ഇന്ത്യയിലേക്ക് പുതിയ ഇസ്രായേൽ അംബാസഡർ
text_fieldsജറൂസലം: മുതിർന്ന നയതന്ത്രജ്ഞൻ റിയുവെൻ അസറിനെ ഇന്ത്യയിലെ അംബാസഡറായി നിയമിക്കാൻ ഇസ്രായേൽ തീരുമാനം. 56 വയസ്സുള്ള അസർ ശ്രീലങ്ക, ഭൂട്ടാൻ എന്നിവിടങ്ങളിലെ നോൺ റെസിഡന്റ് അംബാസഡറുമായിരിക്കുമെന്ന് ഇസ്രായേൽ വിദേശകാര്യ മന്ത്രാലയം അറിയിച്ചു.
അസർ നിലവിൽ റുമാനിയയിൽ അംബാസഡറാണ്. എന്നാണ് ന്യൂഡൽഹിയിൽ ചുമതലയേൽക്കുന്നത് എന്ന കാര്യം വ്യക്തമല്ല. നിലവിൽ നൗർ ഗിലൺ ആണ് ഇന്ത്യയിലെ ഇസ്രായേൽ അംബാസഡർ.
ആശുപത്രി മുറ്റത്ത് 20 പേരെ ബുൾഡോസർ കയറ്റി കൊന്നു
വടക്കൻ ഗസ്സയിലെ കമാൽ അദ്വാൻ ആശുപത്രി മുറ്റത്ത് തമ്പടിച്ചിരുന്ന രോഗികളടക്കം 20 പേരെ ഇസ്രായേൽ സേന ബുൾഡോസർ കയറ്റി കൊലപ്പെടുത്തി. സ്ത്രീകളും കുട്ടികളുമടങ്ങുന്ന അഭയാർഥികൾ ബുൾഡോസറിനടിയിൽ ഞെരിഞ്ഞമർന്നു. ആശുപത്രിയുടെ വലിയൊരു ഭാഗവും തകർത്തു. 12 നവജാത ശിശുക്കൾ ഇൻകുബേറ്ററിൽ ജീവനോട് മല്ലിടുകയാണെന്ന് ഫലസ്തീൻ ആരോഗ്യമന്ത്രി മായ് അൽ കൈല പറഞ്ഞു. സംഭവത്തിൽ അടിയന്തര അന്വേഷണം വേണമെന്നും കുറ്റവാളികളെ അന്താരാഷ്ട്ര ക്രിമിനൽ കോടതിയിൽ വിചാരണ ചെയ്ത് ശിക്ഷിക്കണമെന്നും അവർ ആവശ്യപ്പെട്ടു.
കാത്തലിക് ചർച്ചിൽ അമ്മയെയും മകളെയും ഇസ്രായേൽ സൈന്യം വെടിവെച്ചുകൊന്നു
ഗസ്സ സിറ്റിയിലെ കാത്തലിക് ചർച്ചിൽ കടന്നുകയറിയ ഇസ്രായേലി സൈനികൻ അമ്മയെയും മകളെയും വെടിവെച്ചുകൊന്നു. നാഹിദ, സമർ എന്നിവരാണ് കൊല്ലപ്പെട്ടത്. ഏഴുപേർക്ക് പരിക്കേറ്റു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.