Begin typing your search above and press return to search.
proflie-avatar
Login
exit_to_app
exit_to_app
കോവിഡ്​ പ്രതിരോധ സമിതി രൂപീകരിച്ച്​ ബൈഡൻ; മൂ​ന്നുപേർ ഇന്തോ-അമേരിക്കൻ വംശജർ
cancel
Homechevron_rightNewschevron_rightWorldchevron_rightകോവിഡ്​ പ്രതിരോധ...

കോവിഡ്​ പ്രതിരോധ സമിതി രൂപീകരിച്ച്​ ബൈഡൻ; മൂ​ന്നുപേർ ഇന്തോ-അമേരിക്കൻ വംശജർ

text_fields
bookmark_border

വാഷിങ്​ടൺ: ഏറ്റവും അധികം കോവിഡ്​ ബാധിതരുള്ള യു.എസിൽ പ്രതിരോധത്തിനായി പ്രത്യേക ഉപദേശക സംഘത്തെ നിയോഗിച്ച്​ നിയുക്ത പ്രസിഡൻറ്​ ജോ ബൈഡൻ. കോവിഡ്​ പ്രതിരോധത്തിനായി 13 അംഗ ബോർഡിന്​ രൂപം നൽകുകയായിരുന്നു. ഇതിൽ മൂന്നുപേർ ഇന്തോ -അമേരിക്കൻ വംശജരാണ്​.

ഒബാമ ഭരണകൂടത്തിലെ സർജൻ ജനറലായിരുന്ന ഡോ. വിവേക്​ മൂർത്തി, മെഡിക്കൽ ജേണലിസം കൈകാര്യംചെയ്യുന്ന അതുൽ ഗവാൻഡെ, സെലിൻ ഗൗണ്ടർ എന്നിവർ​ സംഘത്തിൽ ഉൾപ്പെടും.

രാജ്യത്തെ കോവിഡ്​ ബാധ നിയന്ത്രിക്കുന്നതിനാകും പ്രഥമ പരിഗണനയെന്ന്​ തെരഞ്ഞെടുപ്പിൽ വിജയിച്ച ഉടൻതന്നെ ബൈഡൻ പ്രഖ്യാപിച്ചിരുന്നു.

43കാരനായ മൂർത്തിയുടെ മാതാപിതാക്കൾ കർണാടക സ്വദേശികളാണ്​. യു.കെയിലായിരുന്നു മൂർത്തിയുടെ ജനനം. 55കാരനായ ഗവാൻഡെയുടെ മാതാപിതാക്കൾ ഗുജറാത്ത്​, മഹാരാഷ്​ട്ര സ്വദേശികളാണ്​. ബ്രൂക്ക്​ലിനിലാണ്​ ഇദ്ദേഹത്തി​െൻറ ജനനം. ഓക്​സ്​ഫഡ്​, സ്​റ്റാൻഫോർഡ്​ സർവകലാശാലകളിൽ പഠനം പൂർത്തിയാക്കി. സെലി​െൻറ പിതാവ്​ തമിഴ്​നാട്​ സ്വദേശിയും മാതാവ്​ ഫ്രാൻസുകാരിയുമാണ്​.

ഡോക്​ടർമാരും ശാസ്​​ത്രജ്ഞരുമാണ്​ സമിതി അംഗങ്ങൾ. രാജ്യത്തെ പൊതുജനങ്ങളുടെ ആരോഗ്യം സംരക്ഷിക്കലാണ്​ സമിതിയുടെ ലക്ഷ്യം. കോവിഡ്​ ബാധയുടെ വ്യാപനം കുറക്കാനാവശ്യമായ നിർദേശങ്ങൾ ഉപദേശക സമിതി നൽകും. വാക്​സിനുകൾ ഫലപ്രദവും സുരക്ഷിതവുമാണെന്ന്​ ഉറപ്പുവരുത്തുന്നതും വിതരണത്തിലെ തുല്യതയും കാര്യക്ഷമതയും നിരീക്ഷിക്കുന്നതും സമിതിയായിരിക്കും. കൂടാതെ അത്യാസന്ന നിലയിലുള്ള രോഗികളുടെ സംരക്ഷണത്തിനും സമിതി നേതൃത്വം നൽകും.

ലോകത്ത്​ ഏറ്റവും കൂടുതൽ കോവിഡ്​ രോഗബാധിതരുള്ള രാജ്യം അമേരിക്കയാണ്​. 2,37,000 പേർ ഇതുവരെ യു.എസിൽ കോവിഡ്​ ബാധിച്ച്​ മരിച്ചു. പ്രസിഡൻറ്​ ഡോണൾഡ്​ ട്രംപിന്​ തെരഞ്ഞെടുപ്പ്​ സമയത്ത്​ കോവിഡ്​ സ്​ഥിരീകരിച്ചിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Joe BidenIndian AmericanUS CovidCovid Advisory Board
News Summary - Indian Americans on Joe Bidens Covid Advisory Board
Next Story