മരണം പതിയിരിക്കുന്ന ഗസ്സയിലെ ആശുപത്രികൾ; അനങ്ങിയാൽ ചീറിയെത്തുന്നു, വെടിയുണ്ട

ഗ​സ്സ: പു​റം​ലോ​ക​ത്തു​നി​ന്ന് ഗ​സ്സ​യി​ലെ ആ​ശു​പ​ത്രി​ക​ളെ വേ​ർ​പെ​ടു​ത്തി​യ ഇ​സ്രാ​യേ​ൽ സേ​ന അ​വി​ട​ങ്ങ​ളി​ൽ സ​മാ​ന​ത​ക​ളി​ല്ലാ​ത്ത കൂ​ട്ട​ക്കൊ​ല​ക്ക് ഒ​രു​ങ്ങു​ക​യാ​ണെ​ന്ന് ആ​ശ​ങ്ക ഉ​യ​ർ​ന്നു. ആ​ശു​പ​ത്രി​ക​ളി​ൽ​നി​ന്ന് ഒ​രു അ​ന​ക്ക​മു​ണ്ടാ​യാ​ൽ വ​ള​ഞ്ഞി​രി​ക്കു​ന്ന ഇ​സ്രാ​യേ​ൽ സൈ​ന്യ​ത്തി​ന്റെ സ്നൈ​പ്പ​ർ സ്ക്വാ​ഡി​ന്റെ വെ​ടി​യു​ണ്ട​ക​ൾ ചീ​റി​യെ​ത്തും.

ആ​ശു​പ​ത്രി​യി​ൽ​നി​ന്ന് പു​റ​ത്തേ​ക്ക് ര​ക്ഷ​പ്പെ​ടാ​നോ പു​റ​ത്തു​നി​ന്ന് ആ​ശു​പ​ത്രി​യി​ലേ​ക്ക് വ​രാ​നോ ക​ഴി​യി​ല്ല. ‘‘പ്ര​വ​ർ​ത്തി​പ്പി​ക്കാ​നു​ള്ള ഇ​ന്ധ​ന​മി​ല്ലാ​ത്ത​തി​നാ​ൽ പ്ര​ധാ​ന ഫ്രീ​സ​റി​ൽ​നി​ന്ന് മൃ​ത​ദേ​ഹ​ങ്ങ​ൾ പു​റ​ത്തെ​ടു​ത്തി​രു​ന്നു. ഇ​വ കാ​ര​ണം മ​റ്റ് പ​ക​ർ​ച്ച​വ്യാ​ധി​ക​ൾ ഉ​ണ്ടാ​വാ​തി​രി​ക്കാ​ൻ ഉ​ട​ൻ ഖ​ബ​റ​ട​ക്കാ​നാ​യി​രു​ന്നു തീ​രു​മാ​നി​ച്ചി​രു​ന്ന​ത്.

എ​ന്നാ​ൽ ഇ​സ്രാ​യേ​ൽ ഇ​ട​ത​ട​വി​ല്ലാ​തെ ബോം​ബി​ങ് ന​ട​ത്തു​ന്ന​തി​നാ​ൽ അ​ത് സാ​ധി​ക്കു​ന്നി​ല്ല’’ -അ​ൽ​ശി​ഫ ആ​​ശു​പ​ത്രി സ​ർ​ജ​ൻ മ​ർ​വാ​ൻ അ​ബൂ​സാ​ദ ബി.​ബി.​സി​ക്ക് അ​യ​ച്ച വോ​യ്സ് നോ​ട്ടി​ൽ പ​റ​ഞ്ഞു. ആ​ശു​പ​ത്രി​യി​ൽ​നി​ന്ന് റോ​ഡി​ലേ​ക്ക് ഇ​റ​ങ്ങി​യ​വ​ർ​ക്കു നേ​രെ ഇ​സ്രാ​യേ​ൽ വെ​ടി​യു​തി​ർ​ത്തു​വെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. ‘‘ആ​ശു​പ​ത്രി​യി​ൽ​നി​ന്ന് ര​ക്ഷ​പ്പെ​ടാ​ൻ ശ്ര​മി​ച്ച​വ​രെ തെ​രു​വി​ൽ വെ​ച്ച് ഇ​സ്രാ​യേ​ൽ സേ​ന വെ​ടി​വെ​ച്ചു വീ​ഴ്ത്തി’’ -മ​ർ​വാ​ൻ വി​ശ​ദീ​ക​രി​ച്ചു.

