Begin typing your search above and press return to search.
exit_to_app
exit_to_app
AstraZeneca
cancel
Homechevron_rightNewschevron_rightWorldchevron_rightആസ്​ട്രേലിയയിൽ...

ആസ്​ട്രേലിയയിൽ ആസ്​ട്രസെനക വാക്​സിൻ 60 വയസ്സിന്​ മുകളിലുള്ളവർക്ക്​ മാത്രം

text_fields
bookmark_border

സിഡ്​നി: 60 വയസ്സിന് താഴെയുള്ളവർക്ക് ആസ്ട്രാസെനെക കോവിഡ് വാക്​സിൻ നൽകുന്നതിൽ​ നിയന്ത്രണം കൊണ്ടുവന്ന്​ ആസ്‌ട്രേലിയ. രക്തം കട്ടപിടിക്കുന്നതായുള്ള ആങ്കയെ തുടർന്നാണ്​ നടപടിയെന്ന് ആരോഗ്യമന്ത്രി ഗ്രെഗ് ഹണ്ട് പറഞ്ഞു. 60 വയസ്സിന് താഴെയുള്ള എല്ലാവർക്കും ഫൈസർ വാക്​സിൻ നൽകാനാണ്​ നിർദേശം.

കഴിഞ്ഞദിവസം രക്തം കട്ടപിടിച്ച് 52കാരി മരിച്ചതിനെ തുടർന്നാണ് പുതിയ നടപടി. അതേസമയം, ആസ്​ട്രേലിയയിൽ മന്ദഗതിയിലായ വാക്​സിനേഷൻ നടപടിയെ പുതിയ തീരുമാനം കൂടുതൽ ബാധിക്കുമെന്ന്​ മന്ത്രി സമ്മതിച്ചു. 25 ദശലക്ഷം ജനസംഖ്യയുടെ മൂന്ന് ശതമാനം മാത്രമാണ് ഇതുവരെ കുത്തിവെപ്പ്​ എടുത്തത്​.

ആസ്​ട്രസെനക വാക്​സിൻ പ്രദേശികമായി വികസിപ്പിക്കാൻ വലിയ നിക്ഷേപങ്ങളാണ്​ ആസ്​ട്രേലിയ നടത്തിയിട്ടുള്ളത്​. 50 ദശലക്ഷം ഡോസുകൾ ഉൽപ്പാദനം നടത്താനായിരുന്നു ലക്ഷ്യം.

മറ്റ് വാക്​സിനുകൾ വലിയ തോതിൽ ആസ്​ട്രേലിയ വാങ്ങിയിട്ടുമില്ല. 2021 സെപ്​റ്റംബറോടെ എല്ലാ മുതിർന്നവർക്കും കു​ത്തിവെപ്പ്​ നൽകാൻ കഴിയുമോ എന്ന സംശയത്തിലാണ്​ ആസ്​ട്രേലിയ.

കടുത്ത നിയന്ത്രണങ്ങൾ വരുത്തിയതിനാൽ ആസ്​ട്രേലിയയിൽ കോവിഡ്​ കേസുകൾ കുറവാണ്​. മിക്ക അതിർത്തികളും അടച്ചിരിക്കുകയാണ്​. വിമാന യാത്രകളും നിയന്ത്രിച്ചിട്ടുണ്ട്​. വലിയൊരു ശതമാനം മുതിർന്നവർക്കും പ്രതിരോധ കുത്തിവെപ്പ്​ നൽകുന്നതുവരെ ഈ നടപടികൾ തുടരും.

Show Full Article
TAGS:AstraZeneca Australia covid19 
News Summary - In Australia, the aztrazenaca vaccine is for people over 60 years of age
Next Story