ഉത്തരാഖണ്ഡിൽ മദ്രസ തകർത്തതിനെ തുടർന്നുണ്ടായ സംഘർഷത്തിൽ നാലു പേർ കൊല്ലപ്പെട്ടു; 100 പേർക്ക് പരിക്ക്

ഡെറാഡൂൺ: ഉത്തരാഖണ്ഡിലെ ഹൽദ്വാനിയിൽ മദ്രസ തകർത്തതിനെ തുടർന്നുണ്ടായ സംഘർഷത്തിൽ നാലു പേർ കൊല്ലപ്പെട്ടു. ബാൻഭൂൽപുരയിലാണ് സംഘർഷമുണ്ടായത്. ജില്ല മജിസ്ട്രേറ്റിന്റെ അറിയിപ്പ് പ്രകാരം മൂന്ന് പേർ സംഘർഷങ്ങളിൽ കൊല്ലപ്പെട്ടിട്ടുണ്ട്. നൂറിലേറെ പേർക്ക് പരിക്കേൽക്കുകയും ​ചെയ്തു.

സംഘർഷങ്ങളെ തുടർന്ന് ഹൽദ്വാനിയിൽ കർഫ്യു പ്രഖ്യാപിച്ചിട്ടുണ്ട്. അക്രമം നടത്തുന്നവരെ കണ്ടാൽ വെടിവെക്കാനുള്ള ഉത്തരവും പുറത്തിറക്കിയിട്ടുണ്ട്. സംഘർഷം ഒഴിവാക്കാൻ ഇന്റർനെറ്റ് സേവനങ്ങൾ റദ്ദാക്കിയിട്ടുണ്ട്. വെള്ളിയാഴ്ച ഹൽദ്വാനിയിലെ സ്കൂളുകൾക്ക് അവധി പ്രഖ്യാപിക്കുകയും ചെയ്തിട്ടുണ്ട്.

സ​ർ​ക്കാ​ർ ഭൂ​മി കൈ​യേ​റി നി​ർ​മി​ച്ച​തെ​ന്നാ​രോ​പി​ച്ച് മു​നി​സി​പ്പ​ൽ കോ​ർ​പ​റേ​ഷ​ൻ അ​ധി​കൃ​ത​ർ മ​ദ്റ​സ കെ​ട്ടി​ടം ത​ക​ർ​ത്ത​തി​നെ തു​ട​ർ​ന്നാണ് ഹൽദ്വാനിയിൽ സംഘർഷമുണ്ടായത്. ഏ​താ​നും ദി​വ​സ​ങ്ങ​ളാ​യി കോ​ർ​പ​റേ​ഷ​ന്റെ നേ​തൃ​ത്വ​ത്തി​ൽ കൈ​യേ​റ്റ ഭൂ​മി തി​രി​ച്ചു​പി​ടി​ക്ക​ൽ ന​ട​ക്കു​ന്നു​ണ്ട്. കൈ​യേ​റി​യ മൂ​ന്ന് ഏ​ക്ക​ർ തി​രി​ച്ചു​പി​ടി​ച്ചി​രു​ന്ന​താ​യും മ​ദ്റ​സ കെ​ട്ടി​ടം പൂ​ട്ടി സീ​ൽ ചെ​യ്തി​രു​ന്ന​താ​യും മു​നി​സി​പ്പ​ൽ ക​മീ​ഷ​ണ​ർ പ​ങ്ക​ജ് ഉ​പാ​ധ്യാ​യ് പ​റ​ഞ്ഞു. ഫെ​ബ്രു​വ​രി ഒ​ന്നി​ന് മു​മ്പ് ഒ​ഴി​യ​ണ​മെ​ന്ന് നോ​ട്ടീ​സ് ന​ൽ​കിയിരുന്നു.

പൊ​ളി​ക്ക​രുതെന്ന് മ​ത, രാ​ഷ്ട്രീ​യ നേ​താ​ക്ക​ൾ ആ​വ​ശ്യ​പ്പെ​ട്ടി​രു​ന്നു​വെ​ങ്കി​ലും അ​ധി​കൃ​ത​ർ വ​ഴ​ങ്ങി​യി​ല്ല. പ്ര​ദേ​ശ​വാ​സി​ക​ൾ ന​മ​സ്കാ​ര​ത്തി​നു​കൂ​ടി ഉ​പ​യോ​ഗി​ച്ചി​രു​ന്ന കെ​ട്ടി​ടം വ്യാ​ഴാ​ഴ്ച ബു​ൾ​ഡോ​സ​റു​മാ​യെ​ത്തി ത​ക​ർ​ക്കു​ക​യാ​യി​രു​ന്നു.