രണ്ടാമൂഴത്തിനില്ലെന്ന് ഹോങ്കോങ് വനിത നേതാവ് കാരി ലാം

ഹോ​ങ്കോ​ങ് സി​റ്റി: പ്ര​ക്ഷോ​ഭ​ങ്ങ​ൾ നി​റ​ഞ്ഞ ഭ​ര​ണ​കാ​ല​ത്തി​ന് വി​രാ​മ​മി​ട്ട് ഹോ​ങ്കോ​ങ് ചീ​ഫ് എ​ക്സി​ക്യൂ​ട്ടി​വ് കാ​രി ലാം ​ര​ണ്ടാ​മൂ​ഴ​ത്തി​നി​​ല്ലെ​ന്ന് വ്യ​ക്ത​മാ​ക്കി.

അ​ഞ്ചു​വ​ർ​ഷം കാ​ലാ​വ​ധി പൂ​ർ​ത്തി​യാ​വു​ന്ന ജൂ​ണി​ൽ സ്ഥാ​ന​മൊ​ഴി​യു​മെ​ന്നും ഇ​നി കു​ടും​ബ​ത്തി​നാ​ണ് മു​ൻ​ഗ​ണ​ന​യെ​ന്നും 64കാ​രി​യാ​യ ലാം ​പ​റ​ഞ്ഞു. മാ​സ​ങ്ങ​ൾ നീ​ണ്ട ഊ​ഹാ​പോ​ഹ​ങ്ങ​ൾ​ക്കാ​ണ് ഇ​തോ​ടെ അ​വ​സാ​ന​മാ​യ​ത്. ചീ​ഫ് എ​ക്‌​സി​ക്യൂ​ട്ടി​വെ​ന്ന നി​ല​യി​ൽ ഏ​റെ പ്ര​ക്ഷു​ബ്ധ​മാ​യി​രു​ന്നു ലാ​മി​ന്റെ ഭ​ര​ണ​കാ​ലം. വ​ൻ ജ​നാ​ധി​പ​ത്യ പ്ര​തി​ഷേ​ധ​ങ്ങ​ൾ​ക്ക് സാ​ക്ഷി​യാ​യ ഹോ​ങ്കോ​ങ്ങി​ൽ ക​ർ​ശ​ന കോ​വി​ഡ് നി​യ​ന്ത്ര​ണ​ങ്ങ​ളും പ്ര​തി​സ​ന്ധി കൂ​ട്ടി. ഉ​ദ്യോ​ഗ​സ്ഥ​യാ​യി​രു​ന്ന ലാം 2017​ലാ​ണ് ആ​ദ്യ വ​നി​ത നേ​താ​വാ​യി തെ​ര​ഞ്ഞെ​ടു​ക്ക​പ്പെ​ട്ട​ത്.

തി​ങ്ക​ളാ​ഴ്ച ബെ​യ്ജി​ങ് ത​ന്റെ തീ​രു​മാ​നം അം​ഗീ​ക​രി​ച്ച​താ​യി അ​വ​ർ മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞു. ഒ​രു വ​ർ​ഷം മു​മ്പ് ത​ന്നെ ര​ണ്ടാ​മൂ​ഴ​ത്തി​നി​ല്ലെ​ന്ന് ചൈ​ന​യെ അ​റി​യി​ച്ചി​രു​ന്നു​വെ​ന്നും അ​വ​ർ വെ​ളി​പ്പെ​ടു​ത്തി. ന​ഗ​ര​ത്തി​ലെ 7.4 ദ​ശ​ല​ക്ഷം ജ​ന​സം​ഖ്യ​യു​ടെ 0.02 ശ​ത​മാ​ന​ത്തി​ന് തു​ല്യ​മാ​യ 1500 അം​ഗ ചൈ​ന അ​നു​കൂ​ല സ​മി​തി​യാ​ണ് നേ​താ​വി​നെ തെ​ര​ഞ്ഞെ​ടു​ക്കു​ന്ന​ത്. സ​മി​തി മേ​യി​ൽ പു​തി​യ ചീ​ഫ് എ​ക്‌​സി​ക്യൂ​ട്ടി​വി​നെ തെ​ര​ഞ്ഞെ​ടു​ക്കും. ഹോ​ങ്കോ​ങ് ചീ​ഫ് സെ​ക്ര​ട്ട​റി ജോ​ൺ ലീ ​പു​തി​യ ചീ​ഫ് എ​ക്സി​ക്യൂ​ട്ടി​വാ​കു​മെ​ന്നാ​ണ് സൂ​ച​ന. ഫി​നാ​ൻ​സ് മേ​ധാ​വി പോ​ൾ ചാ​ൻ ആ​ണ് സാ​ധ്യ​ത​യു​ള്ള മ​റ്റൊ​രാ​ൾ.