‘നാം ​ജീ​വി​ക്കു​ന്ന​ത് എ​ന്തൊ​രു ലോ​ക​ത്താ​ണ്’

ഗ​സ്സ​യി​ൽ മാ​നു​ഷി​ക ദു​ര​ന്തം മ​റ​നീ​ക്കു​ക​യാ​ണെ​ന്നും അ​വി​ട​ത്തെ സാ​ഹ​ച​ര്യം വി​ശ​ദീ​ക​രി​ക്കാ​നാ​വു​ന്നി​ല്ലെ​ന്നും ഡോ​ക്ടേ​ഴ്സ് വി​ത്തൗ​ട്ട് ബോ​ർ​ഡേ​ഴ്സ് അം​ഗം താ​ന്യ ഹാ​ജ് ഹ​സ്സ​ൻ. മാ​നു​ഷി​ക ദു​ര​ന്തം ഉ​ണ്ടാ​വു​മെ​ന്ന് മു​ന്ന​റി​യി​പ്പ് ന​ൽ​കാ​ൻ തു​ട​ങ്ങി​യി​ട്ട് ആ​ഴ്ച​ക​ളാ​യി. ദി​വ​സം ചെ​ല്ലു​​​ന്തോ​റും ഞ​ങ്ങ​ളു​ടെ ശ​ബ്ദം ദു​ർ​ബ​ല​മാ​കു​ന്നു. നാം ​ജീ​വി​ക്കു​ന്ന​ത് എ​ന്തൊ​രു ലോ​ക​ത്താ​ണ്’’-​താ​ന്യ കൂ​ട്ടി​ച്ചേ​ർ​ത്തു.

അ​ൽ​ശി​ഫ ആ​ശു​പ​ത്രി​യി​ലെ അ​വ​സ്ഥ ഇ​തു പോ​ലെ തു​ട​രാ​ൻ അ​നു​വ​ദി​ക്കാ​വു​ന്ന​ത​ല്ലെ​ന്ന് അ​ന്താ​രാ​ഷ്ട്ര റെ​ഡ്ക്രോ​സ് ക​മ്മി​റ്റി പ​ശ്ചി​മേ​ഷ്യ ത​ല​വ​ൻ ഫാ​ബ്രി​സി​യോ കാ​ർ​ബോ​ണി മു​ന്ന​റി​യി​പ്പ് ന​ൽ​കി. ‘‘പ​രി​ക്കേ​റ്റ​വ​രും കി​ട​പ്പാ​ടം ന​ഷ്ട​പ്പെ​ട്ട​വ​രും ആ​രോ​ഗ്യ​പ്ര​വ​ർ​ത്ത​ക​രു​മ​ട​ങ്ങു​ന്ന ആ​യി​ര​ങ്ങ​ളു​ടെ ജീ​വ​ൻ ഏ​തു സ​മ​യ​വും എ​ടു​ക്ക​പ്പെ​ടാം. ഇ​വ​രു​​ടെ ജീ​വ​ൻ യു​ദ്ധ​കാ​ല നി​യ​മ​ങ്ങ​ൾ പ്ര​കാ​രം സം​ര​ക്ഷി​ക്ക​പ്പെ​ട​ണം.’’ -അ​ദ്ദേ​ഹം എ​ക്സി​ൽ കു​റി​ച്ചു.

