ഇന്ത്യ-ബംഗ്ലാദേശ് അതിർത്തി ചർച്ച ഫെബ്രുവരി 16ന്

ന്യൂ​ഡ​ൽ​ഹി: നു​ഴ​ഞ്ഞു​ക​യ​റ്റ ശ്ര​മ​ങ്ങ​ൾ വ​ർ​ധി​ക്കു​ന്ന​തു​മാ​യി ബ​ന്ധ​പ്പെ​ട്ട് ഇ​ന്ത്യ​യും ബം​ഗ്ലാ​ദേ​ശും ത​മ്മി​ലു​ള്ള അ​തി​ർ​ത്തി ച​ർ​ച്ച ഫെ​ബ്രു​വ​രി 16 മു​ത​ൽ ന​ട​ക്കും. ര​ണ്ടു​ത​വ​ണ മാ​റ്റി​വെ​ച്ച ഡ​യ​റ​ക്ട​ർ ജ​ന​റ​ൽ ത​ല ച​ർ​ച്ച​യാ​ണ് അ​ന്ന് ന​ട​ക്കു​ക. ബം​ഗ്ലാ​ദേ​ശി​ലെ ഭ​ര​ണ​മാ​റ്റം പ്ര​ധാ​ന ച​ർ​ച്ചാ​വി​ഷ​യ​മാ​ണെ​ന്ന് ഔ​ദ്യോ​ഗി​ക വൃ​ത്ത​ങ്ങ​ൾ അ​റി​യി​ച്ചു. ദ്വി​വാ​ർ​ഷി​ക ച​ർ​ച്ച​ക​ളു​ടെ 55ാം പ​തി​പ്പാ​ണി​ത്. ബം​ഗ്ലാ​ദേ​ശ് ബോ​ർ​ഡ​ർ ഗാ​ർ​ഡ് പ്ര​തി​നി​ധി സം​ഘം ഫെ​ബ്രു​വ​രി 16 നും 19 ​നും ഇ​ട​യി​ൽ അ​തി​ർ​ത്തി സു​ര​ക്ഷാ​സേ​ന​യു​മാ​യി ച​ർ​ച്ച ന​ട​ത്തും.

2024 ആ​ഗ​സ്റ്റ് അ​ഞ്ചി​ന് ശൈ​ഖ് ഹ​സീ​ന സ​ർ​ക്കാ​റി​ന്റെ പ​ത​ന​ത്തി​നു​ശേ​ഷം ഇ​രു​സേ​ന​ക​ളും ത​മ്മി​ലു​ള്ള ആ​ദ്യ ഉ​ന്ന​ത​ത​ല ച​ർ​ച്ച​യാ​ണി​ത്. അ​തി​ർ​ത്തി​യി​ൽ 95.8 കി​ലോ​മീ​റ്റ​റോ​ളം ഒ​റ്റ​വ​രി വേ​ലി നി​ർ​മി​ക്കു​ന്ന​ത് സം​ബ​ന്ധി​ച്ച് ബം​ഗ്ലാ​ദേ​ശ് ഉ​ന്ന​യി​ച്ച എ​തി​ർ​പ്പു​മാ​യി ബ​ന്ധ​പ്പെ​ട്ട പ്ര​ശ്ന​ങ്ങ​ൾ ച​ർ​ച്ച​യാ​യേ​ക്കും. ഈ ​ച​ർ​ച്ച​ക​ളു​ടെ അ​വ​സാ​നം സേ​ന ത​ല​വ​ന്മാ​ർ ഒ​പ്പു​വെ​ച്ച ച​ർ​ച്ച​ക​ളു​ടെ സം​യു​ക്ത റെ​ക്കോ​ഡ് ത​യാ​റാ​ക്കും. ക​ഴി​ഞ്ഞ​യാ​ഴ്ച ഇ​രു​രാ​ജ്യ​ങ്ങ​ളും ത​ങ്ങ​ളു​ടെ ത​ല​സ്ഥാ​ന​ത്തേ​ക്ക് ഹൈ​ക​മീ​ഷ​ണ​ർ​മാ​രെ വി​ളി​ച്ചു​വ​രു​ത്തി​യ​തി​നെ​ത്തു​ട​ർ​ന്ന് അ​തി​ർ​ത്തി വേ​ലി നി​ർ​മാ​ണ പ്ര​വ​ർ​ത്ത​ന​ങ്ങ​ൾ നി​ർ​ത്തി​വെ​ച്ചി​രി​ക്കു​ക​യാ​ണ്.