Begin typing your search above and press return to search.
proflie-avatar
Login
exit_to_app
exit_to_app
അഭയാർഥിപ്പേടിയിൽ ഗ്രീസ്​; യൂറോപിലേക്ക്​ അഫ്​ഗാനികളുടെ ഒഴുക്ക്​ തടയാൻ 40 കിലോമീറ്റർ മതിൽ കെട്ടി
cancel
Homechevron_rightNewschevron_rightWorldchevron_rightഅഭയാർഥിപ്പേടിയിൽ...

അഭയാർഥിപ്പേടിയിൽ ഗ്രീസ്​; യൂറോപിലേക്ക്​ അഫ്​ഗാനികളുടെ ഒഴുക്ക്​ തടയാൻ 40 കിലോമീറ്റർ മതിൽ കെട്ടി

text_fields
bookmark_border

ഏതൻസ്​: അഫ്​ഗാനിസ്​താനിൽ താലിബാൻ പിടിമുറുക്കിയതിന്​ പിന്നാലെ യൂറോപിലേക്ക്​ അഭയാർഥികൾ ഒഴുകാൻ സാധ്യത കണക്കിലെടുത്ത്​ അതിർത്തിയിൽ 40 കിലോമീറ്റർ നീളത്തിൽ കൂറ്റൻ മതിലുയർത്തി ഗ്രീസ്​. ആഭ്യന്തര സംഘർഷം രൂക്ഷമായ സിറിയയിൽനിന്നും ഇറാഖിൽനിന്നും 2015ൽ സംഭവിച്ചതിന്​ സമാനമായ അഭയാർഥി ഒഴുക്ക്​ ഇത്തവണ അഫ്​ഗാനിസ്​താനിൽനിന്ന്​ സംഭവിക്കുമെന്നാണ്​ ഗ്രീസിന്‍റെ ആശങ്ക. ഈ സാഹചര്യത്തിലാണ്​ തുർക്കി അതിർത്തിയിൽ കൂറ്റൻ മതിലുയർന്നത്​.

ആറു വർഷം മുമ്പു നടന്നതിന്‍റെ ആവർത്തനം ഇനിയും സംഭവിക്ക​രുതെന്ന്​ ഗ്രീക്​ പൗര സംരക്ഷണ മന്ത്രി മൈക്കലിസ്​ ക്രിസോകോയിഡിസ്​ പറഞ്ഞു.

അഫ്​ഗാനികളെ യൂറോപിലേക്ക്​ അതിർത്തി വഴി കടക്കാൻ അനുവദിക്കില്ലെന്നും തിരിച്ചയക്കുമെന്നും കഴിഞ്ഞയാഴ്ച ഗ്രീസ്​ വ്യക്​തമാക്കിയിരുന്നു. ''നിയമവിരുദ്ധ അഫ്​ഗാൻ കുടിയേറ്റക്കാർക്ക്​ യൂറോപിലേക്ക്​ വഴിയാകാൻ രാജ്യത്തെ അനുവദിക്കില്ല''- കുടിയേറ്റ മന്ത്രി നോടിസ്​ മിറ്ററാഷി പറഞ്ഞു.

2015ലെ സംഘർഷങ്ങളിടെ ഒരു വർഷത്തിനുള്ളിൽ 10 ലക്ഷം അഭയാർഥികളാണ്​ യൂറോപിലേക്ക്​ തുർക്കി വഴി കടന്നിരുന്നത്​. പലരും ബോട്ടുകളിൽ ഈജിയൻ കടൽ കടന്നായിരുന്നു യാത്ര.

താലിബാൻ ഭരണം ഭയന്ന്​ അഫ്​ഗാനികൾ കൂട്ടമായി രാജ്യം വിടാനൊരുങ്ങുന്നത്​ രാജ്യത്ത്​ കനത്ത പ്രതിസന്ധി സൃഷ്​ടിച്ചിട്ടുണ്ട്​. അഫ്​ഗാനികളെ സ്വീകരിക്കുമെന്ന്​ ചില രാജ്യങ്ങൾ അറിയിച്ചിട്ടുണ്ട്​. എന്നാൽ, അഭയാർഥികൾ വരുന്നത്​ നിരീക്ഷിക്കാൻ 40 കിലോമീറ്റർ മതിലുയർത്തിയ ഗ്രീസ്​ അത്യാധുനിക നിരീക്ഷണ സംവിധാനവും ഏർപെടുത്തിയിട്ടുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:border wallMigrationGreeceAfghanistan
News Summary - Greece extends border wall to deter Afghans trying to reach Europe
Next Story