Begin typing your search above and press return to search.
proflie-avatar
Login
exit_to_app
exit_to_app
ആ കണ്ണീർ തോർന്നിട്ടില്ല- വ്യാജ നോട്ടുപറഞ്ഞ്​ ജോർജ്​ ​േഫ്ലായ്​ഡിനെ പൊലീസുകാരന്​ ഒറ്റുകൊടുത്തവൻ കഥ പറയുകയാണ്​...
cancel
Homechevron_rightNewschevron_rightWorldchevron_right''ആ കണ്ണീർ...

''ആ കണ്ണീർ തോർന്നിട്ടില്ല''- വ്യാജ നോട്ടുപറഞ്ഞ്​ ജോർജ്​ ​േഫ്ലായ്​ഡിനെ പൊലീസുകാരന്​ 'ഒറ്റുകൊടുത്തവൻ' കഥ പറയുകയാണ്​...

text_fields
bookmark_border

വാഷിങ്​ടൺ: സൗത്​ മിനിയപോളിസിലെ ഇഷ്​ടികയിൽ പടുത്ത​ കുഞ്ഞു 'കപ്​ ഫുഡ്​സ്​' ഗ്രോസറി സ്​റ്റോറിനു മുകളിലെ നിലയിലായിരുന്നു ക്രിസ്​റ്റഫർ മാർട്ടിനും കുടുംബവും താമസം. ഒരു വർഷം മുമ്പ്​ സ​്​റ്റോറിൽ കാഷ്യറുടെ ഒഴിവു വന്നപ്പോൾ ഒന്നും ആലോചിക്കാതെ അപേക്ഷിച്ചു, ജോലി കിട്ടി.

സ്​ഥിരം ഇടപാടുകാരുടെ ഇഷ്​ടാനിഷ്​ടങ്ങൾ അതിവേഗം പഠിച്ചെടുത്ത മാർട്ടിൻ ഓരോരുത്തരുമെത്തു​േമ്പാൾ ഇഷ്​ട ബ്രാൻഡ്​ സിഗരറ്റും സ്​നാക്​സും ചോദിക്കുംമു​േമ്പ എടുത്തുനൽകും. ശമ്പളത്തിനുള്ള​ ജോലിയായിരുന്നില്ല, നാട്ടുകാരിലൊരാളായി കഥയും തമാശയും പങ്കുവെച്ചുള്ള ജീവിതം.

അതിനിടെയാണ്​ കഴിഞ്ഞ വർഷം മേയ്​ 25 എത്തുന്നതും ലോകത്തി​െൻറ കാഴ്​ചകൾ അവനിലേക്കും അവ​െൻറ നാട്ടിലേക്കും പതിയുന്നതും. ഒരു സിഗരറ്റ്​ പാക്കറ്റ്​ വാങ്ങാനായിരുന്നു അന്ന്​ ജോർജ്​ ​േഫ്ലായ്​ഡ്​ എന്ന കറുത്ത വംശജൻ വന്നത്​. പകരം നൽകിയത്​ വ്യാജ 20 ഡോളറാണെന്നു പറയുന്നു. മാർട്ടിൻ അറിയിച്ചതനുസരിച്ച്​ കൂടെയുള്ളവരിൽ ഒരാൾ ഉടൻ പൊലീസിനെ വിളിച്ചു. അവർ കൊണ്ടുപോയി ഒമ്പതു മിനിറ്റ്​ 29 സെക്കൻഡ്​ കഴിഞ്ഞതേയുള്ളൂ, എല്ലാം അവസാനിച്ചിരുന്നു. ഡെറക്​ ചോവിൻ എന്ന പൊലീസുകാരനായിരുന്നു കൊലയാളി.

മണിക്കൂറുകൾക്കകം മിനിയപോളിസിൽ തുടങ്ങിയ പ്രതിഷേധം അമേരിക്ക മുഴുവൻ അലയായി പടർന്നു. ലോകം ഏറ്റെടുത്ത വംശീയവിരുദ്ധ സമരം ഇന്നും തുടരുന്നു.

