ഭൂമിയിൽ 1000 കോടി മനുഷ്യർ?

ഭൂ​മി​യി​ൽ എ​ത്ര മനുഷ്യരുണ്ട്? ഈ ​ചോ​ദ്യ​ത്തി​ന് ​സെ​ൻ​സ​സി​ലൂ​ടെ​യാ​ണ് ലോ​കം ഉ​ത്ത​രം ക​ണ്ടെ​ത്തി​യി​ട്ടു​ള്ള​ത്. വി​വി​ധ രാ​ജ്യ​ങ്ങ​ൾ ന​ട​ത്തു​ന്ന സെ​ൻ​സ​സി​നെ​യും ജ​ന​ന-​മ​ര​ണ ര​ജി​സ്ട്രേ​ഷ​നെ​യും അ​തി​ന്റെ അ​ടി​സ്ഥാ​ന​ത്തി​ൽ ത​യാ​റാ​ക്ക​പ്പെ​ട്ട ക​മ്പ്യൂ​ട്ട​ർ മോ​ഡ​ലു​ക​ളു​ടെ​യും സ​ഹാ​യ​ത്തോ​ടെ ഐ​ക്യ രാ​ഷ്​​ട്ര സ​ഭ​യു​ടെ ഉ​ത്ത​രം ഇ​താ​ണ്: 820 കോ​ടി! ഇ​ത്ര​യും ആ​ളു​ക​ളെ ഉ​ൾ​കൊ​ള്ളാ​ൻ ഭൂ​മി​യി​ൽ വി​ഭ​വ​ങ്ങ​ളു​ണ്ടോ എ​ന്ന ചോ​ദ്യ​മൊ​ക്കെ പ​ണ്ടേ ഉ​യ​ർ​ന്നി​ട്ടു​ണ്ട്. കൗ​തു​ക​ക​ര​മാ​യ കാ​ര്യം എ​ന്ത​ണെ​ന്നു​വെ​ച്ചാ​ൽ, ഈ ​ചോ​ദ്യം ഉ​യ​ർ​ന്നു​തു​ട​ങ്ങി​യ​തോ​ടെ ജ​ന​സം​ഖ്യ കു​തി​ച്ചു​വെ​ന്നാ​ണ്. കൃ​ത്യം നൂ​റു വ​ർ​ഷം മു​മ്പ് ജ​ന​സം​ഖ്യ വെ​റും 200 കോ​ടി​യാ​യി​രു​ന്നു. 1975ൽ അ​ത് 200 കോ​ടി കൂ​ടി വ​ർ​ധി​ച്ച് 400 കോ​ടി​യി​ലെ​ത്തി. ക​ഴി​ഞ്ഞ അ​മ്പ​ത് വ​ർ​ഷ​ത്തി​നി​ടെ, പി​ന്നെ​യും വ​ർ​ധി​ച്ച​ത് 420 കോ​ടി​യാ​ണ്. എന്നാലി​പ്പോ​ൾ ജ​ന​സം​ഖ്യ കു​റ​ഞ്ഞു​തു​ട​ങ്ങു​ന്ന​തി​ന്റെ ല​ക്ഷ​ണമാണുള്ളത്.

ഇ​ത്ത​രം ജ​ന​സം​ഖ്യ ച​ർ​ച്ച​ക്കി​ടെ ഇ​പ്പോ​ഴി​താ, മ​റ്റൊ​രു പ​ഠ​നം പു​റ​ത്തു​വ​ന്നി​രി​ക്കു​ന്നു: ലോ​ക​ത്ത് 820 കോ​ടി​യ​ല്ല ജ​ന​സം​ഖ്യ​യെ​ന്നാ​ണ് ഈ ​പ​ഠ​നം പ​റ​യു​ന്ന​ത്. ഫി​ൻ​ല​ൻ​ഡി​ലെ ആ​ൾ​​ട്ടോ സ​ർ​വ​ക​ലാ​ശാ​ല​ ഗ​വേ​ഷ​ക​ർ ന​ട​ത്തി​യ പ​ഠ​ന​ഫ​ലം നേ​ച്ച​ർ മാ​സി​ക പ്ര​സി​ദ്ധീ​ക​രി​ച്ചി​ട്ടു​ണ്ട്.

