സമുദ്രാതിർത്തി നിർണയം: ലബനാനും ഇസ്രായേലും ചർച്ച തുടങ്ങി

ബൈറൂത്​: സമുദ്രാതിർത്തി സംബന്ധിച്ച തർക്കങ്ങൾ പരിഹരിക്കുകയെന്ന ലക്ഷ്യ​​േത്താടെ ലബനാനും ഇസ്രായേലും അമേരിക്കൻ മധ്യസ്ഥതയിൽ ചർച്ച തുടങ്ങി. മെഡിറ്ററേനിയൻ കടലിൽ സമു​ദ്രാതിർത്തി നിർണയിക്കുകയും ഉൗർജപര്യവേക്ഷണം ആരംഭിക്കുകയുമെന്ന ലക്ഷ്യത്തോ​െടയാണ്​ ചർച്ചകൾക്ക്​ തുടക്കമായത്​.

ചർച്ചകൾ തീർത്തും സാ​േങ്കതികം മാത്രമാണെന്നും ബന്ധങ്ങൾ സാധാരണനിലയിലാക്കുന്നതി​െൻറ ഭാഗമ​െല്ലന്നും ഇരുരാജ്യങ്ങളും വ്യക്​തമാക്കിയിട്ടുണ്ട്​. പതിറ്റാണ്ടിലധികമായി വിഷയത്തിൽ ഇടപെടുന്ന ​അമേരിക്കയു​െട ​ശ്രമങ്ങളുടെ ഫലമായി ഒക്​ടോബർ ആദ്യമാണ്​ മധ്യസ്​ഥതയിൽ ചർച്ചയാകാമെന്ന്​ ഇരുരാജ്യങ്ങളും സമ്മതിച്ചത്​. ഇസ്രായേലും ലബനാനും തമ്മിൽ നയതന്ത്രബന്ധം സ്ഥാപിച്ചിട്ടില്ല.

അതിർത്തിനഗരമായ റാസ്​ നഖൂറയിലാണ്​ ചർച്ച. ലബനീസ്​ പ്രതിനിധി സംഘത്തെ സൈനിക ഉപമേധാവി ബ്രിഗേഡിയർ ജനറൽ ബസ്സാം യാസീനും ഇസ്രായേൽ സംഘത്തെ ഉൗർജ മന്ത്രാലയത്തിലെ ഡയറക്​ടർ ജനറൽ ഉദി അദിരിയുമാണ്​ നയിച്ചത്​.

ലബനീസ്​ സംഘം തങ്ങളുടെ നിലപാട്​ യു.എസ്​, യു.എൻ പ്രതിനിധികളോട്​ വ്യക്​തമാക്കുകയും അവർ ഇസ്രായേലി സംഘത്തെ അറിയിക്കുകയുമായിരുന്നു. തുടർചർച്ചകൾ ഒക്​ടോബർ 28ന്​ നടത്താൻ തീരുമാനിച്ചിട്ടുണ്ട്​. മെഡിറ്ററേനിയൻ കടലിലെ 860 ചതുരശ്ര കിലോമീറ്റർ സമുദ്രാതിർത്തിയെ ചൊല്ലിയാണ്​ രണ്ട്​ രാജ്യങ്ങൾക്കും തർക്കമുള്ളത്​.

കടുത്ത സാമ്പത്തിക ​പ്രതിസന്ധിയിലൂടെ കടന്നുപോകുന്ന ലബനാൻ കടലിൽ പര്യവേക്ഷണം നടത്തി ഉൗർജ മേഖലയിൽ നിന്നുള്ള വരുമാനം കണ്ടെത്തി സമ്പദ്​വ്യവസ്ഥയെ ശക്​തിപ്പെടുത്താനാണ്​ ശ്രമിക്കുന്നത്​. ലബനാൻ ഉൗർജ പര്യവേക്ഷണത്തിന്​ പദ്ധതിയിട്ട്​ പത്ത്​ ഭാഗങ്ങളായി തിരിച്ച കടൽ ഭാഗങ്ങളിൽ മൂന്നെണ്ണം ഇസ്രായേലുമായി തർക്കമുള്ളതാണ്​.