ഇസ്രായേലിൽ ലോക്ഡൗണിനെതിരെ പ്രക്ഷോഭം; ഗ്രനേഡ്​ പ്രയോഗത്തിൽ നിരവധി പേർക്ക്​ പരിക്ക്​

ടെൽ അവീവ്​: കോവിഡ്​ വ്യാപനം തടയാൻ ലോക്​ഡൗൺ പ്രഖ്യാപിച്ചതിനെതിരെ ഇസ്രായേലിൽ പ്രക്ഷോഭം കനക്കുന്നു. തീവ്ര യ ാഥാസ്​ഥിതിക ജൂത വിഭാഗമായ ഹരേദികളാണ്​ ​പ്ര​തിഷേധവുമായി െതരുവിലിറങ്ങിയത്​. ഇവരെ നേരിടാൻ പൊലീസ് നടത്തിയ​ ഗ്ര​ േനഡ്​ പ്രയോഗത്തിൽ നിരവധി പേർക്ക്​ പരിക്കേറ്റു. പലയിടത്തും സംഘർഷ സാധ്യത നിലനിൽക്കുന്നതായി ഇസ്ര​ായേൽ മാധ്യമങ ്ങൾ റിപ്പോർട്ട്​ ചെയ്യുന്നു.

വ്യാഴാഴ്ച രാത്രി ജറുസലമിലെ മിയ ഷീരിം പ്രദേശത്താണ്​ പ്രക്ഷോഭം തുടങ്ങിയത്​. ആരോഗ്യ മന്ത്രി യാക്കോവ് ലിറ്റ്സ്മാ​ൻ വ്യാഴാഴ്ച ലോക്​ഡൗൺ പ്രഖ്യാപിച്ചിരുന്നു. എന്നാൽ, തങ്ങളുടെ പ്രദേശങ്ങളിൽ കടുത്ത നിയന്ത്രണം ഏർപ്പെടുത്തി വിവേചനം കാണിച്ചതായാണ്​ ഹരേദി വിഭാഗത്തി​​െൻറ ആരോപണം. ഇതിനെതിരെയാണ്​ മത നേതൃത്വത്തി​​െൻറ ആഹ്വാന പ്രകാരം ആളുകൾ തെരുവിലിറങ്ങിയത്​.

നേരത്തെ, ലോക്​ഡൗൺ നടപ്പാക്കുന്നത്​ സംബന്ധിച്ച ചർച്ചയിൽ മന്ത്രിസഭയിലെ ഹരേദി പ്രതിനിധികൾ കടുത്ത എതിർപ്പ്​ പ്രകടിപ്പിച്ചിരുന്നു. ഇത്​ അവഗണിച്ചാണ്​ ലോക്​ഡൗൺ നടപ്പാക്കിയത്​.

תיעוד הרגע שבו פגע רימון הלם של שוטרים בילדה בת 8 במהלך פיזור המהומות האלימות הלילה במאה שערים. צילום: פלורליסט pic.twitter.com/uidTaZWtrh

— יאיר שרקי (@yaircherki) April 16, 2020

വ്യാഴാഴ്​ച രാത്രി പല സ്​ഥലങ്ങളിലും ഇവർ പൊലീസുമായി ഏറ്റുമുട്ടി. പൊലീസ്​ നടത്തിയ ഗ്രനേഡ്​ അക്രമണത്തിൽ എട്ട് വയസുകാരിയടക്കം നിരവധി പേർക്ക് പരിക്കേറ്റു. സ്​ത്രീകളും കുട്ടികളുമടക്കമുള്ള ഹരേദി വിഭാഗക്കാർക്കു നേരെ പൊലീസ്​ ഗ്രനേഡ് എറിയുന്നതി​​െൻറ സി.സി.ടി.വി ദൃശ്യം മാധ്യമ പ്രവർത്തകനായ യായർ ചെർകി ട്വിറ്ററിൽ പോസ്റ്റ് ചെയ്​തിരുന്നു.

അതേസമയം, കലാപകാരികൾ തങ്ങൾക്കു നേരെ ചീമുട്ടയും കല്ലും എറിഞ്ഞതായി പൊലീസും​ പറയുന്നു. മിയ ഷീരിമിലെ ജൂത പുരോഹിതന്മാരായ റബ്ബികൾ ജനങ്ങളോട് തെരുവിലിറങ്ങാൻ ആഹ്വാനം ചെയ്തതായും ‘ദി ജറസലം പോസ്​റ്റ്’ എന്ന വാർത്ത പോർട്ടൽ റിപ്പോർട്ട് ചെയ്യുന്നു. 12,758 പേർക്കാണ്​ ഇസ്രായേലിൽ ഇതുവ​െ​​ര കോവിഡ്​ സ്​ഥിരീകരിച്ചത്​. 142 പേർ മരണപ്പെട്ടു. തീവ്ര യാഥാസ്​ഥിക വിഭാഗം താമസിക്കുന്ന പ്രദേശങ്ങളിലാണ്​ കൂടുതൽ രോഗം സ്​ഥിരീകരിച്ചതെന്ന്​ ഇസ്രായേൽ ആരോഗ്യ മന്ത്രാലയം പറയുന്നു.