വൈറസിന്​ എന്ത്​ ചെയ്യാൻ കഴിയുമെന്നതി​െൻറ വിനാശകരമായ ഓർമ്മപ്പെടുത്തലാണ്​ ഇന്ത്യയിലെ സ്ഥിതി:​​ ലോകാരോഗ്യ സംഘടന

കോവിഡി​െൻറ രണ്ടാം തരംഗം ഇന്ത്യയിൽ വിതക്കുന്ന നാശനഷ്​ടങ്ങളിൽ ആശങ്ക രേഖപ്പെടുത്തി ലോകാരോഗ്യ സംഘടന തലവൻ ട്രെഡോസ്​ അദാനോം ഗെബ്രിയേസസ്​. "വൈറസിന് എന്തൊക്കെ ചെയ്യാൻ കഴിയുമെന്നതി​െൻറ വിനാശകരമായ ഓർമ്മപ്പെടുത്തലാണ് ഇന്ത്യയിലെ ഇപ്പോഴത്തെ സ്ഥിതിയെന്ന്​" അദ്ദേഹം പറഞ്ഞു.

കോവിഡ്​ 19 പ്രതിരോധ കുത്തിവയ്പ് എടുക്കാത്തതിനാലും ലോകമെമ്പാടും ആളുകൾ മരിക്കുന്നു. അവരെ ടെസ്റ്റ്​ ചെയ്യുകയോ, ശരിയായ രീതിയിൽ ചികിത്സിക്കുകയോ ചെയ്യുന്നില്ല. ഇന്ത്യയിലെ കോവിഡി​െൻറ അതിതീവ്ര വ്യാപനത്തിൽ ആശങ്കയുണ്ട്​. വൈറസിന് എന്തൊക്കെ ചെയ്യാൻ കഴിയുമെന്നതി​െൻറ വിനാശകരമായ ഓർമ്മപ്പെടുത്തലാണ് ഇന്ത്യയിലെ ഇപ്പോഴത്തെ സ്ഥിതിയെന്നും അദ്ദേഹം ജെനീവയിൽ വെച്ച് നടന്ന​ ഒരു വെർച്വൽ യോഗത്തിൽ അദ്ദേഹം പറഞ്ഞു.

അതേസമയം, രാജ്യത്ത്​ കോവിഡ്​ വ്യാപനം നിയന്ത്രണാതീതമായി തുടരുകയാണ്​. 24 മണിക്കൂറിനിടെ 3,46,786 പേർക്കാണ്​ കോവിഡ്​ സ്​ഥിരീകരിച്ചത്​. 2624 മരണവും സ്​ഥിരീകരിച്ചു. ഏറ്റവും ഉയർന്ന പ്രതിദിന വർധനയാണിതെന്നും ആരോഗ്യമന്ത്രാലയം അറിയിച്ചു. 2,19,838 പേർ രോഗമുക്തി നേടി. 1,66,10,481 പേർക്കാണ്​ രാജ്യത്ത്​ ഇതുവരെ കോവിഡ്​ സ്​ഥിരീകരിച്ചത്​. ഇതിൽ 1,38,67,997പേരാണ്​ രാജ്യത്ത്​ രോഗമുക്തി നേടിയത്​. മരണനിരക്ക്​ 1,89,544 ആയി ഉയർന്നതായും ആരോഗ്യമന്ത്രാലയം അറിയിച്ചു.