Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_rightമൃഗശാലയിലെ...

മൃഗശാലയിലെ ഗോറില്ലകൾക്ക്​ കോവിഡ്; ആശങ്കപ്പെടാനില്ലെന്ന്​ ഗവേഷകർ

text_fields
bookmark_border
Gorillas test Covid positive at zoo in Atlanta
cancel

അറ്റ്ലാൻറ: അമേരിക്കയിലെ അറ്റ്​ലാൻറ മൃഗശാലയിലെ ഗൊറില്ലകൾക്ക്​ കോവിഡ് സ്​ഥിരീകരിച്ചു. ആകെയുള്ള 20 ​ഗോറില്ലകളിൽ 13 എണ്ണത്തിനാണ്​ കോവിഡ്​ പോസിറ്റീവായത്​. മൃഗശാലയിലെ മുഴുവൻ ഗൊറില്ലകളിൽ നിന്നും പരിശോധനയ്ക്കായി സാമ്പിളുകൾ ശേഖരിക്കുന്നുണ്ടെന്ന് മൃഗശാല അധികൃതർ പ്രസ്​താവനയിൽ പറഞ്ഞു.


പടിഞ്ഞാറൻ ലോലാൻറ്​ ഗൊറില്ലകളുടെ സംഘത്തിലെ നിരവധി അംഗങ്ങൾക്കാണ്​ കോവിഡ്​ കണ്ടെത്തിയത്​. നേരിയ ചുമ, മൂക്കൊലിപ്പ്, വിശപ്പ് ഇല്ലായ്​മ തുടങ്ങിയ ലക്ഷണങ്ങൾ ഗോറില്ലകൾ കാണിച്ചിരുന്നുവെന്ന് മൃഗശാല അധികൃതർ വെള്ളിയാഴ്​ച പറഞ്ഞു. കുടുതൽ ഗോറില്ലകളിൽ നിന്ന് സാമ്പിളുകൾ ശേഖരിക്കുകയും ജോർജിയ സർവകലാശാലയിലെ ഡയഗ്നോസ്റ്റിക് ലാബിലേക്ക് അയക്കുകയും ചെയ്​തിട്ടുണ്ട്​. മൃഗശാല ജീവനക്കാരനിൽ നിന്നാണ് വൈറസ് ഗൊറില്ലകളിലേക്ക് പടർന്നതെന്നാണ്​ കരുതുന്നത്​. രോഗം സ്​ഥിരീകരിച്ച ഗൊറില്ലകളെ ക്വാറന്‍റീനിലാക്കിയിരിക്കുകയാണ്​. ഭക്ഷണവും വെള്ളവും കഴിക്കുന്നുണ്ട്​. ഉടൻ തന്നെ ഗൊറില്ലകൾ പൂർണ ആരോഗ്യം കൈവരിക്കുമെന്നാണ്​ കരുതുന്നതെന്ന്​ സൂ അധികൃതർ പറഞ്ഞു.

മറ്റ്​ മൃഗങ്ങളിലേക്ക്​ രോഗം പകർന്നിട്ട​ുണ്ടോയെന്ന പരിശോധനയിലാണ്​ അധികൃതർ. പ്രാഥമികമായി മനുഷ്യനിൽ നിന്ന് മനുഷ്യരിലേക്ക് പകരുന്ന രോഗമാണ്​ കോവിഡ്​. പക്ഷേ മനുഷ്യരും മൃഗങ്ങളും തമ്മിൽ പകരുന്നതിനും തെളിവുകൾ ലഭിച്ചിട്ടുണ്ട്​. നായ്ക്കൾ, വളർത്തു പൂച്ചകൾ, സിംഹങ്ങൾ, കടുവകൾ, റാക്കൂൺ നായ്ക്കൾ തുടങ്ങി നിരവധി മൃഗങ്ങൾ, രോഗബാധിതരായ മനുഷ്യരുമായി സമ്പർക്കം പുലർത്തിയ ശേഷം കോവിഡ്​ പോസിറ്റീവ്​ ആയിട്ടുണ്ട്​. നേരത്തേ ന്യൂയോർക്കിലെ ബ്രോൺസ്​ മൃഗശാലയിലെ കടുവക്ക്​ കോവിഡ്​ സ്ഥിരീകരിച്ചിരുന്നു. സാൻ ഡിയാഗോ സഫാരി പാർക്കിലെ രണ്ടു ഗൊറില്ലകൾക്കും ഇതിനുമുമ്പ്​​ കോവിഡ്​ വന്നിരുന്നു.

Show Full Article
TAGS:covid 19 Gorilla zoo positive 
News Summary - Gorillas test Covid-19 positive at zoo in Atlanta
Next Story