Top
Begin typing your search above and press return to search.
keyboard_arrow_down
Login
exit_to_app
exit_to_app
ആരോഗ്യത്തേക്കാൾ ട്രംപിന്​ മുഖ്യം രാഷ്​ട്രീയം​, ആകെ കുഴങ്ങി വൈറ്റ്​ ഹൗസിലെ ഡോക്​ടർമാർ
cancel
Homechevron_rightNewschevron_rightWorldchevron_rightആരോഗ്യത്തേക്കാൾ...

ആരോഗ്യത്തേക്കാൾ ട്രംപിന്​ മുഖ്യം രാഷ്​ട്രീയം​, ആകെ കുഴങ്ങി വൈറ്റ്​ ഹൗസിലെ ഡോക്​ടർമാർ

text_fields
bookmark_border

ന്യൂയോർക്ക്​: സ്വന്തം ആരോഗ്യത്തേക്കാൾ രാഷ്​ട്രീയത്തിന്​ മുൻഗണന നൽകുന്ന 'വി.​ഐ.പി രോഗി'യെക്കൊണ്ട്​ കുഴങ്ങിയിരിക്കുകയാണ് ഡോ. സീൻ കോൺലിയും സംഘവും​. ലോക​ത്തെ ഏറ്റവും അധികാരമുള്ള മനുഷ്യനാണ്​ ഈ രോഗിയെന്നതൊന്നും കൊറോണ വൈറസി​നറിയില്ലല്ലോ. അമേരിക്കൻ പ്രസിഡൻറ്​ ഡോണൾഡ്​ ട്രംപി​െൻറ ചികിത്സ ഏറെ ശ്രമകരമായി വൈറ്റ്​ ഹൗസ്​ മെഡിക്കൽ യൂനിറ്റിന്​ അനുഭവ​പ്പെടുന്നത്​ 'അനുസരണക്കേട്​' കൊണ്ടുതന്നെ.

ട്രംപി​െൻറ ആരോഗ്യ സംരക്ഷണത്തോടൊപ്പം രോഗം മറ്റുള്ളവരിലേക്ക്​ പകരാതെ കാക്കുകയെന്നതും ഇപ്പോൾ വൈദ്യസംഘത്തിനുമുന്നിലുള്ള പ്രധാന വെല്ലുവിളിയാണ്​. രോഗം ഭേദമാകുന്നതിനു മുമ്പു​തന്നെ പ്രസിഡൻറ്​ തെരഞ്ഞെടുപ്പി​െൻറ പ്രചാരണങ്ങളിലേക്ക്​ വീണ്ടുമിറങ്ങാൻ ട്രംപ്​ ഒരുങ്ങുന്നത്​​ ഇവരെ ചില്ലറയൊന്നുമല്ല ആശയക്കുഴപ്പത്തിലാക്കുന്നത്​.


ഡോ. സീൻ കോൺലി

പൊതുജനാരോഗ്യ സംരക്ഷണത്തിനുള്ള മാർഗനിർദേശങ്ങളേക്കാൾ രാഷ്​ട്രീയ കാര്യങ്ങൾക്ക്​ ട്രംപ്​ മുൻതൂക്കം നൽകു​േമ്പാൾ ഡോ. കോൺലിയുടെ ഓഫിസ്​ വൈറ്റ്​ഹൗസ്​ ജോലിക്കാരെയും സന്ദർശകരെയും പ്രസിഡൻറിനെത്തന്നെയും കോവിഡി​െൻറ ഭീഷണിയിൽനിന്ന്​ രക്ഷി​ച്ചെടുക്കാൻ പെടാപ്പാട്​ പെടേണ്ട അവസ്​ഥയിലാണ്​. ട്രംപി​െൻറ മുതിർന്ന വൈറ്റ്​ഹൗസ്​ ഉപദേശകൻ സ്​റ്റീഫൻ മില്ലർക്ക്​ കോവിഡ്​ സ്​ഥിരീകരിച്ചത്​ ചൊവ്വാഴ്​ചയാണ്​. ഓ​രോ ദിവസവും വൈറ്റ്​ ഹൗസ്​ സ്​റ്റാഫിൽ പലരും കോവിഡ്​ ബാധിതരാകുന്നതാണ്​ ഡോക്​ടർമാരുടെ സംഘ​ത്തെ കുഴക്കുന്നത്​.

