ഹോ​​ങ്കോങ്ങിൽ ജനാധിപത്യ വാദിയായ ഗായകൻ അഴിമതിക്കേസിൽ അറസ്​റ്റിൽ

ഹോ​ങ്കോങ്​: ഹോ​ങ്കോങ്ങി​ൽ​ ജനാധിപത്യപോരാട്ടങ്ങളെ പിന്തുണക്കുന്ന പ്രശസ്​ത ഗായകനും മനുഷ്യാവകാശ പ്രവർത്തകനുമായ ആൻറണി വോങ്ങിനെതിരെ അഴിമതിക്കുറ്റം ചുമത്തി. 2018ലെ തെരഞ്ഞെടുപ്പ്​ റാലിയിൽ അഴിമതി നടത്തിയെന്നാണ്​ ഹോ​ങ്കോങ് അഴിമതിവിരുദ്ധ വാച്ച​്​ഡോഗി​െൻറ ക​ണ്ടെത്തൽ.

പ്രചാരണ റാലിക്കിടെ വോങ്​ രണ്ട്​ പാട്ടുകൾ പാടി. അവസാനം തെരഞ്ഞെടുപ്പിൽ മത്സരിക്കുന്ന സ്​ഥാനാർഥിക്ക്​ വോട്ട്​ ചെയ്യണമെന്ന്​ ജനങ്ങളോട്​ അഭ്യർഥിക്കുകയും ചെയ്​തു. ഇത്​ തെരഞ്ഞെടുപ്പ്​ ചട്ടത്തിന്​ വിരുദ്ധമാണെന്ന്​ സമിതി വിലയിരുത്തി. കുറ്റക്കാരനെന്ന്​ തെളിഞ്ഞാൽ ഏഴു വർഷം വരെ തടവും 64000 ഡോളർ പിഴയും ചുമത്തും.