സെ​ൻ​സ​സ് വി​വ​ര​ങ്ങ​ളും അ​തി​ന്റെ അ​ടി​സ്ഥാ​ന​ത്തി​ലു​ള്ള ഡാ​റ്റ സെ​റ്റു​ക​ളും തെ​റ്റാ​ണെ​ന്നാ​ണ് ഇ​വ​രു​ടെ വാ​ദം. ഗ്രാ​മീ​ണ മേ​ഖ​ല​യി​ൽ ന​ട​ത്തി​യ സെ​ൻ​സ​സ് കൃ​ത്യ​മ​ല്ല​ത്രെ. പ​ല ഡേ​റ്റ​യി​ലും ഗ്രാ​മീ​ണ ജ​ന​സം​ഖ്യ​യു​ടെ പ​കു​തി മാ​​ത്ര​മേ എ​ണ്ണി​യി​ട്ടു​ള്ളൂ. ര​ണ്ടാ​യി​ര​ത്തി​ലെ ജ​ന​സം​ഖ്യ ക​ണ​ക്കു​ക​ളെ അ​ടി​സ്ഥാ​ന​മാ​ക്കി 35 രാ​ജ്യ​ങ്ങ​ളി​ലാ​ണ് പ​ഠ​നം ന​ട​ത്തി​യ​ത്. ഇ​വി​ടെ നി​ർ​മാ​ണ​ത്തി​ലി​രി​ക്കു​ന്ന ഡാം ​സൈ​റ്റു​ക​ളി​ൽ​നി​ന്ന് ഒ​ഴി​ഞ്ഞു​പോ​യ​വ​രു​ടെ എ​ണ്ണം ശേ​ഖ​രി​ച്ചും മ​റ്റു​മാ​ണ് ഇ​വ​ർ പ​ഠ​നം ന​ട​ത്തി​യ​ത്. ഗ്രാ​മീ​ണ കു​ടി​യേ​റ്റം പോ​ലു​ള്ള പ്ര​തി​ഭാ​സ​ങ്ങ​ൾ പ​ല രാ​ജ്യ​ങ്ങ​ളി​ലും ക​ണ​ക്കാ​ക്കി​യി​ട്ടി​ല്ല. ഇ​തു​മൂ​ലം, ദ​ശ​ല​ക്ഷ​ക്ക​ണ​ക്കി​ന് പേർ സെ​ൻ​സ​സി​ൽ​നി​ന്ന് ഒ​ഴി​വാ​യ​താ​യി, ഡോ. ​ജൂ​സി​യാ​സ് ലാ​ങ് റി​ട്ട​റി​ന്റെ നേ​തൃ​ത്വ​ത്തി​ലു​ള്ള ഗ​വേ​ഷ​ണ സം​ഘ​ം ചൂണ്ടിക്കാട്ടുന്നു.

അ​നു​മാ​ന​മ​നു​സ​രി​ച്ച്, ഒ​ഴി​വാ​ക്ക​പ്പെ​ട്ട​ത് നൂ​റു കോ​ടി​യി​ല​ധി​കം ജ​ന​ങ്ങ​ളാ​ണ​ത്രെ. ന​മ്മു​ടെ ലോ​ക സാ​ഹ​ച​ര്യ​ത്തി​ൽ അ​തി​ന് സാ​ധ്യ​ത​യു​മു​ണ്ട്. അ​ങ്ങ​നെ വ​രു​മ്പോ​ൾ ഇ​പ്പോ​ൾ​ത​ന്നെ ലോ​ക​ജ​ന​സം​ഖ്യ 1000 കോ​ടി ക​വി​ഞ്ഞി​ട്ടു​ണ്ടാ​കും.