അൽ ശിഫ ആശുപത്രിയിലെ മരുന്ന് സംഭരണശാല തകർത്ത് ഇസ്രായേൽ

ഗസ്സ സിറ്റി: ഗസ്സയിലെ അൽ ശിഫ ആശുപത്രിയിൽ കടന്നുകയറിയ ഇസ്രായേൽ സൈന്യം വെടിവെപ്പും അക്രമവും തുടരുന്നു. ആശുപത്രിയിലെ മരുന്നുകളുടെയും മെഡിക്കൽ ഉപകരണങ്ങളുടെയും സംഭരണശാല ഇസ്രായേൽ സൈന്യം തകർത്തു. ഒഴിഞ്ഞുപോകണമെന്ന് ഡോക്ടർമാരെ ഭീഷണിപ്പെടുത്തി.

ആശുപത്രിയിൽ അഭയം തേടിയവരെ അറസ്റ്റ് ചെയ്തു. പുറത്തേക്ക് കൊണ്ടുപോയ 30 ഓളം പേരെ വസ്ത്രങ്ങൾ അഴിച്ചുമാറ്റി കണ്ണുകൾ മൂടിക്കെട്ടി ആശുപത്രി മുറ്റത്ത് നിർത്തി. ആശുപത്രിക്കുള്ളിൽ ആക്രമണത്തെ തുടർന്ന് പുറത്തേക്ക് ഓടുമ്പോൾ, പുറത്ത് കാത്തുനിന്നും ജനത്തിനുനേർക്ക് വെടിവെപ്പ് നടത്തുകയാണ്.

എല്ലാ ദിശകളിൽ നിന്നും ഇസ്രായേൽ സൈനിക ടാങ്കുകൾ അൽ ശിഫ ആശുപത്രിയെ വളഞ്ഞിരിക്കുകയാണ്. തീവ്രമായ ഷെല്ലാക്രമണവും നടത്തുന്നുണ്ട്.

രോഗികളെ തെരുവുകളിലേക്ക് ഇറക്കി വിടില്ലെന്ന് ആശുപത്രി അഡ്മിനിസ്​ട്രേഷൻ അറിയിച്ചു. സുരക്ഷിതമായ മാനുഷിക ഇടനാഴിയിലൂടെ രോഗികളുടെ ആരോഗ്യം പരിഗണിച്ച് മാത്രമേ ഒഴിപ്പിക്കൽ നടത്തൂവെന്ന് ആശുപത്രി ഡയറക്ടർ അറിയിച്ചതായി ഗസ്സ ആരോഗ്യമന്ത്രാലയം വ്യക്തമാക്കി.

ഉത്തരവാദിത്തം ജോ ബൈഡന്

ഗസ്സയിലെ ഏറ്റവും വലിയ ആശുപത്രിയായ അൽ ശിഫക്കുനേരെയുള്ള ഇസ്രായേൽ ആക്രമണത്തിന്‍റെ പൂർണ ഉത്തരവാദിത്തം അമേരിക്കൻ പ്രസിഡന്‍റ് ജോ ബൈഡനാണെന്ന് ഹമാസ്. അൽ ശിഫ ആശുപത്രിക്ക് താഴെ ഹമാസിന്‍റെ കമാൻഡിങ് സെന്റർ പ്രവർത്തിക്കുന്നുണ്ടെന്ന ഇസ്രയേലിന്റെ അവകാശവാദം യു.എസ് രഹസ്യാന്വേഷണ വൃത്തങ്ങൾ ശരിവെക്കുന്നതായി വൈറ്റ് ഹൗസ് പറഞ്ഞതിന് തൊട്ടുപിന്നാലെയാണ് ഹമാസിന്‍റെ പ്രസ്താവന വന്നത്. അൽ ശിഫ മെഡിക്കൽ കോംപ്ലക്‌സിനെ ഹമാസ് ഉപയോഗിക്കുകയാണെന്ന തെറ്റായ അവകാശവാദം വൈറ്റ് ഹൗസും പെന്റഗണും സ്വീകരിച്ചത് ജനങ്ങളെ കൂട്ടക്കൊല ചെയ്യുന്നതിന് പച്ചക്കൊടി കാട്ടിയിരിക്കുന്നെന്ന് പ്രസ്താവനയിൽ പറയുന്നു.

ആ​​ശു​പ​ത്രി​വ​ള​പ്പിലെ കൂട്ടക്കുഴിമാടത്തിൽ 179 ഫ​ല​സ്തീ​നി​ക​ളെ ഖബറടക്കി

വൈ​ദ്യു​തി മു​​ട​ക്കി​യും ബോം​ബി​ട്ടും അ​ൽ ശി​ഫ​യി​ൽ ഇ​സ്രാ​യേ​ൽ കൊ​ന്നൊ​ടു​ക്കി​യ 179 ഫ​ല​സ്തീ​നി​ക​ളെ ആ​​ശു​പ​ത്രി​വ​ള​പ്പി​ൽ​ത​ന്നെ ഇന്നലെ കൂ​ട്ട​ക്കു​ഴി​മാ​ട​മൊ​രു​ക്കി ഖ​ബ​റ​ട​ക്കിയിരുന്നു. ഇ​ന്ധ​നം തീ​ർ​ന്നതിനെ തുടർന്ന് ഇ​ൻ​കു​ബേ​റ്റ​റി​ൽ ക​ഴി​ഞ്ഞി​രു​ന്ന ഏ​ഴ് ന​വ​ജാ​ത ശി​ശു​ക്ക​ളും അ​ത്യാ​ഹി​ത വി​ഭാ​ഗ​ത്തി​ലെ 29 രോ​ഗി​ക​ളും ക​ഴി​ഞ്ഞ​ദി​വ​സം മ​ര​ണ​ത്തി​ന് കീ​ഴ​ട​ങ്ങി​യി​രു​ന്നു. ബോം​ബി​ങ്ങി​ലും വെ​ടി​വെ​പ്പി​ലും ​കൊ​ല്ല​പ്പെ​ട്ട​വ​രു​ടേ​ത​ട​ക്ക​മു​ള്ള മൃ​ത​ദേ​ഹ​ങ്ങ​ൾ സം​സ്ക​രി​ക്കാ​നാ​കാ​തെ ആ​ശു​പ​ത്രി വ​ള​പ്പി​ൽ അ​ഴു​കി​യ നി​ല​യി​ലാ​യി​രു​ന്നു. ഇ​വ പു​റ​ത്തേ​ക്കു മാ​റ്റാ​ൻ അ​നു​മ​തി നി​ഷേ​ധി​ച്ച​തി​നെ തു​ട​ർ​ന്നാ​ണ് ആ​ശു​പ​ത്രി വ​ള​പ്പി​ൽ ത​ന്നെ ഖ​ബ​റി​ട​മൊ​രു​ക്കി​യ​തെ​ന്ന് അ​ൽ ശി​ഫ ഡ​യ​റ​ക്ട​ർ മു​ഹ​മ്മ​ദ് അ​ബൂ സാ​ൽ​മി​യ പ​റ​ഞ്ഞു. ക​ന​ത്ത മ​ഴ​ക്കി​ടെ ആ​ശു​പ​ത്രി മു​റ്റ​ത്തു​ത​ന്നെ മ​യ്യി​ത്ത് ന​മ​സ്കാ​രം നി​ർ​വ​ഹി​ച്ചാ​ണ് ഖ​ബ​റ​ട​ക്കം ന​ട​ത്തി​യ​ത്.