ഇന്ത്യൻ വംശജനായ സിക്കുകാരൻ കാലിഫോർണിയയിൽ മേയർ

കാലിഫോർണിയ: ഇന്ത്യൻ വംശജനായ മികി ഹോത്തി വടക്കൻ കാലിഫോർണിയയിലെ ലോദി സിറ്റിയുടെ മേയറായി തെരഞ്ഞെടുക്കപ്പെട്ടു. ഇതോടെ നഗരത്തിന്റെ ചരിത്രത്തിൽ ഏറ്റവും ഉന്നത പദവി​യിലെത്തുന്ന സിക്കുകാരനായി മികി ഹോത്തി.

കഴിഞ്ഞ വർഷം ഡെപ്യൂട്ടി മേയറായി സേവനമനുഷ്ടിച്ചിരുന്ന അദ്ദേഹം ഐകകണ്ഠ്യേനയാണ് നഗരത്തിന്റെ 117ാം മേയറായി തെരഞ്ഞെടുക്കപ്പെട്ടത്.

പഞ്ചാബിൽനിന്നുള്ള മാതാപിതാക്കളുടെ മകനായ ഹോത്തി വളർന്നത് അമേരിക്കയിലാണ്. ആംസ്ട്രോങ് റോഡിൽ സിഖ് ക്ഷേത്രം സ്ഥാപിക്കുന്നതിൽ അദ്ദേഹത്തിന്റെ കുടുംബം പ്രധാന പങ്കുവഹിച്ചിട്ടുണ്ട്.