കു​ടും​ബ​ത്തെ ര​ക്ഷി​ക്ക​ണ​​മെ​ന്ന് അ​ഭ്യ​ർ​ഥി​ച്ച് ജേ​ണ​ലി​സ്റ്റ്

അ​ൽ​ശി​ഫ ആ​​ശു​പ​ത്രി പ​രി​സ​ര​ത്തെ വീ​ട്ടി​ൽ അ​ക​പ്പെ​ട്ട ത​ന്റെ കു​ടും​ബ​ത്തെ ര​ക്ഷി​ക്ക​ണ​​മെ​ന്ന് അ​ഭ്യ​ർ​ഥി​ച്ച് ഫ​ല​സ്തീ​നി ജേ​ണ​ലി​സ്റ്റ് യാ​ര ഈ​ദ് എ​ക്സ് അ​ക്കൗ​ണ്ടി​ൽ പോ​സ്റ്റ് ചെ​യ്ത കു​റി​പ്പ് വേ​ദ​നി​ക്കു​ന്ന അ​ഭ്യ​ർ​ഥ​ന​യാ​യി. ത​ന്റെ 13 അം​ഗ കു​ടും​ബ​ത്തെ ര​ക്ഷി​ക്കാ​ൻ അ​ന്താ​രാ​ഷ്ട്ര സ​മൂ​ഹ​വും സം​ഘ​ട​ന​ക​ളും മു​ൻ​കൈ​യെ​ടു​ക്ക​ണം. വീ​ട് ടാ​ങ്കു​ക​ളാ​ൽ ചു​റ്റ​പ്പെ​ട്ടി​രി​ക്കു​ക​യാ​ണെ​ന്നും ര​ക്ഷി​ക്ക​ണ​മെ​ന്നും അ​വ​ർ അ​ഭ്യ​ർ​ഥി​ച്ചു.

വൈ​റ്റ് ഫോ​സ്ഫ​റ​സ് ഷെ​ല്ലി​ങ്

അ​ൽ​ശി​ഫ ആ​ശു​പ​ത്രി​യി​ൽ വൈ​റ്റ് ഫോ​സ്ഫ​റ​സ് ഉ​പ​യോ​ഗി​ച്ച് ഷെ​ല്ലി​ങ് ന​ട​ത്തു​ന്ന​താ​യി ഫ​ല​സ്തീ​ൻ ആ​രോ​ഗ്യ​മ​ന്ത്രി മാ​യ് അ​ൽ​ഖൈ​ല. ‘‘അ​ന്താ​രാ​ഷ്ട്ര ത​ല​ത്തി​ൽ നി​രോ​ധി​ക്ക​പ്പെ​ട്ട ആ​യു​ധ​മാ​ണി​ത്. വൈ​റ്റ് ഫോ​സ്ഫ​റ​സ് ഉ​പ​യോ​ഗി​ച്ച് അ​ൽ​ശി​ഫ ഹോ​സ്പി​റ്റ​ലി​ൽ ഷെ​ല്ലി​ങ് ന​ട​ത്തു​ന്ന ഇ​സ്രാ​യേ​ലി​ന്റെ പ്ര​വൃ​ത്തി​ക്ക് ആ​രാ​ണ് ഉ​ത്ത​ര​വാ​ദി​ത്തം ഏ​റ്റെ​ടു​ക്കു​ക​യെ​ന്ന​തി​ൽ എ​നി​ക്ക് അ​ത്ഭു​ത​മു​ണ്ട്’’ -അ​ദ്ദേ​ഹം ചൂ​ണ്ടി​ക്കാ​ട്ടി.

ഗ​സ്സ​യി​ലെ ആ​ശു​പ​ത്രി​ക​ൾ​ക്കു നേ​രെ ഇ​സ്രാ​​യേ​ൽ ന​ട​ത്തു​ന്ന യു​ദ്ധ​ക്കു​റ്റം അ​വ​സാ​നി​പ്പി​ക്കാ​ൻ അ​ന്താ​രാ​ഷ്ട്ര സ​മൂ​ഹം ഇ​ട​പെ​ട​ണ​മെ​ന്ന് ഖാ​ൻ യൂ​നു​സി​ലെ അ​ൽ നാ​സ​ർ ഹോ​സ്പി​റ്റ​ലി​നു പു​റ​ത്ത് ന​ട​ത്തി​യ വാ​ർ​ത്താ​സ​മ്മേ​ള​ന​ത്തി​ൽ ആ​ശു​പ​ത്രി മേ​ധാ​വി​ക​ൾ ആ​വ​ശ്യ​പ്പെ​ട്ടു.

