നൈജീരിയയിലെ ജയിൽ ആക്രമിച്ചു ആയുധധാരികൾ 240 തടവുകാരെ മോചിപ്പിച്ചു

അബൂജ: നൈജീരിയയിൽ ആയുധധാരികളായ ഒരു സംഘം ജയിൽ ആക്രമിച്ച്​ 240 തടവുകാരെ മോചിപ്പിച്ചു. ഞായറാഴ്​ച രാത്രിയാണ്​ സംഭവം. തലസ്​ഥാനമായ അബൂജക്ക്​ തെക്കുപടിഞ്ഞാറുള്ള കോഗി പ്രവിശ്യയിലെ കബ്ബയിലാണ്​​ സംഭവം.

ആയുധധാരികൾ ജയിലിലെ ഗാർഡുകൾക്കു നേരെ വെടിയുതിർക്കുകയായിരുന്നു. വെടിവെപ്പിൽ ആർക്കെങ്കിലും പരിക്കുണ്ടോ എന്ന കാര്യം വ്യക്തമല്ല. ആയുധധാരികളെ തിരിച്ചറിയാനും സാധിച്ചിട്ടില്ല. ആക്രമണത്തെ കുറിച്ച്​ നൈജീരിയൻ പൊലീസ്​ അന്വേഷണം തുടങ്ങി.

294 തടവുകാരാണ്​ ജയിലിലുണ്ടായിരുന്നത്​. 200 തടവുകാ​രെ പാർപ്പിക്കാൻ 2008ലാണ്​ ഈ ജയിൽ നിർമിച്ചത്​.