Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_rightഇന്ത്യൻ പ്രതിനിധി സംഘം ...

ഇന്ത്യൻ പ്രതിനിധി സംഘം താലിബാനുമായി ചർച്ച നടത്തി; സഹായം വാഗ്​ദാനം ചെയ്​തുവെന്ന്​ റിപ്പോർട്ട്​

text_fields
bookmark_border
taliban
cancel
camera_alt

മോസ്​കോ ചർച്ചയിൽ താലിബാൻ പ്രതിനിധികൾ

മോസ്​കോ: ഇന്ത്യയുടെ ഔദ്യോഗിക പ്രതിനിധി സംഘം താലിബാനുമായി ചർച്ച നടത്തി. റഷ്യയുടെ നേതൃത്വത്തിൽ മോസ്​കോയിൽ വിളിച്ചു ചേർത്ത ചർച്ചയിലാണ്​ ഇന്ത്യൻ സംഘം താലിബാനുമായി സംസാരിച്ചത്​. ഇരു രാജ്യങ്ങൾക്കുമിടയിൽ സാമ്പത്തികവും നയപരവുമായ ബന്ധം വികസിപ്പിക്കുകയാണെന്നാണ്​ താലിബാൻ പ്രതിനിധി ഇന്ത്യയുമായുള്ള ചർച്ചയെ വിശേഷിപ്പിച്ചത്​. എന്നാൽ, ഇതു സംബന്ധിച്ച്​ ഇന്ത്യ ഔദ്യോഗിക പ്രതികരണമൊന്നും നൽകിയിട്ടില്ല. അതേസമയം, ഇരു രാജ്യങ്ങൾക്കുമിടയിൽ ചർച്ച നടന്നതായി 'ദ ഹിന്ദു', 'എകണോമിക്​ ടൈംസ്​' തുടങ്ങിയ മാധ്യമങ്ങൾ ഉദ്യോഗസ്​ഥരെ ഉദ്ധരിച്ച്​ സ്​ഥിരീകരിച്ചു.

വിദേശകാര്യ മന്ത്രാലയത്തിലെ ജോയിന്‍റ്​ സെക്രട്ടറി ജെ.പി സിങ്ങാണ്​ ചർച്ചയിൽ ഇന്ത്യൻ സംഘത്തെ നയിച്ചത്​. താലിബാൻ ഉപപ്രധാനമന്ത്രി അബ്​ദുസലാം ഹനഫി, വക്​താവ്​ സബീഹുല്ല മുജാഹിദ് തുടങ്ങിയവരാണ്​ താലിബാനെ പ്രതിനിധീകരിച്ചത്​. ​

അഫ്​ഗാന്​ സഹായങ്ങൾ നൽകാനുള്ള സന്നദ്ധത ഇന്ത്യ പ്രകടിപ്പിച്ചതായി താലിബാനെ ഉദ്ധരിച്ച്​ മാധ്യമങ്ങൾ റിപ്പോർട്ട്​ ചെയ്​തു. ഭക്ഷ്യധാന്യ പ്രതിസന്ധിയുള്ള അഫ്​ഗാന്​ ഗോതമ്പ്​ നൽകാൻ ഇന്ത്യ ആലോചിക്കുന്നുണ്ടെന്നാണ്​ പുറത്തു വരുന്ന റിപ്പോർട്ടുകൾ. അതേസമയം, ഇന്ത്യ ഈ വാർത്തയോട്​ പ്രതികരിച്ചിട്ടില്ല.

റഷ്യ മുൻകൈയ്യെടുത്ത്​ സംഘടിപ്പിച്ച ചർച്ചയിൽ പത്തുരാജ്യങ്ങൾ താലിബാനുമായി സംസാരിച്ചു. ചൈന, ഇറാൻ, റഷ്യ, പാകിസ്​താൻ, കസാക്കിസ്​താൻ, കിർഗിസ്​താൻ, തുർക്കുമെനിസ്​താൻ, താജികിസ്​താൻ, ഉസ്​ബെക്കിസ്​താൻ എന്നീ രാജ്യങ്ങളും താലിബാനുമായുള്ള ചർച്ചയിൽ പ​െങ്കടുത്തു. അയൽരാജ്യങ്ങൾക്കെതിരായ ഭീകര പ്രവർത്തനത്തിന്​ അഫ്​ഗാന്‍റെ മണ്ണ്​ ഉപയോഗിക്കാൻ അനുവദിക്കില്ലെന്ന്​ ചർച്ചയിൽ പ​െങ്കടുത്ത രാജ്യങ്ങൾക്ക്​ താലിബാൻ ഉറപ്പു നൽകി.

റഷ്യയുടെ അധ്യക്ഷതയിൽ വിളിച്ചു ചേർത്ത ചർച്ചയിൽ നിന്ന്​ അമേരിക്ക നേരത്തെ പിൻമാറിയിരുന്നു​.

Show Full Article
TAGS:Taliban 
News Summary - Indian team meets Taliban
Next Story