പാ​കി​സ്താ​നി​ൽ നവീകരിച്ച ക്ഷേത്രത്തിൽ ഇന്ത്യൻ,യു.എസ്​ തീർഥാടകൾ

പെ​ഷാ​വ​ർ: വ​ട​ക്കു​പ​ടി​ഞ്ഞാ​റ​ൻ പാ​കി​സ്താ​നി​ലെ നൂ​റു​വ​ർ​ഷം പ​ഴ​ക്ക​മു​ള്ള ന​വീ​ക​രി​ച്ച മ​ഹാ​രാ​ജ പ​ര​മ​ഹ​ൻ​സ് ജി ​ക്ഷേ​ത്ര​ത്തി​ൽ തീ​ർ​ഥാ​ട​ക​ർ പ്രാ​ർ​ഥ​ന​ക്കെ​ത്തി. ക​ന​ത്ത സു​ര​ക്ഷ​യി​ൽ ന​ട​ന്ന ക്ഷേ​ത്ര സ​ന്ദ​ർ​ശ​ന​ത്തി​ൽ ഇ​ന്ത്യ, യു.​എ​സ്, ഗ​ൾ​ഫ് രാ​ജ്യ​ങ്ങ​ൾ എ​ന്നി​വി​ട​ങ്ങ​ളി​ൽ നി​ന്നു​ള്ള തീ​ർ​ഥാ​ട​ക​രാ​ണ് ശ​നി​യാ​ഴ്ച പ്രാ​ർ​ഥ​ന ന​ട​ത്തി​യ​ത്. ക്ഷേ​ത്രം ത​ക​ർ​ത്ത് ഒ​രു വ​ർ​ഷ​ത്തി​നു ശേ​ഷം ന​ട​ന്ന തീ​ർ​ഥാ​ട​ന​ത്തി​ൽ ഇ​ന്ത്യ​യി​ൽ നി​ന്ന് 200 പേ​ർ എ​ത്തി.

വാ​ഗ അ​തി​ർ​ത്തി​യി​ലൂ​ടെ പാ​കി​സ്താ​നി​ൽ പ്ര​വേ​ശി​ച്ച ഇ​ന്ത്യ​യി​ലെ തീ​ർ​ഥാ​ട​ക​ർ സൈ​ന്യ​ത്തി​ന്‍റെ സം​ര​ക്ഷ​ണ​ത്തോ​ടെ​യാ​ണ് ക്ഷേ​ത്ര​ത്തി​ൽ പ്ര​വേ​ശി​ച്ച​ത്. പാ​കി​സ്താ​ൻ ഇ​ന്‍റ​ർ​നാ​ഷ​ന​ൽ എ​യ​ർ​ലൈ​ൻ​സും പാ​ക് - ഹി​ന്ദു കൗ​ൺ​സി​ലും ചേ​ർ​ന്നാ​ണ് പ​രി​പാ​ടി സം​ഘ​ടി​പ്പി​ച്ച​ത്. ഖൈ​ബ​ർ പ​ഖ്തൂ​ൻ​ഖ്വ​യി​ലെ ക​ര​ക് ജി​ല്ല​യി​ൽ തേ​രി ഗ്രാ​മ​ത്തി​ലു​ള്ള പ​ര​മ​ഹ​ൻ​സ് ജി​യു​ടെ ക്ഷേ​ത്ര​വും സ​മാ​ധി​യും ആ​ൾ​ക്കൂ​ട്ടം ക​ഴി​ഞ്ഞ വ​ർ​ഷ​മാ​ണ് ത​ക​ർ​ത്തത്.

തു​ട​ർ​ന്ന് ക്ഷേ​ത്ര​ത്തി​ൽ വി​പു​ല​മാ​യ അ​റ്റ​കു​റ്റ​പ്പ​ണി ന​ട​ത്തി ന​വീ​ക​രി​ക്കു​ക​യാ​യി​രു​ന്നു. ക്ഷേ​ത്ര പ​രി​സ​ര​ത്തും തേ​രി വി​ല്ലേ​ജി​ലു​മാ​യി റേ​ഞ്ചേ​ഴ്സ്, ഇ​ന്‍റ​ലി​ജ​ൻ​സ്, എ​യ​ർ​പോ​ർ​ട്ട് സു​ര​ക്ഷ സേ​ന വി​ഭാ​ഗ​ങ്ങ​ളി​ൽ നി​ന്നു​ള്ള 600 ഉ​ദ്യോ​ഗ​സ്ഥ​രെ സു​ര​ക്ഷ​ക്കാ​യി നി​യ​മി​ച്ചി​ട്ടു​ണ്ട്.

തീ​ർ​ഥാ​ട​നം ഞാ​യ​റാ​ഴ്ച്ച ഉ​ച്ച​വ​രെ നീ​ണ്ടു. ഹു​ജ​റാ​സി​ലും, ഓ​പ​ൺ എ​യ​ർ റി​സ​പ്ഷ​നി​ലു​മാ​ണ് അ​ഭ​യാ​ർ​ഥി​ക​ൾ​ക്കു​ള്ള താ​മ​സ​സൗ​ക​ര്യം ഒ​രു​ക്കി​യ​ത്.