷെ​ൽ​ട്ട​റി​ൽ അ​ഭ​യം തേ​ടു​ന്ന​തി​നു​ള്ള ഓ​ട്ട​ത്തി​നി​ടെ​യാ​ണ് പ​രി​ക്കേ​റ്റ​ത്. 17 പേ​ർ അ​മി​ത ഉ​ത്ക​ണ്ഠ​യെ​ത്തു​ട​ർ​ന്നാ​ണ് ചി​കി​ത്സ നേ​ടി​യ​ത്.

ആ​ക്ര​മ​ണം അ​വ​സാ​നി​ച്ചി​ട്ടി​ല്ല - നെ​ത​ന്യാ​ഹു

അ​തി​നി​ടെ, ഇ​സ്രാ​യേ​ൽ ആ​ക്ര​മ​ണം ഇ​നി​യും അ​വ​സാ​നി​ച്ചി​ട്ടി​ല്ലെ​ന്ന് പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു ബു​ധ​നാ​ഴ്ച രാ​ത്രി പ​റ​ഞ്ഞു. ഇ​തു​വ​രെ​യു​ള്ള​തി​ൽ ഏ​റ്റ​വും വ​ലി​യ ആ​ഘാ​ത​മാ​ണ് ഇ​സ്‍ലാ​മി​ക് ജി​ഹാ​ദി​ന് ന​ൽ​കി​യ​തെ​ന്നും അ​ദ്ദേ​ഹം പ​റ​ഞ്ഞു. അ​തേ​സ​മ​യം, ഇ​സ്രാ​യേ​ൽ ആ​ക്ര​മ​ണം തു​ട​ർ​ന്നാ​ൽ ക​റു​ത്ത ദി​ന​ങ്ങ​ളാ​യി​രി​ക്കും കാ​ത്തി​രി​ക്കു​ന്ന​തെ​ന്ന് ഇ​സ്‍ലാ​മി​ക് ജി​ഹാ​ദ് മു​ന്ന​റി​യി​പ്പ് ന​ൽ​കി.

ആക്രമണം നിർത്തണം - യു.എൻ

ഗ​സ്സ​യി​ലെ സം​ഭ​വ​വി​കാ​സ​ങ്ങ​ൾ യു.​എ​ൻ സെ​ക്ര​ട്ട​റി ജ​ന​റ​ൽ അ​േ​ന്റാ​ണി​​യോ ഗു​ട്ടെ​റ​സ് സൂ​ക്ഷ്മ​മാ​യി നി​രീ​ക്ഷി​ച്ചു​വ​രി​ക​യാ​ണെ​ന്നും സ്ത്രീ​ക​ളും കു​ട്ടി​ക​ളും ഉ​ൾ​പ്പെ​ടെ സാ​ധാ​ര​ണ ജ​ന​ങ്ങ​ൾ കൊ​ല്ല​പ്പെ​ടാ​നി​ട​യാ​യ​തി​നെ അ​പ​ല​പി​ച്ച​താ​യും അ​ദ്ദേ​ഹ​ത്തി​െ​ന്റ വ​ക്താ​വ് പ​റ​ഞ്ഞു. പ​ര​മാ​വ​ധി സം​യ​മ​നം പാ​ലി​ക്കാ​നും ഏ​റ്റു​മു​ട്ട​ൽ അ​ടി​യ​ന്ത​ര​മാ​യി അ​വ​സാ​നി​പ്പി​ക്കാ​നും അ​ദ്ദേ​ഹം ആ​ഹ്വാ​നം​ചെ​യ്തു. വെ​ടി​നി​ർ​ത്ത​ലി​ന് ഇ​രു​വി​ഭാ​ഗ​ങ്ങ​ളെ​യും സ​മ്മ​തി​പ്പി​ക്കു​ന്ന​തി​ന് ഈ​ജി​പ്ത് ​ശ്ര​മം ആ​രം​ഭി​ച്ചി​ട്ടു​ണ്ട്.