Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_right'ഇന്ത്യ...

'ഇന്ത്യ ആഗ്രഹിക്കുന്നത് സമാധാനം'; ശഹ്ബാസിനെ അഭിനന്ദിച്ച് മോദി

text_fields
bookmark_border
narendra modi-shahbaz
cancel
camera_alt

ശഹ്ബാസ് ശരീഫ്, നരേന്ദ്ര മോദി 

Listen to this Article

ന്യൂഡൽഹി: പാകിസ്താന്റെ പുതിയ പ്രധാനമന്ത്രിയായി ചുമതലയേറ്റ ശഹ്ബാസ് ശരീഫിനെ അഭിനന്ദിച്ച് പ്രധാനമന്ത്രി നരേന്ദ്ര മോദി. മേഖലയിൽ സമാധാനവും സ്ഥിരതയുമാണ് ഇന്ത്യ ആഗ്രഹിക്കുന്നതെന്നും ട്വിറ്റർ സ​ന്ദേശത്തിൽ മോദി വ്യക്തമാക്കി. ഭീകരതയും ഇവിടെനിന്ന് ഒഴിയണം. അങ്ങനെയെങ്കിൽ നമുക്ക് വികസന വെല്ലുവിളികളെ നേരിടാമെന്നും ജനങ്ങളുടെ ക്ഷേ​മവും സമൃദ്ധിയും ഉറപ്പാക്കാമെന്നും മോദി കൂട്ടിച്ചേർത്തു.

പാ​കി​സ്താ​ന്‍റെ 23-ാമത് പ്രധാനമന്ത്രിയായി എതിരില്ലാതെയാണ് തെരഞ്ഞെടുക്കപ്പെട്ടത്. ഇംറാൻ ഖാൻ വിഭാഗം തെരഞ്ഞെടുപ്പ് ബഹിഷ്കരിച്ചിരുന്നു. 174 വോട്ടാണ് ശഹ്ബാസ് നേടിയത്. കഴിഞ്ഞ ശനിയാഴ്ച രാത്രിയാണ് പ്രധാനമന്ത്രിയായിരുന്ന ഇംറാൻ ഖാനെ അവിശ്വാസ പ്രമേയത്തിലൂടെ പുറത്താക്കിയത്. ഇംറാൻ സർക്കാറിനെ താഴെയിറക്കാനുള്ള പ്രതിപക്ഷ ശ്രമങ്ങൾക്ക് നേതൃത്വം വഹിച്ചിരുന്നത് ശഹ്ബാസ് ആയിരുന്നു.

പാ​കി​സ്താ​ൻ മു​സ്‍ലിം ലീ​ഗ് (എൻ) നേതാവായ 70കാരനായ ശ​ഹ്ബാ​സ് ശ​രീ​ഫ്, ന​വാ​സ് ശ​രീ​ഫി​ന്റെ ഇ​ള​യ സ​ഹോ​ദ​ര​നാ​ണ്. പഞ്ചാബ് പ്രവിശ്യയുടെ മുഖ്യമന്ത്രിയായി മൂന്ന് തവണ സേവനമനുഷ്ഠിച്ചിട്ടുണ്ട്.

1951 സെ​പ്റ്റം​ബ​റി​ൽ ലാ​ഹോ​റി​ലെ പ​ഞ്ചാ​ബി സം​സാ​രി​ക്കു​ന്ന ക​ശ്മീ​രി കു​ടും​ബ​ത്തി​ലാ​ണ് ശ​ഹ്ബാ​സി​ന്റെ ജ​ന​നം. അ​മൃ​ത്സ​ർ ജി​ല്ല​യി​ലെ ജ​തി​ഉം​റ ഗ്രാ​മ​ത്തി​ൽ വ്യ​വ​സാ​യി​യാ​യി​രു​ന്നു പി​താ​വ് മു​ഹ​മ്മ​ദ് ശ​രീ​ഫ്. വി​ഭ​ജ​ന​ത്തി​നു​ശേ​ഷം ശ​ഹ്ബാ​സി​ന്റെ കു​ടും​ബം ലാ​ഹോ​റി​ലേ​ക്ക് കു​ടി​യേ​റി. ലാ​ഹോ​റി​ലെ ഗ​വ. കോ​ള​ജ് യൂ​നി​വേ​ഴ്സി​റ്റി​യി​ൽ​നി​ന്ന് ബി​രു​ദം നേ​ടി. പ​ഠ​ന​ശേ​ഷം വ്യ​വ​സാ​യം ഏ​റ്റെ​ടുക്കുകയും ഉ​രു​ക്കു​നി​ർ​മാ​ണ ക​മ്പ​നി ഉ​ട​മ വ​രെ​യാ​യി മാറുകയും ചെയ്തു.

1980ക​ളു​ടെ മ​ധ്യ​ത്തി​ൽ ജ്യേ​ഷ്ഠ​ൻ ന​വാ​സി​നൊ​പ്പ​മാ​ണ് രാ​ഷ്ട്രീ​യ​ത്തി​ൽ പ്ര​വേ​ശി​ക്കു​ന്ന​ത്. 1988ൽ ​ന​വാ​സ് പ​ഞ്ചാ​ബ് മു​ഖ്യ​മ​ന്ത്രി​യാ​യ​പ്പോ​ൾ അ​ദ്ദേ​ഹം ആ​ദ്യ​മാ​യി നി​യ​മ​സ​ഭ അം​ഗ​മാ​യി. 1997ൽ ​ന​വാ​സ് പ്ര​ധാ​ന​മ​ന്ത്രി​യാ​യി​രു​ന്ന​പ്പോ​ഴാ​ണ് ശ​ഹ്ബാ​സ് ആ​ദ്യ​മാ​യി പ​ഞ്ചാ​ബ് മു​ഖ്യ​മ​ന്ത്രി​യാ​യ​ത്. പ​ര്‍വേ​സ് മു​ശ​ർ​റ​ഫി​ന്റെ നേ​തൃ​ത്വ​ത്തി​ല്‍ സൈ​നി​ക അ​ട്ടി​മ​റി ന​ട​ന്ന​തോ​ടെ 2000ല്‍ ​ത​ട​വി​ലാ​ക്ക​പ്പെ​ട്ടു. സൗ​ദി​യി​ലേ​ക്ക് നാ​ടു​ക​ട​ത്ത​പ്പെ​ട്ട അ​ദ്ദേ​ഹം 2007ലാ​ണ് തി​രി​ച്ചെ​ത്തി​യ​ത്. 2008ൽ ​ര​ണ്ടാം ത​വ​ണ​യും പ​ഞ്ചാ​ബ് മു​ഖ്യ​മ​ന്ത്രി​യാ​യി. 2013ലും ​അ​ധി​കാ​ര​ത്തി​ലെ​ത്തി.

അ​ഞ്ചു​ത​വ​ണ വി​വാ​ഹിതനായി. നി​ല​വി​ൽ ര​ണ്ടു ഭാ​ര്യ​മാ​ർ - നു​സ്ര​ത്ത്, തെ​ഹ്മി​ന ദു​രാ​നി. മൂ​ത്ത​മ​ക​ൻ ഹം​സ പ​ഞ്ചാ​ബ് നി​യ​മ​സ​ഭ​യി​ലെ പ്ര​തി​പ​ക്ഷ നേ​താ​വാ​ണ്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Shehbaz Sharif
News Summary - India desires peace and stability; Modi congratulates new Pakistan PM Shehbaz Sharif
Next Story