Top
Begin typing your search above and press return to search.
exit_to_app
exit_to_app
ഭാര്യ ​െകാ​ക്കയിൽ പതിച്ചെന്ന്​ അടിയന്തര സന്ദേശം; ഹെലികോപ്​റ്ററുകളുമായി തെര​ച്ചിലോ​ടു ​തെരച്ചിൽ- പി​ന്നെ സംഭവിച്ചത്​...
cancel
Homechevron_rightNewschevron_rightWorldchevron_rightഭാര്യ ​െകാ​ക്കയിൽ...

ഭാര്യ ​െകാ​ക്കയിൽ പതിച്ചെന്ന്​ അടിയന്തര സന്ദേശം; ഹെലികോപ്​റ്ററുകളുമായി തെര​ച്ചിലോ​ടു ​തെരച്ചിൽ- പി​ന്നെ സംഭവിച്ചത്​...

text_fields
bookmark_border

വാഷിങ്​ടണിൽ: ഭാര്യ കൊക്കയിൽ വീണുപോയെന്നും അടിയന്തരമായി രക്ഷിക്കണമെന്നും ആവശ്യപ്പെട്ട്​ ലഭിച്ച സന്ദേശം പൊലീസിനുണ്ടാക്കിയ പൊല്ലാപ്പ്​ ചെറുതൊന്നുമായിരുന്നില്ല. നൂറുകണക്കിന്​ മീറ്റർ താഴ്ചയുള്ള കൊക്കയിലേക്കാണ്​ 44 കാരി ജൂലി വീലർ ജീവനോടെ പതിച്ചിരിക്കുന്നത്​. രക്ഷപ്പെടാൻ സാധ്യത തീരെ കുറവ്​. രക്ഷപ്പെടുത്തുക എളുപ്പമല്ലെന്നുവെച്ച്​ വെറുതെ വിടാൻ പക്ഷേ, ആകില്ലല്ലോ.

പൊലീസുകാർക്കു പുറമെ നൂറുകണക്കിന്​ സന്നദ്ധ പ്രവർത്തകരും അടിയന്തര രക്ഷാ ദൗത്യസേനയും ചേർന്ന്​ മൂന്നു ദിവസം മലയിടുക്കുകളിലും താഴെയും നടത്തിയത്​ വ്യാപക തെരച്ചിൽ. ഹെലികോപ്​റ്ററുകളും വിദഗ്​ധ പരിശീലനം സിദ്ധിച്ച നായ്​ക്കളും അവർക്ക്​ കൂട്ടായി. എന്നിട്ടും പൊടി പോലും കിട്ടിയില്ല.

തിരഞ്ഞുമടുത്ത്​ അടുത്ത ഘട്ടത്തിലേക്ക്​ അന്വേഷക സംഘം കടന്നതോടെയാണ്​ കഥയിലെ യഥാർഥ 'ട്വിസ്റ്റ്​'. മൂന്നു ദിവസം കഴിഞ്ഞ്​ ഇരുവരുടെയും വീട്ടിലെത്തി പരിശോധിച്ചപ്പോൾ രഹസ്യകേന്ദ്രത്തിൽ ഒളിച്ചിരിപ്പാണ്​ കക്ഷി. ആരോഗ്യ സുരക്ഷ പദ്ധതി തട്ടിപ്പുമായി ബന്ധപ്പെട്ട്​ പൊലീസ്​ കേസ്​ നേരിടുന്നതിനാൽ തടവുശിക്ഷ ലഭിക്കുമെന്ന ഭീതിയിൽ അറ്റകൈ എന്ന നിലക്കായിരുന്നു കൊക്കയിൽ വീഴൽ നാടകം.

ആദ്യം ഭാര്യയും പിന്നീട്​ ഭർത്താവും ചേർന്ന്​ പതിയെ ഒളിവിൽ പോകാനായിരുന്നു പദ്ധതി. പാതി വിജയിച്ചെന്നു തോന്നിച്ചേടത്ത്​ രണ്ടുപേരും വീണ്ടും അകത്തായി. ഇത്തവണ പക്ഷേ, കേസ്​ ഇരട്ടിയുമായി. അമേരിക്കയിലെ വെസ്റ്റ്​ വിർജീനിയയിൽ ഏറെ മുമ്പാണ്​ നാടിനെ ആദ്യം നടുക്കുകയും പിന്നീട്​ ​ചിരിപ്പിക്കുകയും​ ചെയ്​ത സംഭവം.

