പൊരുതിവിയർത്ത് ഗസ്സയിലെ ആരോഗ്യജീവനക്കാർ

ആ​ശു​പ​ത്രി​യി​ലെ ഡോ​ക്ട​ർ​മാ​ർ നി​ല​ത്തും ഹാ​ളു​ക​ളി​ലും വ​രെ ശ​സ്ത്ര​ക്രി​യ ന​ട​ത്തി -പ​ല​തും അ​ന​സ്തേ​ഷ്യ ഇ​ല്ലാ​തെ!

ഗ​സ്സ: യു​ദ്ധ​​ത്തി​ന്റെ പേ​രി​ൽ ആ​ശു​പ​ത്രി​യി​ൽ അ​ഭ​യം​പ്രാ​പി​ച്ച സാ​ധാ​ര​ണ​ക്കാ​രെ കൊ​ന്നൊ​ടു​ക്കി​യ ആ​ക്ര​മ​ണ​ത്തി​ൽ ഗു​രു​ത​ ര​മാ​യി പ​രി​ക്കേ​റ്റ​വ​രെ ര​ക്ഷി​ക്കാ​നു​ള്ള തീ​വ്ര​ശ്ര​മ​ത്തി​ലാ​ണ് ഗ​സ്സ സി​റ്റി​യി​ലെ ഡോ​ക്ട​ർ​മാ​ർ. അ​നു​നി​മി​ഷം സൗ​ക​ര്യ​ങ്ങ​ൾ കു​റ​ഞ്ഞു​വ​രു​ന്ന ആ​ശു​പ​ത്രി​ക​ളി​ൽ ചി​ല​പ്പോ​ൾ അ​ന​സ്തേ​ഷ്യ പോ​ലു​മി​ല്ലാ​തെ​യാ​ണ് ശ​സ്ത്ര​ക്രി​യ.

യു.​എ​സ് പ്ര​സി​ഡ​ന്റ് ജോ ​ബൈ​ഡ​ന്റെ ഇ​സ്രാ​യേ​ൽ സ​ന്ദ​ർ​ശ​നം യു​ദ്ധ​വ്യാ​പ​നം ത​ട​യു​മെ​ന്ന പ്ര​തീ​ക്ഷ​യി​ലാ​യി​രു​ന്നു പ​ശ്ചി​മേ​ഷ്യ​യെ​ങ്കി​ലും ആ​ശു​പ​ത്രി കൂ​ട്ട​ക്കൊ​ല​യോ​ടെ മേ​ഖ​ല​യി​ലാ​കെ രോ​ഷ​ത്തി​ന്റെ​യും നി​രാ​ശ​യു​ടെ​യും കാ​ർ​മേ​ഘം പ​ട​ർ​ന്നു. ബൈ​ഡ​ൻ ‘എ​യ​ർ​ഫോ​ഴ്‌​സ് വ​ണ്ണി’​ന്റെ പ​ട​വു​ക​ൾ ഇ​റ​ങ്ങി​യ​പ്പോ​ൾ ഇ​സ്രാ​യേ​ൽ പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു ആ​ചാ​ര​പ​ര​മാ​യി അ​ദ്ദേ​ഹ​ത്തെ ആ​ലിം​ഗ​നം​ ചെ​യ്തു.

അ​പ്പോ​ഴും ഗ​സ്സ​യി​ലെ ആ​ക്ര​മ​ണം തു​ട​ർ​ന്നു. ഇ​സ്രാ​യേ​ൽ- ഹ​മാ​സ് യു​ദ്ധം മേ​ഖ​ല​യെ ആ​കെ പ്ര​തി​സ​ന്ധി​യി​ലേ​ക്ക് ത​ള്ളി​വി​ടു​ക​യാ​ണെ​ന്ന് ജോ​ർ​ഡ​ൻ വി​ദേ​ശ​കാ​ര്യ മ​ന്ത്രി അ​യ്മ​ൻ സ​ഫാ​ദി പ​റ​ഞ്ഞു. വ​ലി​യ സ്‌​ഫോ​ട​നം കേ​ട്ട​താ​യും തൊ​ട്ടു​പി​ന്നാ​ലെ ത​ന്റെ ഓ​പ​റേ​ഷ​ൻ റൂ​മി​ന്റെ സീ​ലി​ങ് ത​ക​ർ​ന്ന​താ​യും അ​ൽ അ​ഹ്‌​ലി​യി​ൽ ജോ​ലി​ചെ​യ്യു​ന്ന പ്ലാ​സ്റ്റി​ക് സ​ർ​ജ​ൻ ഗ​സ്സ​ൻ അ​ബു സി​ത്ത പ​റ​ഞ്ഞു. ഇ​സ്രാ​യേ​ൽ വ്യോ​മാ​ക്ര​മ​ണ​ത്തി​ൽ​നി​ന്ന് അ​ഭ​യം തേ​ടി​യ​വ​രെ​ക്കൊ​ണ്ട് ആ​ശു​പ​ത്രി നി​റ​ഞ്ഞി​രു​ന്നു.

