Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_rightആ പച്ചക്കണ്ണുകളുടെ ഉടമ ...

ആ പച്ചക്കണ്ണുകളുടെ ഉടമ ഇനി ഇറ്റലിയിൽ; ശർബത്തിന്‍റെ അഭയാർഥി യാത്രകൾ അവസാനിക്കുന്നില്ല

text_fields
bookmark_border
ആ പച്ചക്കണ്ണുകളുടെ ഉടമ ഇനി ഇറ്റലിയിൽ; ശർബത്തിന്‍റെ അഭയാർഥി യാത്രകൾ അവസാനിക്കുന്നില്ല
cancel

പതിറ്റാണ്ടുകൾക്ക്​ മുമ്പ്​ നാഷനൽ ജ്യോഗ്രഫികിന്‍റെ കവറിലൂടെ ലോക മനസാക്ഷിയെ പിടിച്ചുകുലുക്കിയ ആ പച്ചക്കണ്ണുകളുടെ ഉടമ ഇനി ഇറ്റലിയിൽ. ഒരൊറ്റ ചിത്രത്തിലൂടെ അഫ്​ഗാൻ അഭയാർഥികളിലേക്ക്​ ലോകത്തിന്‍റെ ശ്രദ്ധയാകർഷിച്ച അഫ്ഗാൻവനിത ശർബത്ത് ഗുലയെ ഇറ്റലി ഏറ്റെടുത്തു.

1984 ൽ സ്റ്റീവ് മക്‌കറി ക്യാമറയിൽ പകർത്തി നാഷനൽ ജ്യോഗ്രഫിക് മാഗസിന്‍റെ മുഖചിത്രമായി വന്ന ഫോട്ടോയിലൂടെയാണു ശർബത്തിനെ ലോകം അറിഞ്ഞത്. അന്നു 12 വയസ്സായിരുന്നു ശർബത്തിന്​. പാകിസ്​താനിലെ ഒരു അഭയാർഥി ക്യാമ്പിൽ നിന്ന്​ പകർത്തിയതായിരുന്നു ആ ചിത്രം. 1979 ലെ സോവിയറ്റ്​ അധിനിവേശത്തെ തുടർന്ന്​ അഭയം തേടി നാടുവിട്ട അഫ്​ഗാനികളിലൊരാളായിരുന്നു ആ 12 വയസുകാരി.

വ്യാജ തിരിച്ചറിയൽ രേഖകൾ ഉപയോഗിച്ച്​ പാകിസ്​തഗനിൽ ജീവിക്കുന്നതായി കണ്ടെത്തി 2016 ൽ ഇവരെ അഫ്​ഗാനിലേക്ക്​ തിരിച്ചയക്കുന്നുണ്ട്​. പിന്നീട്​ അഫ്​ഗാൻ സർക്കാർ ഇവർക്ക്​ കാബൂളിൽ വീട്​ അനുവദിച്ചിരുന്നു.

അഫ്ഗാനിൽ താലിബാൻ ഭരണം പിടിച്ചതോടെ ശർബത്ത് രാജ്യം വിടാൻ സഹായം തേടുകയായിരുന്നെന്ന് ഇറ്റലി അറിയിച്ചു. ഒരു സർക്കാറിതര സന്നദ്ധ സംഘടനയാണ്​ ശർബത്തിന്​ ഇറ്റലിയിൽ അഭയം നൽകാനായി ഇടപെട്ടത്​.

താലിബാൻ ഭരണം പിടിച്ച ശേഷം 5000 ഒാളം അഫ്​ഗാനികൾക്ക്​ അഭയം നൽകിയിട്ടുണ്ടെന്ന്​ ഇറ്റലി അറിയിച്ചു.

Show Full Article
TAGS:Afghanistan Taliban sharbat gula 
News Summary - Green-Eyed Girl Afghan girl Now In Italy
Next Story