സമയപരിധി കഴിഞ്ഞു ലബനാൻ വിടാതെ ഡ്രോ​ൺ പ​റ​ത്തി​ ഇസ്രായേൽ

ബൈ​റൂ​ത്: വെ​ടി​നി​ർ​ത്ത​ൽ ക​രാ​ർ പ്ര​കാ​രം അ​ന്തി​മ തീ​യ​തി അ​വ​സാ​നി​ച്ചി​ട്ടും ല​ബ​നാ​നി​ൽ​നി​ന്ന് പൂ​ർ​ണ​മാ​യും സേ​ന​യെ പി​ൻ​വ​ലി​ക്കാ​തെ ഇ​​സ്രാ​യേ​ൽ. തെ​ക്ക​ൻ ല​ബ​നാ​നി​ലെ അ​തി​ർ​ത്തി ഗ്രാ​മ​ങ്ങ​ളി​ൽ​നി​ന്ന് ചൊ​വ്വാ​ഴ്ച​യോ​ടെ ഭാ​ഗി​ക​മാ​യാ​ണ് സേ​ന​യെ പി​ൻ​വ​ലി​ച്ച​ത്. ല​ബ​നാ​നി​ലെ അ​ഞ്ച് ത​ന്ത്ര​പ്ര​ധാ​ന കേ​ന്ദ്ര​ങ്ങ​ളി​ൽ ഇ​പ്പോ​ഴും സേ​ന തു​ട​രു​ക​യാ​ണ്. ഹി​സ്ബു​ല്ല വെ​ടി​നി​ർ​ത്ത​ൽ ക​രാ​ർ ലം​ഘി​ക്കു​ന്നി​ല്ലെ​ന്ന് ഉ​റ​പ്പു​വ​രു​ത്താ​ൻ സേ​ന ല​ബ​നാ​നി​ലെ ബ​ഫ​ർ സോ​ണു​ക​ളി​ൽ തു​ട​രു​മെ​ന്ന് ഇ​സ്രാ​യേ​ൽ പ്ര​തി​രോ​ധ മ​ന്ത്രി ഇ​സ്രാ​യേ​ൽ കാ​റ്റ്സ് അ​റി​യി​ച്ചു. അ​തി​ർ​ത്തി​യി​ലെ ഇ​സ്രാ​യേ​ൽ ഭാ​ഗ​ത്ത് പു​തി​യ താ​വ​ള​ങ്ങ​ൾ സ്ഥാ​പി​ച്ചി​ട്ടു​ണ്ടെ​ന്നും അ​വി​ടേ​ക്ക് കൂ​ടു​ത​ൽ സൈ​നി​ക​രെ അ​യ​ച്ചി​ട്ടു​ണ്ടെ​ന്നും അ​ദ്ദേ​ഹം പ​റ​ഞ്ഞു. വ​ട​ക്ക​ൻ ഇ​സ്രാ​യേ​ലി​ലെ ജ​ന​ങ്ങ​ൾ​ക്ക് പൂ​ർ​ണ സു​ര​ക്ഷ ഉ​റ​പ്പു​വ​രു​ത്താ​ൻ പ്ര​തി​ജ്ഞാ​ബ​ദ്ധ​മാ​ണെ​ന്നും കാ​റ്റ്സ് കൂ​ട്ടി​ച്ചേ​ർ​ത്തു.

ങ്ങ​ളി​ൽ തുടരാൻ യു.​എ​സ് അ​നു​മ​തി ന​ൽ​കി​യ​താ​യി ഇ​സ്രാ​യേ​ൽ സേ​ന​ വ​ക്താ​വ് ന​ദ​വ് ശൊ​ഷാ​നി അ​വ​കാ​ശ​പ്പെ​ട്ടു. ​അ​തേ​സ​മ​യം, ചൊ​വ്വാ​ഴ്ച രാ​വി​ലെ നൂ​റു​ക​ണ​ക്കി​നു പേ​ർ ദേ​ർ മി​മാ​സ്, ക്ഫാ​ർ കി​ല തു​ട​ങ്ങി​യ ല​ബ​നാ​ൻ ഗ്രാ​മ​ങ്ങ​ളി​ലേ​ക്ക് തി​രി​ച്ചെ​ത്തി​യ​തോ​ടെ ഇ​സ്രാ​യേ​ൽ ഡ്രോ​ൺ പ​റ​ത്തി​യ​ത് ആ​ശ​ങ്ക പ​ര​ത്തി. വെ​ടി​നി​ർ​ത്ത​ൽ ക​രാ​ർ സ​മ​യ​പ​രി​ധി ക​ഴി​ഞ്ഞി​ട്ടും ഇ​സ്രാ​യേ​ൽ സേ​ന​യെ പൂ​ർ​ണ​മാ​യും പി​ൻ​വ​ലി​ക്കാ​ത്ത ന​ട​പ​ടി​യി​ൽ ല​ബ​നാ​ൻ പ്ര​സി​ഡ​ന്റ് ജോ​സ​ഫ് ഔ​ൻ ആ​ശ​ങ്ക പ്ര​ക​ടി​പ്പി​ച്ചു.