Begin typing your search above and press return to search.
proflie-avatar
Login
exit_to_app
exit_to_app
aung san suu kyi
cancel
Homechevron_rightNewschevron_rightWorldchevron_rightമ്യാൻമറിൽ...

മ്യാൻമറിൽ പട്ടാളഭരണകൂടം സൂചിക്കെതിരെ അഴിമതിക്കുറ്റം ചുമത്തി

text_fields
bookmark_border

യാംഗോൻ: അനധികൃതമായി സ്വർണവും അരലക്ഷത്തിലധികം ഡോളറും സ്വീകരിച്ചെന്ന്​ ആരോപിച്ച് മ്യാൻമറിലെ പട്ടാള ഭരണകൂടം സിവിലിയൻ നേതാവ് ഓങ് സാൻ സൂചിക്കെതിരെ അഴിമതിക്കുറ്റം ചുമത്തി. ഫെബ്രുവരി ഒന്നിലെ പട്ടാള അട്ടിമറിക്ക് ശേഷം കസ്​റ്റഡിയിലെടുത്ത സൂചിക്കെതിരെ രാജ്യദ്രോഹവും കൊളോണിയൽ കാലഘട്ടത്തിലെ രഹസ്യ നിയമം ലംഘിച്ചതുമടക്കം നിരവധി ക്രിമിനൽ കുറ്റങ്ങൾ ചുമത്തിയിട്ടുണ്ട്​. കോവിഡ്​ മാനദണ്ഡങ്ങൾ ലംഘിച്ചെന്ന്​ കാണിച്ചും ഇവർക്കെതിരെ കേസെടുത്തിരുന്നു. ഇതിന്​ പിന്നാലെയാണ്​ പുതിയ നടപടി.

സൂചി 600,000 ഡോളർ പണവും 11 കിലോഗ്രാം സ്വർണവും അനധികൃതമായി സ്വീകരിച്ചുവെന്നാണ്​ പുതിയ ആരോപണം. സൂചി തൻെറ പദവി ഉപയോഗിച്ച് അഴിമതി നടത്തിയെന്നതിന് അഴിമതി വിരുദ്ധ കമീഷൻ തെളിവുകൾ കണ്ടെത്തിയതായി സർക്കാർ പത്രമായ ഗ്ലോബൽ ന്യൂ ലൈറ്റ് ഓഫ് മ്യാൻമർ റിപ്പോർട്ട്​ ​ചെയ്യുന്നു. അഴിമതി വിരുദ്ധ നിയമ വകുപ്പ് 55 പ്രകാരമാണ് അവർക്കെതിരെ കേസെടുത്തത്.

കൂടാതെ ചാരിറ്റബിൾ ഫൗണ്ടേഷന്​ വേണ്ടി​ രണ്ട് സ്​ഥലങ്ങൾ വാടകക്ക്​ എടുക്കുന്നതിലും ​സ്​റ്റേറ്റ്​ കൗൺസലർ ഓഫ്​ മ്യാൻമർ എന്ന അവരുടെ അധികാരം ദുരുപയോഗം ചെയ്തുവെന്നും ആരോപിക്കപ്പെടുന്നു.

സൂചിക്കെതിരെ നേരത്തെ ചുമത്തിയ കേസുകളിൽ വിചാരണകൾ അടുത്തയാഴ്ച ആരംഭിക്കും. തെരഞ്ഞെടുപ്പ് പ്രചാരണ വേളയിൽ നിയന്ത്രണങ്ങൾ ലംഘിച്ചുവെന്നും ലൈസൻസില്ലാത്ത വാക്കി-ടോക്കികൾ കൈവശം ​െവച്ചുവെന്നുമുള്ള​ കേസിൽ വിചാരണ തിങ്കളാഴ്ച ആരംഭിക്കും. പുറത്താക്കപ്പെട്ട പ്രസിഡൻറ്​ വിൻ മൈൻറിനൊപ്പം നാഷനൽ ലീഗ് ഫോർ ഡെമോക്രസി (എൻ‌.എൽ.‌ഡി) പാർട്ടിയിലെ മറ്റൊരു മുതിർന്ന അംഗത്തോടൊപ്പം രാജ്യദ്രോഹക്കുറ്റം ചുമത്തിയതിൻെറ വിചാരണ ജൂൺ 15നും തുടങ്ങും.

അതേസമയം, അഴിമതി ആരോപണം അസംബന്ധമാണെന്ന് സൂചിയുടെ അഭിഭാഷ ഖിൻ മങ് സാ പറയുന്നു. 'സൂചിയെ രാഷ്​ട്രീയത്തിൽനിന്ന്​ മാറ്റിനിർത്താനും അവരുടെ പ്രശസ്​തി ഇല്ലാതാക്കാനുമുള്ള ഗൂഢാലോചനയാണ്​ നടക്കുന്നത്​. ഇപ്പോൾ ചുമത്തിയ വകുപ്പുകൾ കാരണം അവരെ നീണ്ടകാലം ജയിലിലടക്കാൻ സാധിക്കും.

എൻ.എൽ.ഡിയെ പിരിച്ചുവിടാനാണ്​ സൈനിക ഭരണകൂടം ​ശ്രമിക്കുന്നത്​. രണ്ട് വർഷത്തിനുള്ളിൽ പുതിയ തെരഞ്ഞെടുപ്പ് നടത്തുമെന്നാണ്​ അവർ അറിയിച്ചിട്ടുള്ളത്​. എന്നാൽ, അതിൽ സൂചിക്കോ എൻ.എൽ.ഡി​ക്കോ മത്സരിക്കാനാകില്ല. അതിനാൽ തന്നെ തെരഞ്ഞെടുപ്പ്​ പ്രഹസനം മാത്രമാകും'-' -അഭിഭാഷക കൂട്ടിച്ചേർത്തു.

അതേസമയം, ജനാധിപത്യ സർക്കാറിനെ അട്ടിമറിച്ച്​ അധികാരം പിടിച്ച സൈന്യത്തിനെതിരെ മ്യാൻമറിൽ പ്രതിഷേധം തുടരുകയാണ്​. സൈന്യം പ്രതിഷേധക്കാരെ തോക്കുകൊണ്ടാണ്​ നേരിടുന്നത്​. ഫെബ്രുവരി ഒന്നിന്​ സൈന്യം ഭരണം പിടിച്ച ശേഷം ഇതുവരെ സൈനിക നടപടികളിൽ 845 നാട്ടുകാർ കൊല്ലപ്പെട്ടിട്ടുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:aung san suu kyiMyanmar
News Summary - In Myanmar, the military government has accused Suu Kyi of corruption
Next Story