കേസിൽ വാദം കേട്ട കോടതി ഭർത്താവ് റോഡ്​നി വീലർക്ക്​ ശിക്ഷ വിധിച്ചത്​ രണ്ടു മാസം. ഭാര്യക്ക്​ പഴയ കേസിൽ നേരത്തെ തന്നെ 54 മാസത്തെ ശിക്ഷ വിധിച്ചിരുന്നു. രക്ഷാ ദൗത്യത്തിന്​ ചെലവായ തുകയും ഇതോടൊപ്പം അടക്കേണ്ടിവരും.

ജെ.ആർ.ഡബ്ല്യു ഹോം ഹെൽത്ത്​ സപ്പോർട്ട്​ സർവീസസ്​ എന്ന സ്​ഥാപനം നടത്തിവരികയായിരുന്നു ജൂലി വീലർ. മുതിർന്നവർക്ക്​ സേവനത്തിനായി സർക്കാർ ജൂലി വീലറുടെ ഈ കമ്പനിക്ക്​ കരാർ നൽകിയിരുന്നു. ഇതിന്‍റെ മറവിൽ വൻതുക സർക്കാറിനെ വെട്ടിച്ചെന്നാണ്​ പരാതി. അഞ്ചു ലക്ഷത്തോളം ഡോളർ ഇവർ തട്ടിയെന്നാണ്​ കണ്ടെത്തിയത്​്​. 2019ലാണ്​ ഇവർ കുറ്റക്കാരിയായി കോടതി വിധിച്ചത്​. അടുത്ത ജൂണിൽ ഇവരുടെ തടവു ശിക്ഷ കോടതി സ്​ഥിരീകരിക്കാനിരിക്കെയാണ്​ തട്ടിപ്പ്​ നടത്തി രക്ഷപ്പെടാൻ ശ്രമം നടത്തിയത്​. ഭാര്യക്കും മകനുമൊപ്പം മല കയറുന്നതിനിടെയാണ്​ അപകടമെന്നായിരുന്നു ഇയാൾ പൊലീസിൽ നൽകിയ മൊഴി. 1400 അടി ഉയരമുള്ള പാറക്കെട്ടാണിത്​. മുകളിൽ ഹെലികോപ്​റ്ററുകൾ വട്ടമിട്ടുപറന്നപ്പോൾ കയറുകെട്ടി കുത്തനെ ഇറങ്ങി രക്ഷാസേനയും നായ്​ക്കളും പരിശോധന ഊർജിതമാക്കി. അപകടത്തിന്​ പിറ്റേന്ന്​ കാണാതായ വിവരം റോഡ്​നി ഫേസ്​ബുക്കിൽ പങ്കുവെക്കുകയും പ്രാർഥിക്കാൻ ആവശ്യപ്പെടുകയും ചെയ്​തിരുന്നു. ഇടക്കിടെ അന്വേഷണ സംഘം വീട്ടിലെത്തി വിവരങ്ങൾ പങ്കുവെച്ചിരുന്നു. ഇതിൽ ഒരു തവണയാണ്​ സംശയം തോന്നി കൂടുതൽ തെരഞ്ഞത്.

വിശ്വസിപ്പിക്കാനായി ഭാര്യയുടെതെന്ന നിലക്ക്​ ഒരു മൊബൈൽ ഫോണിന്‍റെ ഭാഗങ്ങളും മറ്റും ഇവർ താഴേക്ക്​ എറിഞ്ഞിരുന്നു. ഇതും അന്വേഷണ സംഘം കണ്ടെത്തി. എല്ലാം പൂർത്തിയായതോടെ അപകടമില്ലെന്ന്​ ഉറപ്പായ സന്തോഷത്തിലാണ്​ രക്ഷാസേനയും സന്നദ്ധ പ്രവർത്തകരും.

Show Full Article
TAGS:Wife fell off Cliff fake death 
News Summary - He Said Wife Fell Off Cliff. She Actually Faked Her Death To Avoid Prison
Next Story