‘‘ആ​രെ​ങ്കി​ലും ഉ​ണ​ർ​ന്നി​രി​ക്കു​ന്നു​ണ്ടെ​ങ്കി​ൽ ഞ​ങ്ങ​ൾ അ​ഭ്യ​ർ​ഥി​ക്കു​ക​യാ​ണ്, എ​ന്തെ​ങ്കി​ലും ചെ​യ്യൂ. ആ​ശു​പ​ത്രി​ക​ൾ​ക്കു നേ​ര​യു​ള്ള ഈ ​യു​ദ്ധ​ക്കു​റ്റ​ത്തി​നെ​തി​രെ സ​മ്മ​ർ​ദം ചെ​ലു​ത്താ​ൻ ക​ഴി​യാ​ത്ത രാ​ഷ്ട്രീ​യ​ക്കാ​ര​ന്റെ കൈ​ക​ളി​ൽ ര​ക്തം പു​ര​ണ്ടി​രി​ക്കു​ന്നു’’ -അ​വ​ർ പ​റ​ഞ്ഞു.

ജ​ന​ങ്ങ​ളെ ഗ​സ്സ​യി​ൽ​നി​ന്ന് പു​റ​ത്തേ​ക്ക് പോ​കാ​ൻ സ​മ്മ​ർ​ദം ചെ​ലു​ത്തു​ന്ന​തി​നാ​യി മ​നഃ​പൂ​ർ​വ​മാ​ണ് ആ​ശു​പ​ത്രി​ക​ൾ ല​ക്ഷ്യ​മി​ടു​ന്ന​തെ​ന്ന് ഫ​ല​സ്തീ​ൻ റെ​ഡ് ക്രെ​സ​ന്റ് പ​റ​ഞ്ഞു.

അ​ൽ​ശി​ഫ ആ​ശു​പ​ത്രി

ഗ​സ്സ മു​ന​മ്പി​ലെ ഏ​റ്റ​വും വ​ലി​യ ആ​ശു​പ​ത്രി​യാ​യ അ​ൽ​ശി​ഫ​യി​ൽ സ​ർ​ജി​ക്ക​ൽ, ഇ​ന്റേ​ണ​ൽ മെ​ഡി​സി​ൻ, ഒ​ബ്സ്റ്റ​ട്രി​ക്സ്, ഗൈ​ന​​ക്കോ​ള​ജി തു​ട​ങ്ങി​യ സ്​​പെ​ഷാ​ലി​റ്റി​ക​ളാ​ണു​ള്ള​ത്. റി​മ​ൽ മേ​ഖ​ല​യി​ൽ തു​റ​മു​ഖ​ത്തോ​ടു ചേ​ർ​ന്നു​ള്ള ആ​ശു​പ​ത്രി 1946ലാ​ണ് സ്ഥാ​പി​ച്ച​ത്. അ​ടി​യ​ന്ത​ര ചി​കി​ത്സ ആ​വ​ശ്യ​മു​ള്ള​വ​ർ​ക്ക് ഏ​ക ആ​ശ്ര​യ​മാ​ണി​ത്.

ഒ​പ്പം ബോം​ബി​ങ്ങി​ൽ വീ​ടു ന​ഷ്ട​മാ​യ അ​നേ​ക​ർ ആ​ശു​പ​ത്രി വ​ള​പ്പി​ൽ അ​ഭ​യം തേ​ടി​യി​ട്ടു​മു​ണ്ട്. ഹ​മാ​സി​ന്റെ ക​മാ​ൻ​ഡ് സെ​ന്റ​ർ ഇ​വി​ടെ പ്ര​വ​ർ​ത്തി​ക്കു​ന്നു​വെ​ന്ന് ആ​രോ​പി​ച്ചാ​ണ് ഇ​സ്രാ​യേ​ൽ സേ​ന ആ​​ശു​പ​ത്രി ആ​ക്ര​മി​ക്കു​ന്ന​ത്. എ​ന്നാ​ൽ ആ​​ശു​പ​ത്രി അ​ധി​കൃ​ത​ർ ആ​രോ​പ​ണം നി​ഷേ​ധി​ക്കു​ന്നു.