ചെങ്കടലിൽ ഇസ്രായേലി കപ്പൽ റാഞ്ചിയതായി ഹൂതി സേന

സ​ൻ​ആ: 22 യാ​ത്ര​ക്കാ​രു​മാ​യി ചെ​ങ്ക​ട​ലി​ലൂ​ടെ സ​ഞ്ച​രി​ക്കു​ക​യാ​യി​രു​ന്ന ഇ​സ്രാ​യേ​ലി ക​പ്പ​ൽ റാ​ഞ്ചി​യ​താ​യി യ​മ​നി​ലെ ഹൂ​തി സേ​ന. തു​ർ​ക്കി​യ​യി​ൽ​നി​ന്ന് ഇ​ന്ത്യ​യി​​ലേ​ക്ക് പോ​വു​ക​യാ​യി​രു​ന്ന ‘ഗാ​ല​ക്സി ലീ​ഡ​ർ’ എ​ന്ന ക​പ്പ​ലി​ൽ ഇ​സ്രാ​യേ​ലി പൗ​ര​ന്മാ​രി​ല്ലെ​ന്നാ​ണ് റി​പ്പോ​ർ​ട്ട്.

ഗ​സ്സ ആ​ക്ര​മ​ണ​ത്തി​ന് പ്ര​തി​കാ​ര​മാ​യി യ​മ​ൻ അ​തി​ർ​ത്തി​യി​ലൂ​ടെ സ​ഞ്ച​രി​ക്കു​ന്ന ഇ​സ്രാ​യേ​ലി ഉ​ട​മ​സ്ഥ​ത​യി​ലു​ള്ള​തും ഇ​സ്രാ​യേ​ലി പ​താ​ക​യു​ള്ള​തു​മാ​യ ക​പ്പ​ലു​ക​ൾ റാ​ഞ്ചു​മെ​ന്ന് ഹൂ​തി വ​ക്താ​വ് യ​ഹ്‍യ സ​രി​യ നേ​ര​ത്തെ മു​ന്ന​റി​യി​പ്പ് ന​ൽ​കി​യി​രു​ന്നു. ഇ​ത്ത​രം ക​പ്പ​ലു​ക​ളി​ൽ ജോ​ലി ചെ​യ്യു​ന്ന പൗ​ര​ന്മാ​രെ പി​ൻ​വ​ലി​ക്കാ​ൻ മ​റ്റു രാ​ജ്യ​ങ്ങ​ളോ​ട് ഹൂ​തി സേ​ന ആ​വ​ശ്യ​പ്പെ​ട്ടി​രു​ന്നു. ഇ​സ്രാ​യേ​ലി​ന്റെ വി​വി​ധ ഭാ​ഗ​ങ്ങ​ളി​ൽ അ​ടു​ത്തി​ടെ ഹൂ​തി​ക​ൾ നി​ര​വ​ധി ത​വ​ണ മി​സൈ​ൽ ആ​ക്ര​മ​ണം ന​ട​ത്തി​യി​രു​ന്നു.

ക​പ്പ​ൽ ഇ​സ്രാ​യേ​ലി വ്യ​വ​സാ​യി റാ​മി ഉം​ഗ​റി​ന്റെ ഉ​ട​മ​സ്ഥ​ത​യി​ലു​ള്ള ക​മ്പ​നി​യു​ടേ​താ​ണെ​ന്ന് ഹാ​രെ​റ്റ്സ് പ​ത്രം റി​പ്പോ​ർ​ട്ട് ചെ​യ്തു. ഇ​റാ​ൻ പി​ന്തു​ണ​യോ​ടെ​യു​ള്ള തീ​വ്ര​വാ​ദ പ്ര​വ​ർ​ത്ത​ന​ത്തെ ശ​ക്ത​മാ​യി അ​പ​ല​പി​ക്കു​ന്ന​താ​യും ആ​ഗോ​ള ക​പ്പ​ൽ പാ​ത​ക​ളു​ടെ സു​ര​ക്ഷ​യി​ൽ ഇ​ത് ​പ്ര​ത്യാ​ഘാ​ത​ങ്ങ​ൾ സൃ​ഷ്ടി​ക്കു​മെ​ന്നും ഇ​​സ്രാ​യേ​ൽ പ്രസ്താവി​ച്ചു.