ഗസ്സയിൽ വീണ്ടും ബോംബുവർഷിച്ച്​ ഇസ്രായേൽ

ഗസ്സ: അഗ്​നി ബലൂണുകൾ വർഷിച്ചെന്ന്​ ആരോപിച്ച്​ ഗസ്സയിൽ ബോംബുവർഷിച്ച്​ ഇസ്രായേൽ. ഖാൻ യൂനിസിൽ ഹമാസ്​ കേന്ദ്രത്തിനു നേരെയാണ്​ ആക്രമണം നട​ന്നതെന്നും ആയുധ നിർമാണ കേന്ദ്രവും ഭൂഗർഭ അറയുടെ പ്രവേശന ഭാഗവും തകർ​െത്തന്നുമാണ്​ ഇസ്രായേൽ വിശദീകരണം. ശുജാഇയ്യയിൽ സ്​കൂളിന്‍റെയും വീടുകളുടെയും പരിസരത്താണ്​ ബോംബുകൾ പതിച്ചത്​.മേയിൽ 11 ദിവസം നീണ്ട ആക്രമണത്തിന്​ അവസാനം കുറിച്ച്​ ഈജിപ്​തിന്‍റെ മധ്യസ്​ഥതയിൽ ഒപ്പുവെച്ച വെടിനിർത്തൽ കരാറിനു ശേഷം ഇടക്കിടെ ഗസ്സയിൽ ഇസ്രായേൽ ആക്രമണം പതിവാണ്​. അഗ്​നി ബലൂണുകൾ ഹമാസ്​ വർഷിക്കുന്നതു അടുത്തിടെ റിപ്പോർട്ട്​ ചെയ്​തിരുന്നു. ഗസ്സക്കു മേൽ തുടരുന്ന കടുത്ത ഉപരോധങ്ങൾ അവസാനിപ്പിക്കാൻ സമ്മർദം ചെലുത്തുന്നതിന്‍റെ ഭാഗമായാണ്​ ഈ ബലൂണുകൾ പറത്തുന്നതെന്ന്​ ഹമാസ്​ പറയുന്നു.