ഇംറാൻ ഖാന്റെ അനുയായികൾ റാലിക്കെത്തിയത് ആയുധങ്ങളുമായി -പാക് പ്രതിരോധമന്ത്രി

ഇസ്‍ലാമാബാദ്: പാകിസ്താൻ മുൻ പ്രധാനമന്ത്രി ഇംറാൻഖാന്റെ അനുയായികൾ ആസാദി മാർച്ചിൽ പങ്കെടുത്തത് തോക്കുകൾ മാത്രമല്ല, ഓട്ടോമാറ്റിക് ആയുധങ്ങളുമായാണെന്ന് പ്രതിരോധമന്ത്രി ഖ്വാജ ആസിഫ്.

സ്വകാര്യ ചാനലിനു നൽകിയ അഭിമുഖത്തിൽ സംസാരിക്കുകയായിരുന്നു ആസിഫ്. കഴിഞ്ഞ ബുധനാഴ്ചയാണ് പാകിസ്താൻ തഹ്‍രീകെ ഇൻസാഫ് പാർട്ടി അംഗങ്ങൾ ഇസ്‍ലാമാബാദിൽ റാലി നടത്തിയത്. ഉടൻ തെരഞ്ഞെടുപ്പ് പ്രഖ്യാപിക്കുന്നില്ലെങ്കിൽ വീണ്ടും റാലി നടത്തുമെന്നും ഇംറാൻഖാൻ ഭീഷണിമുഴക്കിയിരുന്നു.