ഹാലോവീൻ ദുരന്തം: മരിച്ചവരിൽ നടനും ഗായകനുമായ ലീ ജിഹാനും

സോൾ: ദക്ഷിണ കൊറിയയിൽ ഹാലോവീൻ ആഘോഷത്തിനിടെ തിരക്കിൽപെട്ട് മരിച്ചവരിൽ നടനും ഗായകനുമായ ലീ ജിഹാനും. സംസ്കാരം ചൊവ്വാഴ്ച നടക്കും. പ്രൊഡ്യൂസ് 101 എന്ന ടി.വി റിയാലിറ്റി ഷോയിലൂടെ വരവറിയിച്ച് നാടകങ്ങളിലൂടെയും സിനിമയിലൂടെയും നടനായും ഗായകനായും ശ്രദ്ധ നേടിയ യുവ പ്രതിഭയായിരുന്നു ലീ ജിഹാൻ (24).

സോളിലെ ഇറ്റാവോനിൽ കഴിഞ്ഞ ദിവസം നടന്ന അപകടത്തിൽ 153 പേരാണ് മരിച്ചത്. നൂറിലേറെ പേർക്ക് പരിക്കേറ്റു. ലക്ഷത്തിലേറെ പേർ ഒത്തുകൂടിയ ഹാലോവീൻ ആഘോഷത്തിനിടെ ഇടുങ്ങിയ വഴിയിൽ ആളുകൾ ഇരച്ചുകയറിയതാണ് കാരണം.