19കാരനായ ​മാർട്ടിനും കുടുംബവും അതോടെ, അവർ താമസിച്ച വീടുവിട്ടിറങ്ങി. ജോലിയും ഉപേക്ഷിച്ചു. നെഞ്ചകം നീറിപ്പടർന്ന വേദന ഇന്നും അണയാതെ കത്തുന്നു. അതിനിടെ, പൊലീസുകാരനെതിരെ സാക്ഷി മൊഴി നൽകി. എണ്ണമറ്റ മാധ്യമങ്ങൾക്ക്​ അഭിമുഖം നൽകി. ''കേസിൽ വിചാരണ തുടങ്ങുംമു​െമ്പ കുറ്റബോധം മനസ്സിനെ കീഴടക്കിയിരുന്നു. പൊലീസിന്​ കൈമാറുന്നതിന്​​ പകരം സിഗരറ്റ്​ നൽകില്ലെന്ന്​ മാത്രം പറഞ്ഞ്​ ​േഫ്ലായ്​ഡിനെ വിട്ടുകൂടായിരുന്നോ?''

വിചാരണയുടെ മൂന്നാം ദിവസത്തിലായിരുന്നു മാർട്ടിനെ ചോദ്യം ചെയ്യൽ. 20 ഡോളർ നോട്ട്​ സ്വയം മാറ്റിവെക്കാനായിരുന്നു ആഗ്രഹിച്ചതെങ്കിലും സ്​​േറ്റാർ മാനേജർമാർ നിർദേശിച്ചതു പ്രകാരം പൊലീസിനെ അറിയിക്കുകയായിരുന്നുവെന്ന്​ അവൻ കോടതിയിൽ പറഞ്ഞു. കോടതി കയറുന്ന ജീവിതത്തിലെ ആദ്യ ദിനമായിട്ടും അവൻ പൊലീസുകാരനെതിരെ നിർഭയം മൊഴി നൽകി. എല്ലാം പൂർത്തിയായി ​കോടതി മുറി വിട്ടിറങ്ങു​േമ്പാൾ ചാലിട്ടുതുടങ്ങിയ കണ്ണീർ തുള്ളികൾ ഇ​പ്പോഴും വറ്റാതെ ഹൃദയത്തോളം ആഴത്തിൽ പതിഞ്ഞുകിടക്കുന്നുണ്ട്​.

മാതാവിനൊപ്പമായിരുന്നു മാർട്ടി​െൻറ താമസം. അഞ്ചു മക്കളിൽ ഒരുവൻ. പഠനം പലവട്ടം പാതിവഴിയിൽ മുടങ്ങി. കഴിഞ്ഞ വർഷമാണ്​ ഹൈസ്​കൂൾ പൂർത്തിയാക്കിയത്​. അതും പഠനത്തിൽ താഴെയായ കറുത്ത വംശജർ അമേരിക്കയിൽ നേടിയ ഏറ്റവും കുറഞ്ഞ ശതമാനം മാർക്കിന്​- 65 ശതമാനം.

മിനസോട വിട്ട്​ കാലിഫോർണിയയിൽ റിയൽ എസ്​റ്റേറ്റ്​ ലോക​ത്ത്​ ചുവടുറപ്പിക്കണമെന്നാണ്​ മാർട്ടിന്​ മോഹം. അഡിഡാസ്​ ഷോപ്പിൽ തത്​കാലം ജോലി നോക്കുന്നുണ്ടിപ്പോൾ. കൊലപാതകമറിഞ്ഞയുടൻ അവിടം വിട്ടുപോന്നതാണ്​. വർഷങ്ങൾക്ക്​ മുമ്പ്​ താനും സമാനമായ ഒരു പൊലീസ്​ അനുഭവത്തി​െൻറ ഇരയായിരുന്നുവെന്നും അന്ന്​ കൂടെയുണ്ടായിരുന്ന ജേഷ്​ഠനെ പൊലീസ്​ വെറുതെ തൊഴിച്ചെന്നും മാർട്ടിൻ പറയുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:USPolice brutalityMartinGeorge Floyd
News Summary - ‘I allowed myself to feel guilty for a very long time’: the teenage cashier who took George Floyd’s $20 bill
Next Story