പൊതുഇടങ്ങളിൽ മാസ്​ക്​ ധരിക്കുന്നത്​ പൂർണമായും ഒഴിവാക്കി​ -ഇസ്രായേൽ

ജറൂസലം​: പൊതുഇടങ്ങളിൽ മാസ്​ക്​ ധരിക്കുന്നത്​ പൂർണമായും പിൻവലിച്ച്​ ഇസ്രായേൽ. നേരത്തെ തുറസായ പൊതുഇടങ്ങളിൽ മാസ്​ക്​ ധരിക്കുന്നതിന് ഇളവ്​ നൽകിയ രാജ്യം ഇപ്പോൾ കച്ചവടസ്ഥാപനങ്ങൾ അടക്കമുള്ള പൊതുഇടങ്ങൾക്കുള്ളിലും മാസ്​ക്​ ധരിക്കുന്നതിന് ഇളവ്​​ നൽകിയിരിക്കുകയാണ്​. ആരോഗ്യമന്ത്രി യൂലി എഡൽ‌സ്​​റ്റൈനാണ്​ ഇക്കാര്യം മാധ്യമങ്ങളിലൂടെ അറിയിച്ചത്. ഈ മാസം 15 മുതലാണ്​ പുതിയ ഉത്തരവ്​​​ പ്രാബല്യത്തിൽ വരുകയെന്നും മന്ത്രി പറഞ്ഞു.

രാജ്യത്ത്​ കോവിഡ്​ ബാധിതരുടെ എണ്ണത്തിൽ കുറവുണ്ടായതിനെ തുടർന്നാണ്​ പുതിയ തീരുമാനം. കോവിഡ്​ പ്രതിരോധത്തി​െൻറ ഭാഗമായി രാജ്യത്ത്​ ഏർപ്പെടുത്തിയ നിയന്ത്രണങ്ങളിൽ മിക്കതിനും ഇതോടെ സർക്കാർ ഇളവ്​ നൽകിക്കഴിഞ്ഞു​.

ഏപ്രിൽ 18 നാണ്​​ പൊതുഇടങ്ങളിൽ മാസ്​ക്​ ധരിക്കണമെന്ന ഉത്തരവ്​ ഇസ്രായേൽ പിൻവലിച്ചത്​. കോവിഡ്​ രോഗികളുടെ എണ്ണത്തിൽ വർധനവുണ്ടാകുന്നില്ലെങ്കിൽ നിയന്ത്രണങ്ങളിൽ പൂർണമായും ഇളവ്​ നൽകാനാണ്​ രാജ്യം ആലോചിക്കുന്നത്​.

അതെ സമയം ഒമ്പത്​ രാജ്യങ്ങളിലേക്കുള്ള യാത്രാവിലക്ക് പിൻവലിക്കുന്ന കാര്യത്തിൽ ഇനിയും തീരുമാനമായിട്ടില്ല​. എന്നാൽ കഴിഞ്ഞ ആഴ്​ച അമേരിക്ക, ബ്രിട്ടന്‍, ജര്‍മനി എന്നീ രാജ്യങ്ങളില്‍ നിന്നുള്ള സഞ്ചാരികൾക്ക്​ ഇസ്രായേലിൽ പ്രവേശിക്കാൻ അനുമതി നൽകിയിരുന്നു. രാജ്യത്തെ 65 ശതമാനത്തിലേറെ പേർക്കും വാക്​സിൻ വിതരണം ചെയ്​തതിന്​ പിന്നാലെയാണ്​ നിയ​ന്ത്രണങ്ങളിൽ കൂടുതൽ ഇളവുമായി ഇസ്രായേൽ രംഗത്ത്​ വന്നത്​.