അ​പ്പോ​ഴാ​യി​രു​ന്നു സ്ഫോ​ട​നം. മ​രി​ച്ച​വ​രും ഗു​രു​ത​ര​മാ​യി പ​രി​ക്കേ​റ്റ​വ​രു​മാ​യ നൂ​റു​ക​ണ​ക്കി​ന് ആ​ളു​ക​ളെ ഒ​രു​മി​ച്ച് ക​ണ്ട​താ​യി അ​ദ്ദേ​ഹം സ​മൂ​ഹ​മാ​ധ്യ​മ​ത്തി​ൽ എ​ഴു​തി. ആ​ശു​പ​ത്രി കെ​ട്ടി​ട​ത്തെ തീ​വി​ഴു​ങ്ങു​ന്ന വി​ഡി​യോ പു​റ​ത്തു​വ​ന്നി​ട്ടു​ണ്ട്. ഇ​തി​ൽ ചി​ന്നി​ച്ചി​ത​റി​യ മൃ​ത​ദേ​ഹ​ങ്ങ​ൾ നി​റ​ഞ്ഞ ആ​ശു​പ​ത്രി പ​രി​സ​ര​ത്തി​ന്റെ ഭീ​ക​ര​ദൃ​ശ്യം കാ​ണാം. അ​തി​ൽ പ​ല​രും പി​ഞ്ചു​കു​ഞ്ഞു​ങ്ങ​ളാ​ണ്. പ​രി​സ​ര​മാ​കെ ക​ത്തി​ന​ശി​ച്ച കാ​റു​ക​ളാ​ണ്. അ​വ​ശി​ഷ്ട​ങ്ങ​ൾ കൊ​ണ്ട് നി​ലം ക​റു​ത്തി​രു​ണ്ടു.

അ​ൽ-​അ​ഹ്‌​ലി ആ​ക്ര​മ​ണ​ത്തെ തു​ട​ർ​ന്ന് പ​രി​ക്കേ​റ്റ​വ​രു​മാ​യി ആം​ബു​ല​ൻ​സു​ക​ളും കാ​റു​ക​ളും ഗ​സ്സ​യി​ലെ പ്ര​ധാ​ന ആ​ശു​പ​ത്രി​യാ​യ അ​ൽ ഷി​ഫ​യി​ലേ​ക്ക് പാ​ഞ്ഞു. മ​റ്റ് ആ​ക്ര​മ​ണ​ങ്ങ​ളി​ൽ പ​രി​ക്കു​പ​റ്റി​യ​വ​രെ​ക്കൊ​ണ്ട് വീ​ർ​പ്പു​മു​ട്ടി​യ അ​വ​സ്ഥ​യി​ലാ​യി​രു​ന്നു അ​ൽ ഷി​ഫ. മാ​ര​ക​മാ​യ പ​രി​ക്കു​ക​ളോ​ടെ​യാ​ണ് പ​ല​രും എ​ത്തി​യ​തെ​ന്ന് ഗ​സ്സ ആ​രോ​ഗ്യ​മ​ന്ത്രാ​ല​യ വ​ക്താ​വ് അ​ഷ്‌​റ​ഫ് അ​ൽ ഖി​ദ്‍ര പ​റ​ഞ്ഞു. ആ​ശു​പ​ത്രി​യി​ലെ ഡോ​ക്ട​ർ​മാ​ർ നി​ല​ത്തും ഹാ​ളു​ക​ളി​ലും വ​രെ ശ​സ്ത്ര​ക്രി​യ ന​ട​ത്തി -പ​ല​തും അ​ന​സ്തേ​ഷ്യ ഇ​ല്ലാ​തെ.

‘ഞ​ങ്ങ​ൾ​ക്ക് ആ​ശു​പ​ത്രി ഉ​പ​ക​ര​ണ​ങ്ങ​ൾ വേ​ണം, മ​രു​ന്ന് വേ​ണം, കി​ട​ക്ക​ക​ൾ വേ​ണം, അ​ന​സ്തേ​ഷ്യ വേ​ണം, എ​ല്ലാം വേ​ണം’- അ​ൽ-​ഷി​ഫ ഡ​യ​റ​ക്ട​ർ മു​ഹ​മ്മ​ദ് അ​ബു സെ​ൽ​മി​യ പ​റ​ഞ്ഞു. ആ​ശു​പ​ത്രി​യി​ലെ ജ​ന​റേ​റ്റ​റു​ക​ൾ​ക്കു​ള്ള ഇ​ന്ധ​നം മ​ണി​ക്കൂ​റു​ക​ൾ​ക്കു​ള്ളി​ൽ തീ​രു​മെ​ന്നും അ​ദ്ദേ​ഹം മു​ന്ന​റി​യി​പ്പ് ന​ൽ​കി.