വെടിവെച്ചത് ആരെന്നറിയാം; പിന്നീട് പറയാമെന്ന് ഇംറാൻ

ഇസ്‌ലാമാബാദ്: തനിക്കെതിരായ ആക്രമണമുണ്ടാകുമെന്ന് റാലി തുടങ്ങുന്നതിന് മുമ്പ് തന്നെ അറിയാമായിരുന്നുവെന്ന് പാകിസ്താൻ മുൻ പ്രധാനമന്ത്രി ഇംറാൻ ഖാൻ പറഞ്ഞു.

വെടിയേറ്റതിന് ശേഷം ആദ്യമായി ആശുപത്രിയിൽ മാധ്യമങ്ങളോട് സംസാരിക്കുകയായിരുന്നു അദ്ദേഹം. നാല് വെടിയുണ്ട തന്റെ ദേഹത്ത് പതിച്ചു.

ആക്രമണത്തിന് പിന്നിലുള്ളവരെയും അറിയാം. എല്ലാം പിന്നീട് പറയാം. തന്റെ പാർട്ടി സാധാരണക്കാരുടേതാണ്. 22 വർഷമായി താൻ വെല്ലുവിളികളെ നേരിടുകയാണെന്നും അദ്ദേഹം കൂട്ടിച്ചേർത്തു.

നേരത്തെ, പ്ര​ധാ​ന​മ​ന്ത്രി ശഹബാസ് ശരീഫ്, ആ​ഭ്യ​ന്ത​ര മ​ന്ത്രി, മു​തി​ർ​ന്ന ര​ഹ​സ്യാ​ന്വേ​ഷ​ണ ഉ​ദ്യോ​ഗ​സ്ഥ​ൻ എ​ന്നി​വ​രു​ടെ നി​ർ​ദേ​ശ​പ്ര​കാ​ര​മാ​ണ് വ​ധ​ശ്ര​മ​മു​ണ്ടാ​യ​തെ​ന്ന് ഇം​റാ​ൻ ക​രു​തു​ന്ന​താ​യി പാ​കി​സ്താ​ൻ തെ​ഹ്‌​രീ​കെ ഇ​ൻ​സാ​ഫ് പാ​ർ​ട്ടി​യു​ടെ മു​തി​ർ​ന്ന നേ​താ​ക്ക​ൾ പ​റ​ഞ്ഞിരുന്നു. ത​നി​ക്ക് ല​ഭി​ച്ച വി​വ​ര​ത്തി​ന്റെ അ​ടി​സ്ഥാ​ന​ത്തി​ലാ​ണ് ഇ​ത് പ​റ​യു​ന്ന​തെ​ന്നും ഇം​റാ​ൻ ഖാ​ൻ പ​റ​ഞ്ഞ​താ​യി പാ​ർ​ട്ടി നേ​താ​ക്ക​ൾ അ​റി​യി​ച്ചു. ഇ​ത് ദൈ​വം​ത​ന്ന ര​ണ്ടാം ജ​ന്മ​മാ​ണെ​ന്നാ​യി​രു​ന്നു വെ​ടി​യേ​റ്റ ശേ​ഷം ഇം​റാ​ന്‍റെ ആ​ദ്യ പ്ര​തി​ക​ര​ണം.

അ​ദ്ദേ​ഹത്തിന്റെ ആ​രോ​ഗ്യ​നി​ല തൃ​പ്തി​ക​ര​മാ​ണെ​ന്നും നേ​താ​ക്ക​ൾ വ്യ​ക്ത​മാ​ക്കി. തെ​ര​ഞ്ഞെ​ടു​പ്പ് നേ​ര​ത്തെ​യാ​ക്ക​ണ​മെ​ന്നാ​വ​ശ്യ​പ്പെ​ട്ട് ന​ട​ത്തു​ന്ന ലോ​ങ് മാ​ർ​ച്ചി​നി​ടെ​യാ​ണ് വ​സീ​റാ​ബാ​ദി​ൽ ഇം​റാ​ൻ ഖാ​നു​നേ​രെ വെ​ടി​വെ​പ്പു​ണ്ടാ​യ​ത്.

പാ​ർ​ട്ടി പ്ര​വ​ർ​ത്ത​ക​ൻ അ​ക്ര​മി​യു​ടെ കൈ​പി​ടി​ച്ച​തി​നെ തു​ട​ർ​ന്നാ​ണ് അ​ദ്ദേ​ഹം അ​ൽ​പ​വ്യ​ത്യാ​സ​ത്തി​ന് ര​ക്ഷ​പ്പെ​ട്ട​ത്. വ​ല​ത് ക​ണ​ങ്കാ​ലി​ലും തു​ട​യി​ലും വെ​ടി​യേ​റ്റ ഇം​റാ​ൻ ചി​കി​ത്സ​യി​ലാ​ണ്. അതിനിടെ കേസുമായി ബന്ധപ്പെട്ട് രണ്ടുപേരെ കൂടി പൊലീസ് അറസ്റ്റ് ചെയ്തു. വെടിവെച്ച നവീദ് മുഹമ്മദ് ബഷീറിനെ ഇംറാന്റെ അനുയായികൾ കീഴ്പ്പെടുത്തി പൊലീസിൽ ഏൽപ്പിച്ചിരുന്നു. ഇയാൾക്ക് 20,000 പാക് രൂപക്ക് തോക്ക് വിറ്റ വഖാസ്, സാജിദ് ഭട്ട് എന്നിവരാണ് വെള്ളിയാഴ്ച പിടിയിലായത്.