ഹോളോകോസ്റ്റ് അതിജീവിത ഹന്ന ഗോസ്‍ലർ അന്തരിച്ചു

ഹേഗ്: രണ്ടാം ലോകയുദ്ധകാലത്ത് നാസി തടവറയിൽ കഴിഞ്ഞ ഹോളോകോസ്റ്റ് അതിജീവിത ഹന്ന ഗോസ്‍ലർ (93) അന്തരിച്ചു. ഹിറ്റ്ലറുടെ ഭരണകാലത്ത് ജൂതവംശജർ അനുഭവിക്കേണ്ടിവന്ന കഷ്ടതകൾ വിവരിക്കുന്ന ഡയറിക്കുറിപ്പുകളെഴുതി ലോക പ്രശസ്തയായ ആൻ ഫ്രാങ്കിന്റെ അടുത്ത സുഹൃത്തായിരുന്നു.

ബെർഗൻ -ബെൽസൻ നാസി തടവറയിൽ ഇരുവരും ഒരുമിച്ചുണ്ടായിരുന്നു. കോണ്‍സെൻട്രേഷന്‍ ക്യാമ്പിലെ പീഡനത്തില്‍നിന്ന് ഗോസ്‍ലറും സഹോദരി ഗാബിയും മാത്രമാണ് അവരുടെ കുടുംബത്തില്‍ അതിജീവിച്ചത്.ഗോസ്‌ലര്‍ പിന്നീട് ജറൂസലമിലേക്ക് കുടിയേറി. വാൾട്ടർ പിക്, ഹന്ന ഗോസ്‍ലർ ദമ്പതികൾക്ക് മൂന്നു മക്കളും 11 പേരക്കുട്ടികളുമുണ്ട്.