41 ലക്ഷം രൂപയുമായി ഇന്ത്യക്കാരൻ നേപ്പാളിൽ പിടിയിൽ

കാഠ്മണ്ഡു: രേഖകളില്ലാത്ത 41.55 ലക്ഷം രൂപയുമായി ഇന്ത്യക്കാരൻ നേപ്പാളിൽ പിടിയിൽ. പണവുമായി നേപ്പാളിലേക്കു കടക്കുന്നതിനിടെ ബുധനാഴ്ചയാണ് ഇയാളെ പിടികൂടിയതെന്ന് പൊലീസ് പറഞ്ഞു.

രേഖകളില്ലാതെ 25,000 രൂപയിലധികം കൈവശം വെക്കാൻ പാടില്ലെന്നും എന്നാൽ ഇയാളുടെ പക്കൽ രേഖകളില്ലാത്ത 41,55,000 ഇന്ത്യൻ രൂപ ഉണ്ടായിരുന്നുവെന്നും മുതിർന്ന പൊലീസ് ഉദ്യോഗസ്ഥൻ വ്യക്തമാക്കി. ബൈക്കിൽ പെട്രോൾ ടാങ്കിനടിയിൽ ഒളിപ്പിച്ചാണ് പണം കൊണ്ടുപോയിരുന്നതെന്നും ഇയാൾക്കെതിരെ ബാങ്ക് ആൻഡ് ഫിനാൻഷ്യൽ ഇൻസ്റ്റിറ്റ്യൂഷൻ ആക്ട് പ്രകാരം കേസ് രജിസ്റ്റർ ചെയ്തതായും പൊലീസ് അറിയിച്ചു.