ഗസ്സയിൽ ഭക്ഷണം കാത്തുനിൽക്കുന്നവർ ഉൾപ്പെടെ 72 പേരെ ഇസ്രായേൽ സൈന്യം കൊലപ്പെടുത്തി

ഗസ്സ സിറ്റി: ഗസ്സയിൽ നരനായാട്ട് തുടർന്ന് ഇസ്രായേൽ. സഹായകേന്ദ്രങ്ങളിൽ ഭക്ഷണം കാത്തുനിൽക്കുന്നവർ ഉൾപ്പെടെ 72 പേരെ ഇസ്രായേൽ സൈന്യം വെടിവെച്ച് കൊലപ്പെടുത്തി. ഗസ്സ സിറ്റിയിൽ മാത്രം 47 പേരെ കൊലപ്പെടുത്തി.

ഗസ്സ സിറ്റിയിലെ അൽ-അഹ്ലി ആശുപത്രി പരിക്കേറ്റവരെ കൊണ്ട് നിറഞ്ഞെന്ന് അൽജസീറ റിപ്പോർട്ട് ചെയ്യുന്നു. മതിയായ ചികിത്സാ സൗകര്യങ്ങളോ ആവശ്യത്തിന് ബെഡുകളോ ഇവിടെയില്ല. പരിക്കേറ്റ കുട്ടികൾ ഉൾപ്പെടെ ആശുപത്രിയിൽ നിലത്ത് കിടക്കുകയാണ്.

ഗസ്സ സിറ്റിയിൽ നിന്ന് ആളുകളെ ഒഴിപ്പിക്കാൻ മുന്നറിയിപ്പ് നൽകിയിരിക്കുകയാണ് ഇസ്രായേൽ സൈന്യം. തെക്കൻ ഭാഗങ്ങളിലേക്ക് നീങ്ങാനാണ് നിർദേശം. ഇതിന് പിന്നാലെയാണ് ജനങ്ങൾക്ക് നേരെ വ്യാപക ആക്രമണമുണ്ടായത്.

ഞാ​യ​റാ​ഴ്ച സ​മൂ​ഹ മാ​ധ്യ​മം വ​ഴി​യാ​ണ് വ​ട​ക്ക​ൻ ഗ​സ്സ​യി​​​ൽ​നി​ന്നും മ​ധ്യ ഗ​സ്സ​യി​ൽ​നി​ന്നും വീ​ടു​വി​ട്ടു​പോ​കാ​ൻ ഫ​ല​സ്തീ​നി​ക​ൾ​ക്ക് അ​ന്ത്യ​ശാ​സ​നം ന​ൽ​കി​യ​ത്. പ​തി​നാ​യി​ര​ങ്ങ​ൾ ക​ഴി​യു​ന്ന ജ​ബാ​ലി​യ അ​ഭ​യാ​ർ​ഥി ക്യാ​മ്പ് സ​മ്പൂ​ർ​ണ​മാ​യി ഒ​ഴി​യ​ണം. ഗ​സ്സ സി​റ്റി​യി​ലെ മി​ക്ക ഭാ​ഗ​ങ്ങ​ളും വി​ട​ണം. ഇ​രു മേ​ഖ​ല​ക​ളി​ലും സൈ​നി​ക നീ​ക്കം ശ​ക്ത​മാ​ക്കു​ക​യാ​ണെ​ന്നും എ​ല്ലാ​വ​രും തെ​ക്ക​ൻ ഗ​സ്സ​യി​ലെ അ​ൽ​മ​വാ​സി​യി​ലേ​ക്ക് നാ​ടു​വി​ട​ണ​മെ​ന്നു​മാ​ണ് അ​ന്ത്യ​ശാ​സ​നം.

ഒ​രു ഘ​ട്ട​ത്തി​ൽ പൂ​ർ​ണ​മാ​യി ഒ​ഴി​പ്പി​ക്ക​പ്പെ​ട്ട ശേ​ഷം ഈ ​വ​ർ​ഷാ​ദ്യം നി​ല​വി​ൽ​വ​ന്ന വെ​ടി​നി​ർ​ത്ത​ലി​നെ തു​ട​ർ​ന്ന് ല​ക്ഷ​ക്ക​ണ​ക്കി​ന് ഫ​ല​സ്തീ​നി​ക​ൾ വ​ട​ക്ക​ൻ ഗ​സ്സ​യി​ൽ തി​രി​ച്ചെ​ത്തി​യി​രു​ന്നു. ഇ​വ​രെ​യാ​ണ് സൈ​നി​ക നീ​ക്കം പ​റ​ഞ്ഞ് കൂ​ട്ട​മാ​യി കു​ടി​യൊ​ഴി​പ്പി​ക്കു​ന്ന​ത്. വ​ട​ക്ക് ജ​ബാ​ലി​യ​യി​ൽ നാ​ലു​പേ​ര​ട​ക്കം ഗ​സ്സ​യി​ൽ ഞാ​യ​റാ​ഴ്ച ന​ട​ന്ന ആ​ക്ര​മ​ണ​ങ്ങ​ളി​ൽ 21 പേ​ർ കൊ​ല്ല​പ്പെ​ട്ടി​രു​ന്നു. ഒ​ഴി​ഞ്ഞു​പോ​കാ​ൻ നി​ർ​ദേ​ശി​ച്ച അ​ൽ​മ​വാ​സി​യി​ലെ ത​മ്പി​നു മേ​ൽ ന​ട​ന്ന ആ​ക്ര​മ​ണ​ത്തി​ൽ അ​ഞ്ചു​പേ​രും കൊ​ല്ല​പ്പെ​ട്ടു. 56,000 പി​ന്നി​ട്ട മ​ര​ണ​സം​ഖ്യ പി​ന്നെ​യും കു​ത്ത​നെ ഉ​യ​രു​ന്ന​തി​നി​ടെ​യാ​ണ് ഇ​സ്രാ​യേ​ൽ സൈ​ന്യ​ത്തി​ന്റെ പു​തി​യ നീ​ക്കം.