വൈറ്റ്​ഹൗസിൽ ഐ​സൊലേഷനിൽ കഴിയുന്ന ട്രംപിന്​ എപ്പോഴാണ്​ ​പ്രചാരണങ്ങളിൽ തിരിച്ചെത്താൻ കഴിയുകയെന്നത്​ ഉറപ്പായിട്ടില്ല. പ്രചാരണത്തിലും ഫണ്ട്​ സ്വരൂപിക്കുന്നതിലും ജോ ബൈഡനേക്കാൾ പിന്നിൽനിൽക്കുന്ന ട്രംപ്​ അതുകൊണ്ടുതന്നെ ഉടൻ ഗോദയിൽ തിരിച്ചെത്താൻ ആഗ്രഹിക്കുകയാണ്​. പെ​ട്ടെന്ന്​ പ്രചാരണങ്ങളിൽ സജീവമാകുന്നത്​ ട്രംപി​െൻറ ആരോഗ്യത്തെ ബാധിക്കാൻ സാധ്യതയുണ്ടെന്നാണ്​ ഡോക്​ടർമാരുടെ വിലയിരുത്തൽ. എന്നാൽ, കൂടുതൽ കാത്തിരിക്കുന്നത്​ മാനസികമായി ട്രംപിനെ സമ്മർദത്തിലാക്കുകയും ചെയ്യും.

നിരുത്തരവാദപരമായ പ്രസ്​താവനകൾ

ഡോക്​ടർമാർ രോഗിക്ക്​ നിർദേശം നൽകുകയെന്നതിനു പകരം ട്രംപി​െൻറ കാര്യത്തിൽ അതു നേരെ തിരിച്ചാണ്​. നിരുത്തരവാദപരമായ പ്രസ്​താവനകളും നിർദേശങ്ങളും ​'രോഗി'യിൽനിന്ന്​ ഇടക്കിടെ ഉണ്ടാകുന്നത്​ ഡോക്​ടർമാരെ അലോസരപ്പെടുത്തുന്നുണ്ട്​. മാസ്​ക്​ ധരിക്കാൻ ഇപ്പോഴും വിമുഖത കാട്ടുന്നു. കോവിഡ്​ ഒരു പ്രശ്​നമല്ലെന്ന രീതിയിൽ ചൊവ്വാഴ്​ചയും പ്രസിഡൻറ്​ ട്വീറ്റ്​ ചെയ്​തിട്ടുണ്ട്​. ട്വിറ്ററും ഫേസ്​ബുക്കും ട്രംപി​െൻറ ഈ പ്രസ്​താവന നീക്കം ചെയ്​തു. രോഗത്തി​െൻറ കഠിനഘട്ടത്തിലുള്ള കോവിഡ്​ രോഗികൾക്ക്​ നൽകുന്ന മരുന്നുകളും ഫുഡ്​ ആൻഡ്​ ഡ്രഗ്​ അഡ്​മിനിസ്​​ട്രേഷൻ അംഗീകരിക്കാത്ത 'ആൻറിബോഡി കോക്​ടെയിലും' ട്രംപ്​ ഇതിനകം സേവിച്ചതായി മാധ്യമങ്ങൾ റിപ്പോർട്ട്​ ചെയ്യുന്നു.


ഇതൊക്കെയാണെങ്കിലും ട്രംപിനെ ന്യായീകരിച്ചു മാത്രമാണ്​ ഡോക്​ടർമാരുടെ സംഘം പ്രസ്​താവനയിറക്കുന്നത്​. പ്രസിഡൻറിൽ ഇ​പ്പോൾ രോഗലക്ഷണങ്ങളൊന്നും ഇല്ലെന്നാണ്​ ചൊവ്വാഴ്​ച കോൺലി വിശദീകരിച്ചത്​. പ്രസിഡൻറി​െൻറ ആരോഗ്യവിവരങ്ങൾ സമ്പൂർണമായി പുറത്തു​പറയാത്തതിനെതിരെ വിമർശനവും ചില കോണുകളിൽനിന്ന്​ ഉയരുന്നുണ്ട്​. ഇതോടെ, കോൺലിയുടെ പ്രസ്​താവനകൾ രാഷ്​ട്രീയ താൽപര്യങ്ങളോടെയുള്ളതല്ലെന്നും അദ്ദേഹം സത്യം മാത്രമാണ്​ പറയുന്നതെന്നും വ്യക്​തമാക്കി വൈറ്റ്​ ഹൗസ്​ വക്​താവ്​ ജൂഡ്​ ഡീറെ രംഗത്തെത്തി. അതേസമയം, വൈറ്റ്​ഹൗസിലെ രോഗബാധിതരുടെ സമ്പർക്കപ്പട്ടിക പിന്തുടരുന്നതിൽ കോൺലിയുടെ ഓഫിസിന്​ വീഴ്​ച പറ്റിയതായും വിമർശനമുണ്ട്​.

Show Full Article
TAGS:Donald Trump Covid 19 White House Sean Conley 
Next Story