മ്യാ​ന്മ​റി​ൽ 15 പേ​രെ ജ​നാ​ധി​പ​ത്യ​വാ​ദി​ക​ൾ കൊ​ല​പ്പെ​ടു​ത്തി​യെ​ന്ന് ഭ​ര​ണ​കൂ​ടം

ബാ​ങ്കോ​ക്ക്: രാ​ജ്യ​ത്തി​​ന്റെ മ​ധ്യ​മേ​ഖ​ല​യി​ൽ ജ​നാ​ധി​പ​ത്യ വാ​ദി​ക​ൾ ന​ട​ത്തി​യ മോ​ർ​ട്ടാ​ർ ആ​ക്ര​മ​ണ​ത്തി​ൽ 15 നാ​ട്ടു​കാ​ർ കൊ​ല്ല​പ്പെ​ട്ട​താ​യി മ്യാ​ന്മ​റി​ലെ സൈ​നി​ക നി​യ​ന്ത്ര​ണ​ത്തി​ലു​ള്ള സ​ർ​ക്കാ​ർ. പീ​പ്ൾ​സ് ഡി​ഫ​ൻ​സ് ഫോ​ഴ്സ​സ് എ​ന്ന ഗ​റി​ല സം​ഘം ​ബു​ധ​നാ​ഴ്ച പു​ല​ർ​ച്ചെ നാ​ലി​ന് സാ​ഗി​ങ് മേ​ഖ​ല​യി​ലെ എ​ൻ​ഗ്വേ ട്വി​ൻ ഗ്രാ​മ​ത്തി​ൽ ന​ട​ത്തി​യ ആ​ക്ര​മ​ണ​ത്തി​ൽ 15 പേ​ർ കൊ​ല്ല​പ്പെ​ട്ട​താ​യി സ​ർ​ക്കാ​ർ ഉ​ട​മ​സ്ഥ​ത​യി​ലു​ള്ള മ്യാ​ന്മ അ​ലീ​ൻ പ​ത്ര​മാ​ണ് റി​പ്പോ​ർ​ട്ട് ചെ​യ്ത​ത്. മൂ​ന്ന് സ​ന്യാ​സി​മാ​ർ ഉ​ൾ​പ്പെ​ടെ നി​ര​വ​ധി പേ​ർ​ക്ക് പ​രി​ക്കേ​റ്റ​താ​യും റി​പ്പോ​ർ​ട്ടി​ൽ പ​റ​യു​ന്നു.

2021 ഫെ​ബ്രു​വ​രി ഒ​ന്നി​ന് ഓ​ങ്സാ​ൻ സൂ​ചി​യെ അ​ട്ടി​മ​റി​ച്ച് സൈ​ന്യം അ​ധി​കാ​രം പി​ടി​ച്ചെ​ടു​ത്ത​തി​ന് പി​ന്നാ​ലെ​യാ​ണ് പി.​ഡി.​എ​ഫ് രാ​ജ്യ​ത്തി​​ന്റെ വി​വി​ധ ഭാ​ഗ​ങ്ങ​ളി​ൽ ശ​ക്തി​പ്രാ​പി​ച്ച​ത്. സൈ​നി​ക ഭ​ര​ണ​കൂ​ട​ത്തെ എ​തി​ർ​ക്കു​ന്ന നി​ഴ​ൽ ഭ​ര​ണ​കൂ​ട​മാ​യ ദേ​ശീ​യ ഐ​ക്യ സ​ർ​ക്കാ​റി​നെ പി​ന്തു​ണ​ക്കു​ന്ന​വ​രാ​ണ് ഇ​വ​ർ. സൈ​നി​ക ഭ​ര​ണ​കൂ​ട​ത്തി​നെ​തി​രാ​യ പോ​രാ​ട്ടം ന​ട​ക്കു​ന്ന പ്ര​ധാ​ന സ്ഥ​ല​മാ​ണ് സാ​ഗി​ങ്. എ​ന്നാ​ൽ, സൈ​നി​ക ഭ​ര​ണ​കൂ​ട​ത്തെ പി​ന്തു​ണ​ക്കു​ന്ന പ്ര​ദേ​ശ​മാ​ണ് എ​ൻ​ഗ്വേ ട്വി​ൻ ഗ്രാ​മം. സൈ​ന്യം ന​ട​ത്തു​ന്ന ഭീ​ക​ര​വി​രു​ദ്ധ ന​ട​പ​ടി​ക​ളെ പി​ന്തു​ണ​ക്കു​ന്ന​വ​രു​മാ​ണ് ഇ​വി​ടെ​യു​ള്ള​വ​ർ.

ആ​ക്ര​മ​ണം ന​ട​ന്ന വി​വ​രം പി.​ഡി.​എ​ഫ് അം​ഗ​ങ്ങ​ളി​ൽ ഒ​രാ​ൾ വാ​ർ​ത്ത ഏ​ജ​ൻ​സി​യാ​യ അ​സോ​സി​യേ​റ്റ​ഡ് പ്ര​സി​നോ​ട് സ്ഥി​രീ​ക​രി​ച്ചു. സൈ​ന്യ​ത്തെ പി​ന്തു​ണ​ക്കു​ന്ന സാ​യു​ധ വി​ഭാ​ഗ​ങ്ങ​ൾ ജ​നാ​ധി​പ​ത്യ​വാ​ദി​ക​ളു​ടെ പ്ര​വ​ർ​ത്ത​ന​ത്തെ ത​ട​സ്സ​പ്പെ​ടു​ത്തു​ക​യും സൈ​ന്യ​ത്തെ സ​ഹാ​യി​ക്കു​ക​യും ചെ​യ്യു​ന്ന​തു​കൊ​ണ്ടാ​ണ് ആ​ക്ര​മ​ണം​ ന​ട​ത്തി​യ​തെ​ന്നും അ​ദ്ദേ​ഹം പ​റ​ഞ്ഞു. സൈ​നി​ക​രും സൈ​ന്യ​ത്തെ പി​ന്തു​ണ​ക്കു​ന്ന​വ​രു​മാ​യ 19 പേ​രെ കൊ​ല​പ്പെ​ടു​ത്തി​യ​താ​യും 20 പേ​ർ​ക്ക് പ​രി​ക്കേ​റ്റ​താ​യും മ​റ്റൊ​രു പി.​ഡി.​എ​ഫ് സം​ഘ​മാ​യ പീ​പ്ൾ​സ് സെ​ർ​വ​ന്റ് റ​വ​ല്യൂ​ഷ​ൻ ഫേ​സ്ബു​ക്ക് പേ​ജി​ൽ പ​റ​ഞ്ഞു.