ഫലസ്തീനെ അംഗീകരിക്കുമെന്ന ഫ്രഞ്ച് നിലപാടിനെതിരെ ഇസ്രായേലും യു.എസും

തെൽഅവീവ്: ഫ​ല​സ്തീ​ൻ രാ​ഷ്ട്ര​ത്തെ അം​ഗീ​ക​രി​ക്കു​മെ​ന്ന ഫ്ര​ഞ്ച് പ്ര​സി​ഡ​ന്റ് ഇ​മ്മാ​നു​വ​ൽ മാ​ക്രോ​ണി​ന്റെ പ്ര​ഖ്യാ​പ​ന​ത്തെ രൂ​ക്ഷ​മാ​യി വി​മ​ർ​ശി​ച്ച് ഇ​സ്രാ​യേ​ൽ പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു. ‘‘ഫ്ര​ഞ്ച് പ്ര​സി​ഡ​ന്റി​ന്റെ പ്ര​ഖ്യാ​പ​നം അ​പ​ല​പ​നീ​യ​മാ​ണ്. അ​ത് തീ​വ്ര​വാ​ദ​ത്തി​ന് വ​ള​മാ​കും. ഇ​സ്രാ​യേ​ലി​ന്റെ നി​ല​നി​ൽ​പ് ഭീ​ഷ​ണി​യി​ലാ​കും. ഇ​റാ​ന്റെ മ​റ്റൊ​രു ​പ്രോ​ക്സി​ക​ൾ​ക്ക് വ​ഴി​യൊ​രു​ക്ക​ലാ​കും അ​ത്. ഫ​ല​സ്തീ​നി​ക​ൾ ഇ​സ്രാ​യേ​ലി​നോ​ടൊ​പ്പ​മു​ള്ള ഒ​രു രാ​ജ്യം ആ​ഗ്ര​ഹി​ക്കു​ന്നി​ല്ല. അ​വ​ർ​ക്ക് വേ​ണ്ട​ത് ഇ​സ്രാ​യേ​ലി​നു​പ​ക​രം ഒ​രു രാ​ഷ്ട്ര​മാ​ണ്.’’ -നെ​ത​ന്യാ​ഹു പ​റ​ഞ്ഞു.

ഫ​ല​സ്തീ​ൻ രാ​ഷ്ട്ര​ത്തെ അം​ഗീ​ക​രി​ക്കു​മെ​ന്ന ഫ്ര​ഞ്ച് പ്ര​ഖ്യാ​പ​നം ത​ള്ളു​ന്നു​വെ​ന്ന് യു.​എ​സ് ​വി​ദേ​ശ​കാ​ര്യ സെ​ക്ര​ട്ട​റി മാ​ർ​കോ റൂ​ബി​യോ സ​മൂ​ഹ മാ​ധ്യ​മ​ത്തി​ൽ പ്ര​തി​ക​രി​ച്ചു. ‘മാ​ക്രോ​ണി​ന്റെ പ്ര​ഖ്യാ​പ​നം സ​മാ​ധാ​ന​ത്തി​ന് തി​രി​ച്ച​ടി​യാ​ണ്. ഹ​മാ​സ് പ്രോ​പ​ഗ​ണ്ട​ക്കാ​ണ് ഇ​ത് സ​ഹാ​യ​ക​മാ​വു​ക. ഒ​ക്ടോ​ബ​ർ ഏ​ഴി​ലെ അ​ക്ര​മ​ത്തി​ന്റെ ഇ​ര​ക​ളു​ടെ മു​ഖ​ത്തേ​റ്റ അ​ടി​യാ​ണി​ത്’. -റൂ​ബി​യോ കൂ​ട്ടി​ച്ചേ​ർ​ത്തു.

ഫ്രാ​ൻ​സ് ഫ​ല​സ്തീ​ൻ രാ​ഷ്ട്ര​ത്തെ അം​ഗീ​ക​രി​ക്കാ​ൻ പോ​വു​ക​യാ​ണെ​ന്നും സെ​പ്റ്റം​ബ​റി​ൽ ന​ട​ക്കു​ന്ന ഐ​ക്യ​രാ​ഷ്ട്ര സ​ഭ ജ​ന​റ​ൽ അ​സം​ബ്ലി​യി​ൽ പ്ര​ഖ്യാ​പ​നം ന​ട​ത്തു​മെ​ന്നും ഫ്ര​ഞ്ച് പ്ര​സി​ഡ​ന്റ് ക​ഴി​ഞ്ഞ ദി​വ​സം പ​റ​ഞ്ഞു. ഗ​സ്സ​യി​ലെ ജ​ന​ങ്ങ​ളെ ഇ​സ്രാ​യേ​ൽ പ​ട്ടി​ണി​ക്കി​ട്ടും ആ​ക്ര​മി​ച്ചും കൊ​ല​പ്പെ​ടു​ത്തു​ന്ന​തി​ൽ ആ​ഗോ​ള​ത​ല​ത്തി​ൽ രോ​ഷം ഉ​യ​രു​ന്ന​തി​നി​ടെ​യാ​ണ് മാ​ക്രോ​ണി​ന്റെ പ്ര​ഖ്യാ​പ​നം. ഇ​സ്രാ​യേ​ലി​ന്റെ ക്രൂ​ര​ത​ക്കെ​തി​രെ ആ​ഗോ​ള​ത​ല​ത്തി​ൽ പ്ര​തി​ഷേ​ധം ശ​ക്ത​മാ​വു​ക​യാ​ണ്. വി​വി​ധ രാ​ഷ്ട്ര​നേ​താ​ക്ക​ളും ക​ഴി​ഞ്ഞ ദി​വ​സം പ്ര​തി​ക​രി​ച്ചു.

മാ​നു​ഷി​ക സ​ഹാ​യം ത​ട​യു​ന്ന ഇ​സ്രാ​യേ​ൽ ന​ട​പ​ടി അ​ന്താ​രാ​ഷ്ട്ര നി​യ​മ​ങ്ങ​ളു​ടെ ലം​ഘ​ന​മാ​ണെ​ന്ന് ക​നേ​ഡി​യ​ൻ പ്ര​ധാ​ന​മ​ന്ത്രി മാ​ർ​ക് കാ​ർ​ണി പ​റ​ഞ്ഞു. ഗ​സ്സ​യി​ലേ​ത് മാ​നു​ഷി​ക ദു​ര​ന്ത​മാ​ണെ​ന്നും നി​ര​പ​രാ​ധി​ക​ളു​ടെ ജീ​വ​ൻ സം​ര​ക്ഷി​ക്കാ​ൻ എ​ന്തെ​ങ്കി​ലും ചെ​യ്തേ പ​റ്റൂ എ​ന്നും ആ​സ്ട്രേ​ലി​യ​ൻ പ്ര​ധാ​ന​മ​ന്ത്രി ആ​ന്റ​ണി ആ​ൽ​ബ​നീ​സ് പ​റ​ഞ്ഞു.

ബ്രി​ട്ട​ൻ ഫ​ല​സ്തീ​ൻ രാ​ഷ്ട്ര​ത്തെ അം​ഗീ​ക​രി​ക്ക​ണ​മെ​ന്നാ​വ​ശ്യ​പ്പെ​ട്ട് വി​വി​ധ രാ​ഷ്ട്രീ​യ നേ​താ​ക്ക​ൾ ശ​ബ്ദ​മു​യ​ർ​ത്തി. യൂറോപ്യൻ യൂനിയൻ ഇസ്രായേലിനെ ഉപരോധിക്കുന്നത് ചർച്ചയിലാണ്.