Top
Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_rightആറ്​ പതിറ്റാണ്ട്​...

ആറ്​ പതിറ്റാണ്ട്​ നീണ്ട കരിയർ; പ്രശസ്ത ടെലിവിഷന്‍ അവതാരകന്‍ ലാറി കിങ് അന്തരിച്ചു

text_fields
bookmark_border
ആറ്​ പതിറ്റാണ്ട്​ നീണ്ട കരിയർ; പ്രശസ്ത ടെലിവിഷന്‍ അവതാരകന്‍ ലാറി കിങ് അന്തരിച്ചു
cancel

ലോസ്​ ആഞ്ചലസ്​: യു.എസ്​ ടെലിവിഷൻ രംഗത്തെ ഏറ്റവും പ്രശസ്ത മുഖമായ റേഡിയോ-ടെലിവിഷന്‍ അവതാരകന്‍ ലാറി കിങ് (87) അന്തരിച്ചു. മരണകാരണം എന്താണെന്ന്​ അദ്ദേഹം സഹസ്​ഥാപകനായ ഓറ മീഡിയ വ്യക്​തമാക്കിയിട്ടില്ലെങ്കിലും കോവിഡ്​ ബാധിച്ചതിനെ തുടർന്ന്​ ചികിത്സയിലായിരുന്നു എന്നാണ്​ റ​ിപ്പോർട്ടുകൾ. ലോസ് ആഞ്ചലിസിലെ സേഡാര്‍സ്-സിനായി മെഡിക്കല്‍ സെന്‍ററില്‍ ശനിയാഴ്ച പുലര്‍ച്ചെയാണ്​ ലാറി കിങ്​ മരിച്ചത്​. കഴിഞ്ഞ കുറച്ചുവർഷങ്ങളായി അദ്ദേഹം ആരോഗ്യപ്രശ്‌നങ്ങള്‍ അനുഭവിച്ചു വരികയായിരുന്നു.

അമേരിക്കന്‍ റേഡിയോ-ടെലിവിഷന്‍-ഡിജിറ്റല്‍ രംഗത്തെ അതികായനായിരുന്ന ലാറി 63 വര്‍ഷത്തോളം നീണ്ട കരിയറില്‍ ലോക നേതാക്കള്‍, സിനിമാതാരങ്ങള്‍, രാഷ്ട്രീയ നേതാക്കള്‍ എന്നിങ്ങനെ നിരവധി പ്രമുഖരുമായി അഭിമുഖ സംഭാഷണം നടത്തിയിട്ടുണ്ട്. സി.എൻ.എന്നിലെ 'ലാറി കിങ് ലൈവ്' എന്ന പരിപാടിക്ക്​ ലോകം മൂഴുവൻ ആരാധകരുണ്ടായിരുന്നു. 1985 മുതല്‍ 2010 വരെ കാൽനൂറ്റാണ്ട്​ സി.എൻ.എൻ സംപ്രേക്ഷണം ചെയ്​ത പരിപാടിയാണിത്​. 1974 മുതൽ ബറാക്​ ഒബാമ വരെയുള്ള അമേരിക്കൻ പ്രസിഡന്‍റുമാരെയും ലോക നേതാക്കളായ യാസർ അറഫാത്ത്​, വ്ലാഡ്​മിർ പുടിൻ തുടങ്ങിയവരെയുമെല്ലാം തന്‍റെ കരിറയിറിനിടെ അദ്ദേഹം ഇന്‍റർവ്യു ചെയ്​തു. 2010ലെ വൈകാരികമായ അവസാന ലാറി കിങ്​ ലൈവ്​ ഷോക്ക്​ അഭിവാദ്യമർപ്പിച്ച്​ ബറാക്​ ഒബാമ വിഡിയോ നൽകിയിരുന്നു.

ആഴ്​ചയിൽ ആറ്​ ദിവസവും 200 രാജ്യങ്ങളിലായി സി.എൻ.എൻ സംപ്രേക്ഷണം ചെയ്​തിരുന്ന ലാറി കിങ്​ ലൈവ്​ ഷോയ്​ക്ക്​ ഓരോ രാത്രിയിലും പത്ത്​ ലക്ഷത്തോളം പ്രേക്ഷകർ ഉണ്ടായിരുന്നു. ലാറി കിങ്​ മൊത്തം 30,000 അഭിമുഖങ്ങൾ നടത്തിയതായാണ്​ സി.എൻ.എൻ പറയുന്നത്​. പരിപാടിയുടെ ജനപ്രീതി കണക്കിലെടുത്ത്​ വർഷം 70ലക്ഷം ഡോളർ ആണ്​ ലാറി കിങ്​ പ്രതിഫലമായി വാങ്ങിയിരുന്നത്​.

1933 നവംബര്‍ 19ന് ന്യൂയോര്‍ക്കിലെ ബ്രൂക്‌ലിനില്‍ റഷ്യന്‍-ജൂത ദമ്പതികളുടെ മകനായാണ് ലാറിയുടെ ജനനം. 23ാം വയസിൽ ജോലി തേടി ഫ്ലോറിഡയിലേക്ക്​ പോയി. 1957ല്‍ മിയാമി റേഡിയോ സ്‌റ്റേഷനില്‍ ഡിസ്‌ക് ജോക്കിയായാണ് തൊഴില്‍ജീവിതം ആരംഭിച്ചത്​. തുടര്‍ന്ന് 1985ലാണ്​ സി.എന്‍.എന്നില്‍ ജോലിക്കു ചേരുന്നത്​.

Show Full Article
TAGS:Larry King Larry King died 
News Summary - Iconic TV and radio interviewer Larry King dies at 87
Next Story