Top
Begin typing your search above and press return to search.
exit_to_app
exit_to_app
Indonesian earthquake
cancel
Homechevron_rightNewschevron_rightWorldchevron_rightഇന്തോനേഷ്യൻ ഭൂചലനം;...

ഇന്തോനേഷ്യൻ ഭൂചലനം; കൂടുതൽ മൃതദേഹം കണ്ടെടുത്തു, മരണം 56 ആയി

text_fields
bookmark_border

ജക്കാർത്ത: ഇ​േന്താനേഷ്യയിലുണ്ടായ ഭൂചലനത്തിൽ മണസംഖ്യ 56 ആയി ഉയർന്നു. തകർന്ന വീടുകളുടെയും കെട്ടിടങ്ങളുടെയും അവശിഷ്​ടങ്ങൾക്കിടയിൽനിന്ന്​ കൂടുതൽ മൃതദേഹം രക്ഷാപ്രവർത്തകർ കണ്ടെത്തുകയായിരുന്നു.

വെള്ളിയാഴ്ച രാത്രി സുലവേസി ദ്വീപിലെ മാമുജു നഗരത്തിലും പരിസരത്തുമാണ്​ ഭൂചലനമുണ്ടായത്​. 6.2 തീവ്രത രേഖപ്പെടുത്തിയ ഭൂചലനത്തിൽ നിരവധി കെട്ടിടങ്ങളും വീടുകളും തകർന്നുവീണിരുന്നു. നഗരത്തിൽ വൈദ്യുത, ടെലിഫോൺ ബന്ധം പുനസ്​ഥാപിച്ചുവരികയാണ്​.

ഭൂചലനത്തിൽ ആയിരക്കണക്കിന്​ പേർക്ക്​ വീടില്ലാതാകുകയും 800ഓളം പേർക്ക്​ പരിക്കേൽക്കുകയും ചെയ്​തു. നിരവധി പേർ അത്യാസന്ന നിലയിൽ ആശുപത്രികളിൽ ചികിത്സയിലാണ്​. മാമുജുവിൽ 47 പേരും മജേനെയിൽ ഏഴുപേരുമാണ്​ മരിച്ചതെന്ന്​ ദേശീയ ദുരന്ത നിവാരണ ഏജൻസി വക്താവ്​ പറഞ്ഞു.

415 വീടുകളാണ്​ മ​ജേനെയിൽ തകർന്നത്​. 15,000 പേർക്കാണ്​ ഇതോടെ വീട്​ നഷ്​ടപ്പെട്ടത്​. ഏജൻസി പ്രദേശത്ത്​ പരിശോധന നടത്തി വരികയാണ്​. മൂന്നുലക്ഷത്തോളം പേർ താമസിക്കുന്ന നഗരമാണ്​ മാമുജു. ഇവിടെ ഗവർണറുടെ ഓഫിസും ഷോപ്പിങ്​ മാളും ഹോട്ടലുകളുമെല്ലാം നില​ംപൊത്തിയിരുന്നു.

Show Full Article
TAGS:Indonesia earthquake Death 
News Summary - Indonesian teams find more bodies after earthquake death toll rises to 56
Next Story