കാനഡയിൽ വീണ്ടും കൂട്ടക്കുഴിമാടം

ഓട്ടവ: കാനഡയിലെ സസ്​കെച്ച്​വാനിൽ നൂറുകണക്കിന്​ കുഴിമാടങ്ങൾ കണ്ടെത്തി. മുമ്പ്​ റെസിഡൻഷ്യൽ സ്​കൂൾ പ്രവർത്തിച്ചിരുന്ന സ്​ഥലത്താണ്​ കൗവസെസ്​ ഫസ്​റ്റ്​ നാഷൻ എന്ന സംഘം കുഴിമാടങ്ങൾ ക​ണ്ടെത്തിയത്​.

ആഴ്​ചകൾക്കു മുമ്പ്​ ബ്രിട്ടീഷ്​ കൊളംബിയയിലെ റെസിഡൻഷ്യൽ സ്​കൂൾ നിലനിന്നിരുന്ന ഭാഗത്തു 215 ഓളം കുഴിമാടങ്ങൾ കണ്ടെത്തിയിരുന്നു. ഗോത്രവർഗ വിഭാഗങ്ങളെ പുനരുദ്ധരിക്കാനായി 19-20 നൂറ്റാണ്ടുകൾക്കിടയിൽ കനേഡിയൻ സർക്കാരും പൗരോഹിത്യവിഭാഗവും നടത്തിയിരുന്ന സ്​കൂളുകളാണിവ. 1863നും 1998നുമി​െട ഗോത്രവർഗവിഭാഗത്തിലെ ഒന്നരലക്ഷത്തിലേറെ കുട്ടികളെയാണ്​ സ്​കൂളുകളിലേക്ക്​ മാറ്റിയത്​. ഇവിടെ ഇവരുടെ തനത്​ ഭാഷ സംസാരിക്കാനോ ആചാരങ്ങൾ പിൻപറ്റാനോ അനുവദിച്ചിരുന്നില്ല.

നിരന്തരം അക്രമങ്ങൾക്ക്​ വിധേയമായിരുന്നു ഈ കുട്ടികളെന്നാണ്​ റിപ്പോർട്ട്​. ഇത്തരത്തിൽ സ്​കൂളുകളിലെത്തിയ കുട്ടികളിൽ വലിയൊരു വിഭാഗം വീടുകളിലേക്ക്​ തിരിച്ചെത്തിയിട്ടില്ലെന്നും അന്വേഷണത്തിൽ കണ്ടെത്തിയിരുന്നു. ഗോത്രവർഗ വിഭാഗങ്ങളുടെ സംസ്​കാരം ഇല്ലാതാക്കുന്ന സ്​കൂളുകൾ നടത്തിയതിന്​ 2008ൽ കനേഡിയൻ സർക്കാർ മാപ്പുപറഞ്ഞിരുന്നു.